التركيز على التعليم أفسد الأخلاق *

[مرتبش]

يعني مانقدر نركز على التعليم وعلى الاخلاق؟ ليش شنو الصعب والا هي حجة لترك التحصيل العلمي والاكتفاء بالنجاح .. تخيل طالب ابتدائي يكتفي بالنجاح عالحافة في الاعدادية والثانوية شنو بيصير له؟ اذا الام والاب مايعرفون يديرون حياتهم والعمل مستهلكهم ليش نسقط مشاكلهم على التعليم ..بنفس المنطق نقدر نقول للام العاملة قعدي في البيت ومو لازم المعاش واستحملي وضحي محد بيموت من الجوع ونفس الشي للأب غير شغلك واشتغل شغلة بسيطة واتفرغ لعيالك لكن كل مشاكل الحياة حاطينها في المدارس ..مايصير

[يمامـة]

زرع الوطنية ومكارم الأخلاق وحب العمل والاجتهاد في الطفل من الصغر ومن الروضة شيء ضروري ولازم يستمر معاه التركيز حتى لما بعد الثانوي

اللبنة الاساسية في زرع كل هالامور في نفس الطفل
هو الاسرة او البيت..

اللي هامل عياله تربويا لا ينتظر من المدرسة تربيه
اللي هامل في تهذيب ولده لا ينتظر من المدرسة تهذبه
اللي ما يحث عياله على احترام الاخرين لا ينتظر من المدرسة تزرع فيه هالشي..

لان الامور هذه تنزرع في البيت و تنسقي في البيت
و المدرسة و بيت الجد و بيت الجيران و المجمعات و...
و.... و.....

فلما نعجز عن تربية عيالنا و نقط بلاوينا على التعليم
هذا تجني و ظلم غير مقبول..

لان المناهج الموضوعة ما تحث الطلاب على قلة الادب
و لا الحصص المدرسية تحث الطلاب على قلة الادب.

الطالب جاي جاهز بقلة ادبه و عدم احترامه للمدرس
و المدرسة و الادارة.

فلو كانت هناك تربية حقيقية من المنزل ما شفنا
المصخرة الحاصلة في مدارسنا من اعتداء لفظي
و بدني على المدرسين و فوقه يشتكون على المدرس
في مراكز الشرطة و يطالبون بتفنيشه وتسفيره.

حفظ هيبة المدرس و مكانته امام الطالب و ان تجاوز على الطلاب بقصد و من غير قصد باب من ابواب التربية..
اما ان المدرس يهزأ فيه جدام الطالب و يذم فيه في
البيت .. طبيعي جدا نخرج جيل مب متربي.

[قطري2022]

يعني مانقدر نركز على التعليم وعلى الاخلاق؟ ليش شنو الصعب والا هي حجة لترك التحصيل العلمي والاكتفاء بالنجاح .. تخيل طالب ابتدائي يكتفي بالنجاح عالحافة في الاعدادية والثانوية شنو بيصير له؟ اذا الام والاب مايعرفون يديرون حياتهم والعمل مستهلكهم ليش نسقط مشاكلهم على التعليم ..بنفس المنطق نقدر نقول للام العاملة قعدي في البيت ومو لازم المعاش واستحملي وضحي محد بيموت من الجوع ونفس الشي للأب غير شغلك واشتغل شغلة بسيطة واتفرغ لعيالك لكن كل مشاكل الحياة حاطينها في المدارس ..مايصير

يعطيك العافية ، الاباء والامهات الحاليين هم نفسهم الي كانو طلاب من ثلاثين سنة وكانو يعطونهم مناهج مكثفة على حساب حياتهم الاجتماعية ، واهاليهم كانو مركزين ع ادراسة والدراسة كانت تاخذ اغلب اليوم بسبة المناهج ااضحمة ، ولاحظ هالاباء والامهات في منهم وايد مايفقهون باسلوب التربية وتلقى في منهم ماعندهم اخلاق صحيخة اساسا ، جتى اخترام الكبير مب موجود عندهم لان اهاليهم ماعلموهم بسبة تركيزهم ع الدراسة اكثر من غرس الاخلاق الصحيحة .
فملخص كلامي ان فكرة المناهج المكثفة انوضعت عن طريق انسان ، والانسان يخطي ، فليش نصر ان اسلوب المناهج المكثفة صحيح ؟ هذا احنا نشوف قوانين تتغير كل فترة ، وهالقوانبن انوضعت عن طربق انسان ، فاشمعنى فكرة المناهج المكثفة بالذات الي لازم تكون صحيحة ؟
مثلا ، ليش تحفيظ القران والاحتديث وتفاسيرهم والتركيز عليم مابكون في المدرسة بدل مانحفظ الكيميا والفيزيا الي ماستفدنا منهم عقب ماكبرنا؟ ااقران هو الي بيتم معانا مب اافيزيا والكيميا ، ليش قللنا من قيمة القران والاحاديث الي هم اساس الدين وركزنا على الكيميا ؟ ليش القران صار يذرس العصر في وقت الفراغ والكيميا صارت عنصر رئيسي في الحياة وفي المدرسة ؟
ماتحس انها خطة لابعاد الشعوب عن الاديان علشان نوصل للفساد الاخلاقي الي في العالم الحين؟
تخيل لو الوقت الي راح ع الكيميا والفيزيا ، راح ع ااقران والاحتديث وتفاسيرهم من اربعين سنة ، شنو بيكون وضع الاجيال ؟ هل بيكون نفس وضع الاجيال الحالية ؟ القران والاحاديث هم مصدر الاسلام والتربية واللخلاق الصحيحة والعلوم .

