شلون الواحد يقدم شكوى في حماية المستهلك ؟

[S.T.Y.L.E]

السلام عليكم

شلون الواحد يقدم شكوى في حماية المستهلك ؟
وشاللي لي وشاللي علي ؟
الوضع وصل مرحلة لا تطاق والسبب بعض المتساهلين

- النص ريال والكسور مالها معنى (صاروا حتى الجمعيات يزيدون لاقرب ريال حتى لو تدفع بطاقة)
- خصومات المحلات بالمزاج! تدخل محل مثلا عازل سيارات ويقولك قبل الخصم 4 الاف علشانك الفين! على اساس انك تعرفني؟ وما عنده قائمة اسعار
- استغلال المحلات بانك قطري وماتسال عن السعر (الاغلب)، امس مثلا جيت باخذ جاري اليهال فالمجمع، تقول الفلبينيه الساعتين بـ 90 ، ويوم قلت لها وين الاسعار طلعت الساعه 50 والساعه الاضافية 25 يعني على طول قالت ساعتين ولا زادت من عندها، ويوم واجهتها تقول سوري ، وين اصرفها سوري انا !
- غلاء الاسعار من مكان لي مكان ، نفهم ان كل محل موجود للربح والتنافس ، لكن اذا كان نفس المنتج موجود وفرق السعر 50% بحكم ان هذا مكانه استراتيجي وذاك لا هاي بعد مشكله

وغيره وغيره ..
الحين شاللي لنا وشاللي علينا ، بمعنى شنو يحق لنا نوجه ملاحظاتنا عليه وياخذون فيها قرار ؟