ابشرك العضيد موجودين في جميع المجمعات التجارية
ولكنهم مع الاسف يلبسون نظارة شمسية !!!!
ابشرك العضيد موجودين في جميع المجمعات التجارية
ولكنهم مع الاسف يلبسون نظارة شمسية !!!!
لما يجيبون سيكوريتي من دول جنوب شرق اسيا مساكين يخافون من خيالهم ما تتوقعين منهم يمسكون أي نظام ولا امن ولا أي شي ... و الأجنبي الأوروبي يقدر يدخل وهو حافي و بشورت....نبي رجال سيكوريتي لهم هيبه و يخوفون .... ليش ما يجيبون بودي جارد يعلمون المخالفين الادب
بخصوص العمال اللي لابسين بوت الشغل ..... يعني الموضوع انهم يبون ناس تدخل بملابس نظيفه مب جايين من شغل و ريحة العرق و الملابس الوسخه من الشغل بين العوايل و الناس....... بصراحه انا مع هالشي
,
,
مرحبا
شكرا على الموضوع
هذي اليافطه في ( كرواتيا ) احد المناطق على البحر
حاطين ممنوع التجول في المكان بهذا اللبس خارج الشاطئ
ومحدد المخالفه وسعرها
اما احنا ما لاتوجد أمور واضحه ولا اعلم السبب من ( تحديد ) الأمور
بدل ما نتركها على ( التقدير ) العام
اعتقد اللوم كله على ( أصحاب المولات ) ومدير المول
احد شاف لوحات كذا واضحه ؟؟؟
بصراحه
انا ما شفت ( تعليمات واضحه ) على باب المول شنو نوع اللبس المسموح فيه
ذولا أجانب جايين من دول مسموح فيها هذا اللبس وهذا لبسهم هناك الطبيعي
الدور علينا نحط تعيمات واضحه بالصور على ( مدخل كل مول )
بعدها نقدر نكلم الي ما يلتزم حتى يكون هناك ( مرجع ) واضح للجميع
يمكن الي انا اشوفه فاضح غيري يشوفه مقبول
لازم نحدد الأمور
بصراحه
مدير المول وصاحب المول القطري هو المسئول الأول عن هذا الموضوع وليس الاجانب
حتى سوق واقف ما اعرف اذا في تعليمات خاصه باللبس
او مسمح للقروبات السياحيه نساء ورجال يدخلون بالشورتات القصيره
لازم قانون ولازم تعليمات
وكلنا نعرف ان الأجانب وخاصه السياح ( يلتزمون بقانون الدوله الي يزورنها ) خاصه اذا في ( مطبوعات ) موزعه عليهم
يعني احنا مو حاطين تعليمات ولا قانون مكتوب
ونبي الناس ( تلتزم بشي مبهم ) غير معروف الحدود وين
لازم في جهه شغلتها تنبه
على هذي الأمور وتنبه المولات والأسواق الاداره هناك تحط لافتات ( متعارف عليها )
من هي الجهه المسئوله عن توزيع هذه اللوحات ؟؟؟؟؟ تكون موحده بكل مكان ؟؟؟؟
بكل سوق وكل مول وهذه اللافتات حاطتها جهه مسئوله بالدوله
,
,
التعديل الأخير تم بواسطة شموخ دائم ; 17-06-2019 الساعة 01:02 PM
العتب يا اخوي شموخ على الجهات المختصة في البلاد
هي ترخص أي نشاط حسب ضوابط ومحددات ولو خالف صاحب النشاط يتغرم وينذر وممكن يتوقف نشاطه .. نفس الشيء هذي المخالفات من الملابس ومن التدخين ومن مضايقة العائلات ومن صراخ المراهقين .. أقلها يطلبون من أمن المول يلتزمون بها ويمنعون من يخالف
صاحب المول ما يقدر يطبق قانون عام في الدولة الا لو أُمر صراحة بتنفيذ هذا عبر الأمن
,
,
مرحبا
