هل تأثرت نظرة و رغبة القطريين و بناتهم..للزواج من خليجيين؟

[سالم الزهران]

دوم هذا تفكيري بنت البلاد أولى وولد قطر هو الخير والبركة

لكن المحتد ليروح قريب يباعد أفضل له شيبي بدول ما تحترم حقوق انسانها فكيف بحقوق انسان الغير

انت وش تبي بالدولة.. انت تبغي لك بنت حلال و بتاخذها معك وعيالك قطريين وهي ان قطرتها خير وان بقيت بجنسيتها فلا ضرر.... اعتقد الممانعين بصورة اكبر يمانعون من ان بناتهم يطلعون برع وهذا من حقهم... صدقني يبو عبدالله اذا تكلبش المخيخ عندك في مكان بتروح له.. عندنا مسؤولين يتركون مناصبهم عشان حريمهم الأجنبيات.

عموماََ كلنا مبتلشين في نفس المشكلة.. عددكم عشرين مليون.. (عنوسة وطلاق).. عددكم خمسين الف (نفس المشكلة) الشباب والبنات مثقفين بطريقة غلط جعلتهم يعزفون عن الزواج ويترددون و اذا تزوجوا تطلقوا واغلبهم خايبين وسلامتكم.

[مرتبش]

عادي خليجي وعادي خليجية
خارج الخليج معارض

[عابر سبيل]

السلام عليكم جميعا
و التحية العطره للكل..
وشاكر لكل من صوت فقط
و لكل من صوت و ادلى بدلوه في النقاش المفيد!

نعم نتمى إن إحنا وأهلنا و أزواجنا و أهلهم نكون بنفس المدينه او حتى حي واحد موبس بدوله وحداه

لكن فكره الخوف من الزواج لأن الجنسيه و الدول تختلف و بالمقابل هم أهل و على جد واحد
أو حتى معارف مايربطهم نسب ،، عشان السياسات إن كان سياسات دوليه هذي بحد ذاتها ماهي مضمونه.
مثلا
من يضمن إن شبه الجزيره بكبرها ما راح تتقسم لأقاليم والدول الموجوده تنضم تحت اقليم بمسمى ثاني مفصول تماما عن الإقليم أو الأقاليم الأخرى بشبه الجزيره ؟!
خذ لفه وشوف الأحوال
اليمن يتناحرون على شمالي وجنوبي ليبيا على شرق وغرب اللسودان راح شمال وجنوب العراق على كرد وعرب بمناطق الشمال ،، تركيا على اتراك وكرد بمناطق الشرق و أنت رايح على كل العالم

هل شبه الجزيره العربيه بما فيها من دول بعيده عن هذا المشروع ؟!
كل شي وارد وجايز في حال كانت قلوبهم شتات و كل منهم يحيك للثاني
فإذا بنفكر من هالمنطلق و على هالحال .. الأفضل الواحد ياخذ من الجيران او الحي ما يطلع برى حدود الحي ،،
كلش كلش بيبعد المدينه نفسها ما يطلع والسلام ختام .

الاخت دانه...
شخصيا اعرف واحد عدى الاربعين
و ما تزوج لان امه شارطه عليه
ما يخطب الا وحده من نفس العائله و نفس الفريج!!
*
*
،،

سيدتي...
الموضوع مش عن "مجرد" خوف ..

القصد هو لقياس اثر جريمة تفريق العائلة الخليجية الواحدة!

لاشك عندي ان احنا عائلة واحدة من مسقط لين الكويت
مرورا بكافة العواصم ما بينهما..


لكن الجريمة التي طعن بها ابناء الخليج كافة
و ليس القطريين وحدهم..لابد ان يكون لها اثر و ردة فعل...

قبل..كان لما يصير مشروع زواج من خليجية..او يتقدم خليجي
للزواج من قطرية...ما احد كان يفكر بانقطاع و تفريق و معاناة..

فقط كان التفكير في الشخص و كفاءته و البنت و ميزاتها..
و التوافق الاسري للعائلتين خاصة ان لم يكونو اقرباء..

الحين ..
هالازمة خلقت اثار نفسية في اذهان
الاباء و الامهات
و الشباب و الشابات..

قد يكون البعض لم تؤثر فيه تلك "الغدره"
او لم يجعلها تتغلغل في نفسه لهذا الحد..

و لكن لا يمكن ان ننكر انها خلفت اثار نفسية و لهذا الحد في نفوس
اخرين!


