القروض الاستهلاكية في قطر تتخطى 130 مليار ريال في مايو 2019

[يمامـة]

الخبر يقول قروض استهلاكية والإخوان راحوا يفسروا الخبر على أنها قروض استثمارية .. البنوك لا تدعم القروض الاستثمارية وترى مخاطرها عالية لذلك أكبر الدعم يروح للقروض الاستهلاكية لو تروح البنك تطلب تمويل تجاري ستوضع أمامك عشرات المتطلبات والاشتراطات وسوف يقابلك موظف يكرهك في اليوم اللي تقدمت فيه بخلاف القروض الاستهلاكية بضمان الراتب هذا ما تحتاج سوى زيارة واحدة لتقديم الطلب والزيارة الثانية لتوقيع العقد والشيكات

سامحنا يا اخوك..
الارقام حق الفقارى تحدهم يربطونها بالقروض
التجارية..

اما بتنبيهك لنا ان الخبر يتكلم عن قروض استهلاكية

شكل الشعب القطري بكبره ماخذ قروض شخصية
على هالارقام!!!

[ابو عبدالله.]

الحصول على القرض شخصي وقرض السيارة اسهل من الحصول على الانواع الاخرى كالعقارية مثلا اللي يطلبون فيها رهن العقار وتثمين للعقار وتأمين حريق.. واخرتها الفايدة بتاكل فرق المدة وبتحصل على كاش اكثر شوي من الشخصي واقساط على سنين اطول.

قراءتي للخبر .. المفروض القروض الشخصية تكون مقاربة لقروض السيارات وزيادتها بهذا القدر تدل على انها تجارية

انا اقول نفس الشي

القروض الشخصيه و الاستهلاكيه كثير منها لاسباب تجاريه و عقاريه

بنك التنميه يعطي مليون و مئتين و تعتبر استهلاكيه لاغراض البناء بس هي فعليا للعقار

وايد اعرفهم ماخذين مليون و مليونين للعقار و الاراضي و سلف شخصيه

و البعض ماخذ سلفه سياره 500 الف وهي للبناء عشان النسبه اقل

اصلا سلف السيارات مئه. مئتين. ثلاث. اما فوق النص مليون فالقله. اما الاغلبيه لاغراض اخرى

اميل الى ان السلف الاستهلاكيه و الشخصيه مبالغ فيها بسبب تغطيتها نشاطات تجاريه و عقاريه تحت هالمسمى

[ابو عبدالله.]

الخبر يقول قروض استهلاكية والإخوان راحوا يفسروا الخبر على أنها قروض استثمارية .. البنوك لا تدعم القروض الاستثمارية وترى مخاطرها عالية لذلك أكبر الدعم يروح للقروض الاستهلاكية لو تروح البنك تطلب تمويل تجاري ستوضع أمامك عشرات المتطلبات والاشتراطات وسوف يقابلك موظف يكرهك في اليوم اللي تقدمت فيه بخلاف القروض الاستهلاكية بضمان الراتب هذا ما تحتاج سوى زيارة واحدة لتقديم الطلب والزيارة الثانية لتوقيع العقد والشيكات

اخوي سعيد

اعرف ناس ماخذين مليونين من البنك و كلها قروض شخصيه لكنها للعقار و البناء

شوف كم واحد مسويها

معلوم ان جهات العمل خصوصا القطاع الخاص. يعطي سلف السيارات فكثير ما ياخذونها من البنك لانها بدون مرابحه او فوائد

سلف توصل الى 250 الف و اكثر. ناهيك عن البونص و بدل اجازه.

وشفت قدماء موظفين و بعض الشباب ما ياخذون سلف بنكيه الا حق اراضي و بناء و تجاره

هذولا رواتبهم من 70 الف و طالع وتلقى عنده ذخيره مقدم زين و يستلف مليون مليونين و يشتري و يبني و يبيع لفلل صغيره. كنشاط تجاري له

هالسلف يخلصونها في خمس و ست سنوات و الاقساط ما تتجاوز 38 الف ما تضغط على مدخوله خصوصا الي عنده ايجارات و مداخيل اخرى او مدخرات و سيوله اخرى

[saeed2005]

افدتني أخي أبو عبدالله