اخوي معماري
طيب ليه ما يرفع الموضوع لمجلس الشورى عاجل
يناقش ويحدد الضوابط والجهه المشرفه
ترى الموضوع يبي قانون واضح ومخالفات وجهه خلفه
اعتقد لازم مجلس الشورى بسرعه التحرك لضبط الموضوع
جاينا كاس عالم وجاينا بلاوي
,
,
لازم التشريعات حتى يضبطون الأُمور والأمن وأخلاقيات المجتمع
كم مرة سمعنا اعلان عن القبض على المحفص الفلاني واحالته للمحكمة وحجز سيارته .. ضروري اعلان الأحكام والضبطيات للمخالفات .. من وقاحة بعض الناس يوقف في الشارع وهو يدري إنه ساد الشارع ولا عليه من اللي وراه .. اليوم آسيوي موقف وساد الطريق بس لعانة بدون سبب لازم اهرن له بعدين يتحرك ويصف على جنب وعند مستشفى ممنوع التهرين وازعاج الناس
الضوابط والأخلاقيات كل العالم يحترمها بس لازم يعرفها ويعرف إن وراها قانون مطبق
هل الملابس "الغير محتشمه" تقع تحت بند "فعلاً فاضحاً"؟؟؟؟
قانون العقوبات القطري
الفعل الفاضح المخل بالحياء
المادة 290
يُعاقب بالحبس مدة لا تجاوز ستة أشهر، وبالغرامة التي لا تزيد على ثلاثة آلاف ريال، أو بإحدى هاتين العقوبتين، كل من أبدى إشارة، أو جهر بأغان أو أقوال فاحشة، أو أتى فعلاً فاضحاً، مخلاً بالحياء بأي طريقة في مكان عام، أو في مكان يستطيع فيه رؤيته من كان في مكان عام.
المادة 291
يُعاقب بالحبس مدة لا تجاوز سنة، وبالغرامة التي لا تزيد على خمسة آلاف ريال، أو بإحدى هاتين العقوبتين، كل من قصد، خدش حياء أنثى، بأن تفوه بأي كلمة، أو صدر عنه أي صوت أو إيماء أو عرض أي شيء، قاصداً أن تصل الكلمة أو الصوت إلى سمع تلك الأنثى أو يقع بصرها على الإيماء أو الشيء الذي يعرضه.
ويُعاقب بذات العقوبة، كل من تطفل على أنثى في خلوتها.
المادة 292
يُعاقب بالحبس مدة لا تجاوز سنة، وبالغرامة التي لا تزيد على خمسة آلاف ريال، أو بإحدى هاتين العقوبتين، كل من صنع أو استورد أو صدر أو حاز أو أحرز أو نقل بقصد الاستغلال أو التوزيع أو العرض كتاباً أو مطبوعاً أو كتابات أخرى أو رسوماً أو صوراً أو أفلاماً أو رموزاً أو غير ذلك من الأشياء، المخلة بالحياء أو الآداب العامة.
ويُعاقب بذات العقوبة، كل من أعلن عن شيء من ذلك، أو عرضه على الجمهور أو باعه أو أجّره أو عرضه للبيع أو للإيجار ولو في غير علانية، وكل من وزعه أو سلمه للتوزيع بأي وسيلة.
وتكون العقوبة الحبس الذي لا تجاوز مدته سنتان والغرامة التي لا تزيد على عشرة آلاف ريال أو إحدى هاتين العقوبتين، إذا كان من شأن ذلك استغلال طفل لا يزيد عمره على ستة عشر عاماً.
المادة 293
يُعاقب بالحبس مدة لا تجاوز ستة أشهر، وبالغرامة التي لا تزيد على ثلاثة آلاف ريال، أو بإحدى هاتين العقوبتين، كل من تسبب في مضايقة أو إزعاج الآخرين أو تلفظ بعبارات منافية للآداب أو الأخلاق عن طريق استعمال أجهزة الاتصال السلكية أو اللاسلكية أو الوسائط الإلكترونية أو أي وسيلة أخرى.