من المسئول : معلم قطري واحد لكل مدرسة مستقلة !!!!

[Dana’1]

لأنهم أنهكوا المعلميين بالورش الخارجيه و أعمال غير أعمالهم
هي مدرسه المفروض متخرجه تربيه وفاهمه أساسيات المهنه عالأقل و عندها المقرر من المؤسسه أو الوزارة تحضر بالبيت او بالعمل و تستعين ببعض الافكاار حسب الماده نفسها عقب تشرح مو مشكله عطوها كم دوره عمل لكن بحدوود مو طوووول يومها ثلاث أرباع اليوم عمل بالمدرسه او بالورشه او وبالبيت تشتغل حشى
فروا قاموا يدرون مؤسسات و وزارات أريح لهم مع إن الراتب أقل بس عادي يشترون راحتهم

الله يعينهم والله.

[khaldoon]

الحل قلته الي يتخرج من كليه تربيه او شريعه ملزوم يشتغل في تتدريس مايروح نشوفه بالبنوك ولا نشوفه في شركات لازم. وزاره تنميه تشدد بهذا شي ولا من اول ليش يدرس تخصص التربيه

صح كلامك.. و عدل..

كيف نجبر المدرس على التدريس و هو ما يبي؟...النتيجة راح تنعكس على الطلاب...ما راح يدرس بضمير و اخلاص يا جماعة الخير ما يصير

مب كل واحد دخل تخصص تربيه دخله بكيفه....يمكن غصب عليه ما ندري

[يمامـة]

كيف نجبر المدرس على التدريس و هو ما يبي؟...النتيجة راح تنعكس على الطلاب...ما راح يدرس بضمير و اخلاص يا جماعة الخير ما يصير

مب كل واحد دخل تخصص تربيه دخله بكيفه....يمكن غصب عليه ما ندري

الموضوع ما يسمونه اجبار..
الموضوع اسمه بتدخل تتخصص تربية
ما تشتغل الا في التربية و اذا اشتغلت مكان ثاني
راتبك ما بيكون نفس راتب صاحب التخصص في هالمكان.

لان محد طقه على يده وقال له روح تخصص تربية
و عقب ياخذ وظيفة مب من تخصصه.
و من ثم يااا ستوو يا خلدووون

في السعودية لان مافي وظايف بديلة للمدرس
تلقاه يتغرب عن هله و بيته و اسرته و يسكن مناطق
بعيدة عن مقر سكنه علشان خاطر مصدر رزقه..
او تلقاه يومه رايح في مشاوير الروحة و الردة من الدوام.

تعتقد يتعنى كل هالامور حبا في مهنة التعليم؟
او لانه مب لاقي وظيفة ثانية؟
و صباحك خير متأخر

[معماري قطري]

لأنهم أنهكوا المعلميين بالورش الخارجيه و أعمال غير أعمالهم
هي مدرسه المفروض متخرجه تربيه وفاهمه أساسيات المهنه عالأقل و عندها المقرر من المؤسسه أو الوزارة تحضر بالبيت او بالعمل و تستعين ببعض الافكاار حسب الماده نفسها عقب تشرح مو مشكله عطوها كم دوره عمل لكن بحدوود مو طوووول يومها ثلاث أرباع اليوم عمل بالمدرسه او بالورشه او وبالبيت تشتغل حشى
فروا قاموا يدرون مؤسسات و وزارات أريح لهم مع إن الراتب أقل بس عادي يشترون راحتهم

الله يعينهم والله.

اتذكر ام عبدالله قبل ابتزوها ابتزاز وهي مدرسة شرعية بعد ما حولت شغلها لإدارية في التقييم ارتاحت وايد

[معماري قطري]

القصد الشرعية مادة سهلة وهم يعتبرونها غير مهمة والتركيز على المواد العلمية ومع هذا شردوها كما شردوا الكثيرين والكثيرات

[يمامـة]

على أساس الإعلانات والطلبات
والصورة في الموضوع ، التعليم مهنة نبيلة لا أعرفُ لماذا هذا الهروب منها
لو كان السبب الراتب نقول ممكن لكن راتب التعليم من أعتي الرواتب هنا ! ويبقي السؤال مطروح

اعذرني بس
من قال لك اصلا مع فتح باب التعليم في قطر
ان القطري هو كان المعلم؟
ترانا كلنا درسنا و تعلمنا و ما زالوا
عيالنا يتعلمون و يدرسون
على ايادي مقيمين عرب و اجانب.
طبعا مع تزايد اعداد المعلمين القطريين..

فموضوع ان الطفل تم تسليمه للاجانب
و اعتقد تقصد المقيم مب الجنسية

فالاجنبي او المقيم مدرس يوصل منهج
حاله حال القطري المدرس اذا وصل المنهج.
في الاخير المفروض نسأل عن الكفاءة سواء
كان قطري او مقيم اجنبي او عربي.

هالنقطة اللي لازم نركز عليها
في العملية التربوية.

ففي حال عدم وجود كفاءات او من يسد
الشواغر من القطريين..
شنهو الحل الامثل حسب وجهة نظرك لعدم توقف
عجلة التعليم في قطر؟

[مرتبش]

ضد اجبار اي موظف على وظيفة معينة و لو التدريس فيه مميزات تستاهل بنشوف الكل بيطلب وظيفة في التدريس .. لكن ازيدهم 5 الاف واكرفهم ليل نهار دورات وورش عقب الدوام لين الليل واعباء ادارية وغيرها واتوقع انهم بيستمرون فهذا كلام مايأكل عيش