نسمع ان العقارات بتنزل هل صحيح او اشاعة

[أسرع متين]

السلام عليكم

يا اهل الاختصاص هل صحيح ان اسعار العقارات والاراضي ستنخفض او كما هي العادة في نشر الشائعات

شكرا

[ابوالعبد]

اشاعات اخوي ماشوف نزول كله كلام من سنه وانا اسمع بتنزل ماشوف نزلت الا شي بسيط يعني لايذكر ان خاطرك شي خذ وتوكل علي الله خصوصا اصلا الاراضي محدوده

[الوسيط العقاري]

الهبوط موجود لكن على وتيرة بطيئة

مازال للهبوط بقية ..

[حمــد]

اكيد اصحاب العقارات والدلالين بقولولك اشاعات ويلي عنده كاش بيقلك في هبوووووووووط ...

[الوسيط العقاري]

اكيد اصحاب العقارات والدلالين بقولولك اشاعات ويلي عنده كاش بيقلك في هبوووووووووط ...

بالعكس انا صاحب مكتب وساطة عقارية أقول لك ان السوق ميت وتعبان

من خلال كل التجار اللي تعاملنا معاهم في السنوات السابقة

صعب حد يشتري من التجار نفس السنوات السابقة

كلن ماسك الكاش .. الا إذا عقار بسعر خيالي


ومحد يشتري هالايام الا اللي يبون يسكنون ..

[ابو عبدالله.]

اخوي عقاري بضطر اختلف معاك شوي

يمكن انت شغال ع الصفقات الكبيره و هذه يمكن تشوفها قلت

لكن انا شريت ارض برمضان ووالحين بخلص الاوراق ان شاء الله
و نفس البائع خلص بيع اكثر من 15 ارض بنفس البلوك

معاي زملاء عمل برمضان شارين اراضي و اعرف كم واحد لا زالوا يبحثون للشراء

كل واحد فينا يشوف جزء من السوق انت تشوف سوق تعبان وانا اشوف حراك بالاراضي الصغيره. و نشط ايضا

اذا برمضان انا شفت اكثر من عشرين شخص شروا. و كذا واحد يبحث. فما بالك ببعد رمضان

لن نختلف بان السوق اقل حركه من قبل سنتين لكن مش تعبان او مكسور او ناس تنزل بسعر غريب عشان تبيع

[ابو عبدالله.]

على فكره. من كم سنه و النقاش عن الهبوط موجود

و ناس من هالسنوات شرت و خلصت اقساطها و ناس للحين تنتظر الهبوط

[بوجبر]

البعض يفتكر هبوط العقار مثل سوق الاسهم��

اللي يقول هناك هبوط دبرولي فيلا بمساحة لأ تقل عن 700 متر مربع اقل من اثنين مليون!!!

[لطيف الروح]

http://www.qatarshares.com/vb/showth...3-%D5%DA%E6%CF

[حمد911]

انا متابع للسوق واللي اشوفة ان في بعض الاراضي بدت ترتفع اسعارها مثل الخيسة والصخامة وام قرن اشوف فيهم ارتفاعات جيدة وفية مناطق مستقرة والبيوت نفس الوضع فية بعضهم ارتفعو وبعضهم مستقرة اسعارهم انا اقصد فترة ل 3 شهور اللي فاتو الى اليوم اللي هدفة السكن يشتري والي يبي يستثمر لو حصل شي زين ياخذ وانا ترى من سنة 2005 موجود بالمنتدى يعني من 14 سنة وكلة اقرا انهيارات بتحصل بالعقارات وماشفنا شي ياجماعة ذي عقار مش اسهم فرقو بين الاثنين.. ولي حولة عقارات منهارة طرشو لي على الخاص ��