هل تأثرت نظرة و رغبة القطريين و بناتهم..للزواج من خليجيين؟

[عابر سبيل]

باختصار:
بعد مرور كل هذا الزمن منذ 5/6/2017
على اعتداء بعض قيادات الخليج علينا نحن
شعوب الخليج و تحديدا الافراد و العوائل القطرية..

هل لازالت الابواب مفتوحه من قبل الأسر القطرية
لتزويج بناتها من "خليجيين" سواء كانو اقرباء بالدم
و النسب أم لم يكونوا كذلك؟


اتمنى منك كشخص..اب/ام..شاب/شابة..

ان تبين وجهة نظرك
و ان كان لازمة حصار قطر
و ما نتج عنها من تشتيت (جائر) للعوائل المشتركة..
تأثير في نظرتك(رغبتك) ..
من الزواج بخليجية
او قبول تزويج القطرية من شاب الخليجي (بالعموم)
سواء كان من احدى الدول الثلاث او حتى الكويت و عمان؟

[عابر سبيل]

يوجد استطلاع بالاعلى..ارجوايضا المشاركة فيه..

[سالم الزهران]

عساك ع القوة استاذ عابر سبيل
مرة وجهت نفس السؤال لصديق قطري.. و ردة فعله كانت قوية بسبب صدمة الحصار.. الحين الله اعلم في المستقبل شبيصير.. لكن الموضوع يستحق التفكير. وبارك الله فيك

[sara jsm]

يعطيك العافيه اخوي عابر سبيل ..

بالنسبه لي ضد هالشي من قبل الحصار ..
دايما افضل الواحد يتزوج من هله وناسه في الدوحة حتى لو مش قرايب ..
بس الزواج من برع بيكون تشتيت لاحد الاطراف سواء الزوج او الزوجة .. وانا ضد هالشي ..
والحين عقب الحصار ثابته على قراري اكثر عقب الانفكاك اللي صار ..
وقسوة القلوب والعداوة بين الدم الواحد ..

[الحاقول]

هل تأثرت نظرة و رغبة القطريين و بناتهم..للزواج من خليجيين؟

بالتأكيد

سؤال مهم في نظري

أولا معظم بنات قطر يفضلون القطري على الخليجي

كان هذا قبل الحصار او بعد الحصار

ثانيا هناك شباب متزوجين من بنات دول الحصار

ولكن بعد الحصار لن يفكر الشاب القطري الزواج من دول الحصار

وحتى لو كان من اهله عدا ما ندر

[Dana’1]

نعم نتمى إن إحنا وأهلنا و أزواجنا و أهلهم نكون بنفس المدينه او حتى حي واحد موبس بدوله وحداه

لكن فكره الخوف من الزواج لأن الجنسيه و الدول تختلف و بالمقابل هم أهل و على جد واحد
أو حتى معارف مايربطهم نسب ،، عشان السياسات إن كان سياسات دوليه هذي بحد ذاتها ماهي مضمونه.
مثلا
من يضمن إن شبه الجزيره بكبرها ما راح تتقسم لأقاليم والدول الموجوده تنضم تحت اقليم بمسمى ثاني مفصول تماما عن الإقليم أو الأقاليم الأخرى بشبه الجزيره ؟!
خذ لفه وشوف الأحوال
اليمن يتناحرون على شمالي وجنوبي ليبيا على شرق وغرب اللسودان راح شمال وجنوب العراق على كرد وعرب بمناطق الشمال ،، تركيا على اتراك وكرد بمناطق الشرق و أنت رايح على كل العالم

هل شبه الجزيره العربيه بما فيها من دول بعيده عن هذا المشروع ؟!
كل شي وارد وجايز في حال كانت قلوبهم شتات و كل منهم يحيك للثاني
فإذا بنفكر من هالمنطلق و على هالحال .. الأفضل الواحد ياخذ من الجيران او الحي ما يطلع برى حدود الحي ،،
كلش كلش بيبعد المدينه نفسها ما يطلع والسلام ختام .

[معماري قطري]

دوم هذا تفكيري بنت البلاد أولى وولد قطر هو الخير والبركة

لكن المحتد ليروح قريب يباعد أفضل له شيبي بدول ما تحترم حقوق انسانها فكيف بحقوق انسان الغير

[بوعمير]

نعم و تغيرت معه معتقدات و مفاهيم و ثوابت كثيرة للأسف.

[مضارب دوسري]

انا ضد زواج القطريه من غير قطري بكل الاحوال قبل وبعد الحصار



عطفا على عيالها فالمستقبل ما راح يكونون قطريين

[معماري قطري]

حزب الزرق ما زال متفوق بواحد بس والصراع محتدم