عليه...وضعت هذا الاستبيان المبسط ليكون مرفقا مع النقاش

و الطرح...و النقاش المؤمل منه..
لو تأملتي و دققتي (و كلنا معك) ...
قد يأتي بشيء يفيد
المتأثرين و يزيل من انفسهم
ما قد يكون شابها من شوشرة او خوف مبالغ فيه..كما تصفين

[سالم الزهران]

الحقيقة انا ما صوت وما اعد نفسي من الشريحة المستهدفة لكن شاركت وقريت المشاركات لان الموضوع يهمني رغم اني مب معرس لكن اهمني الموضوع لانه يقيس الثقة اللي اشوفها صارت في الحضيص و لها دواعي ومسببات قوية.. يبقى عندي هدف عام ان عالمنا يصير عالم مشجع على الزواج و تقل فيه نسبة الطلاق والعنوسة اللي اصابتنا في مقتل ولو كانت بنسب متفاوته... والله الموفق

[قطريه ماركه]

ضد من قبل الحصار

و زاد يقيني بعد الحصار و تشتت العوائل الله يكون بعونهم

[نووون]

الزواج من غير القطري مرفوض عند رجال العيلة حد لو كانوا قرايب

صار من عاداتنا وتقاليد العايلة ومن استوينا وكنا دايماً نسمع الشيبان البنت ماتطلع برا قطر

علشان لو صار ما صار محد يتشربك وتصير مشاكل بعدين وتعال فكك.(مثل الحاصل الحين)

وكلام الشيبان طلع كله صح .. مع ان فرص وايد كانت تجي لبنات العايلة من القرايب في دول الخليج (للأسف) .. مادري تنقال والا ماتنقال في هالحالة


هذا من قبل الحصار

[معماري قطري]

انت وش تبي بالدولة.. انت تبغي لك بنت حلال و بتاخذها معك وعيالك قطريين وهي ان قطرتها خير وان بقيت بجنسيتها فلا ضرر.... اعتقد الممانعين بصورة اكبر يمانعون من ان بناتهم يطلعون برع وهذا من حقهم... صدقني يبو عبدالله اذا تكلبش المخيخ عندك في مكان بتروح له.. عندنا مسؤولين يتركون مناصبهم عشان حريمهم الأجنبيات.

عموماََ كلنا مبتلشين في نفس المشكلة.. عددكم عشرين مليون.. (عنوسة وطلاق).. عددكم خمسين الف (نفس المشكلة) الشباب والبنات مثقفين بطريقة غلط جعلتهم يعزفون عن الزواج ويترددون و اذا تزوجوا تطلقوا واغلبهم خايبين وسلامتكم.

كلامك صحيح لو الواحد بيتبع قلبه لكن لو بيفكر في عواقب كثيرة منها أهل البنت بعيدين عنها وأوقات تمل وتبي تزورهم .. شالأسهل أخذ تذكرة والسفر لهم أو الذهاب لهم من قريب؟ والسفر صعب وتعقيد وتبي الصراحة أشوف مهما نكون متفقين فيه اختلاف في الثقافة والعقلية حتى بين قبيلة قبيلة فما بالك ببلاد وبلاد

بعدين عيالك يبون خوالهم قريبين وجدودهم إن كانوا موجودين قريبين كذلك وهذي ميزة أكبر

في الزواج قبل كل شيء حكم العقل ولا تركض وراء الرغبة وهذي نصيحتي للكل

[معماري قطري]

الحقيقة انا ما صوت وما اعد نفسي من الشريحة المستهدفة لكن شاركت وقريت المشاركات لان الموضوع يهمني رغم اني مب معرس لكن اهمني الموضوع لانه يقيس الثقة اللي اشوفها صارت في الحضيص و لها دواعي ومسببات قوية.. يبقى عندي هدف عام ان عالمنا يصير عالم مشجع على الزواج و تقل فيه نسبة الطلاق والعنوسة اللي اصابتنا في مقتل ولو كانت بنسب متفاوته... والله الموفق

هذا المفروض .. المفروض بلادنا وحدة وقصدي الخليج ككل .. تسهيل لكل شيء من تواصل وسفر وحفظ كرامة قبل حفظ حقوق للجميع

في السابق يوم سمعت عن تقصير سفارة قطرية في حق قطري وانصاف سفارة حصارية وأخذ حقه كنت اشوف الدنيا بخير وأحس إن بيننا تكامل .. بس ألحين بعد كل اللي يصير من مفلس التهاون وطيلة 22 سنة تحت الستار ولا ندري به وطلع كل شيء فجأة وإضطرت حكومتنا تعلنه وصدقني على استحياء بس رد لإساءة الغوغائين .. بعد كل هذا فقدنا الأمل في كل جار ونشوف خيرنا فينا وبينا والله يرزقنا

[قطريه ماركه]

كلامك صحيح لو الواحد بيتبع قلبه لكن لو بيفكر في عواقب كثيرة منها أهل البنت بعيدين عنها وأوقات تمل وتبي تزورهم .. شالأسهل أخذ تذكرة والسفر لهم أو الذهاب لهم من قريب؟ والسفر صعب وتعقيد وتبي الصراحة أشوف مهما نكون متفقين فيه اختلاف في الثقافة والعقلية حتى بين قبيلة قبيلة فما بالك ببلاد وبلاد

بعدين عيالك يبون خوالهم قريبين وجدودهم إن كانوا موجودين قريبين كذلك وهذي ميزة أكبر

في الزواج قبل كل شيء حكم العقل ولا تركض وراء الرغبة وهذي نصيحتي للكل

كلام سليم

[عابر سبيل]

حزب الزرق ما زال متفوق بواحد بس والصراع محتدم

صار اليوم تعادل مع الاصفر
11/11