[يمامـة]

سيد تخاسير..

معاك في اهمية اعادة التركيز تفاسير القرآن و الاحاديث
النبوية الشريفة و التهذيب و الفقة و السيرة النبوية.

لكن من الخطأ ان نقلل من اهمية المواد العلمية
اللي العالم تطور عن طريقها..

اذا انت ما استفدت من الكيمياء و الفيزياء و الاحياء
و الرياضيات بحجة انك كبرت و مب متذكر شي من
اللي درسته.. فالجوال اللي في يدك و الطبيب اللي تتعالج
عنده و المختبر اللي ياخذ دمك للتحاليل و السيارة
اللي توديك مشاويرك كل هالامور اخترعها
و صنعها و ركبها عقول استفادت من
الرياضيات و الكيمياء و الفيزياء و البرمجة..

[قطري2022]

دام في علماء ماخلصو مدرسة ولا جامعة ، معناها ان ممكن نبدع بدون التركيز ع المواد العلمية الضخمة ، لو درسنا جسم الانسان بس وكيفية وقايته من الامراض من اربعين سنة ماكنتي شفتي السكر والضغط والقلب والجلطات وامراض المفاصل منتشرين في العالم ، جسم الانسان اكبر مصدر المعلومات ، كانو كل واحد صار دكتور نفسه ، ومعلومات جسم الانسان بنطبقعا بشكل يومي او بين كل فترة وفترة ، لكن الكيميا واافيزيا نسيناهم لانهم مافادونا في الحياة ولاطبقناهم .

[يمامـة]

دام في علماء ماخلصو مدرسة ولا جامعة ، معناها ان ممكن نبدع بدون التركيز ع المواد العلمية الضخمة ، لو درسنا جسم الانسان بس وكيفية وقايته من الامراض من اربعين سنة ماكنتي شفتي السكر والضغط والقلب والجلطات وامراض المفاصل منتشرين في العالم ، جسم الانسان اكبر مصدر المعلومات ، كانو كل واحد صار دكتور نفسه ، ومعلومات جسم الانسان بنطبقعا بشكل يومي او بين كل فترة وفترة ، لكن الكيميا واافيزيا نسيناهم لانهم مافادونا في الحياة ولاطبقناهم .

عاد انت يا سيد التخاسير

طلع لنا عالم قطري ما خلص المدرسة
او عالم عطنا مثال لعالم خليجي او
عربي صار عالم من غير مدرسة
علشان نقعد عيالنا في البيوت
و نعتمد بس على القرآن و الاحاديث..

ترى حتى منطقك مب مقبول
في الدين..
فعالم الدين محتاج يكون متنور
بالعلم علشان ما يتصادم
مع المتعلمين.

[قطري2022]

عاد انت يا سيد التخاسير

طلع لنا عالم قطري ما خلص المدرسة
او عالم عطنا مثال لعالم خليجي او
عربي صار عالم من غير مدرسة
علشان نقعد عيالنا في البيوت
و نعتمد بس على القرآن و الاحاديث..

ترى حتى منطقك مب مقبول
في الدين..
فعالم الدين محتاج يكون متنور
بالعلم علشان ما يتصادم
مع المتعلمين.

انا ماقلت بس دين
قلت ندخل انجليزي وعربي ومادة الاخلاق ورياصيات بسيطة مفيدة وعلم جسم الانسان ، يعني كل واحد بيصير دكتور من صغره ، جسم الانسان فيه علوم وايد ومب بسيط ، وجغرافيا مفيدة وتيتخدمها في الحياة بعد ماليين عينج هالمواد يا ملكة التخسير؟

[nooora]

الولد او البنت لما يذهبون للمدرسه يكونون متربيين في البيت ومعلمينهم كيف يتعاملون مع المدرس ،،
التربية وتعليم الاخلاق بالبيت ،، لكن من فاضي لهم ،؟

[يمامـة]

انا ماقلت بس دين
قلت ندخل انجليزي وعربي ومادة الاخلاق ورياصيات بسيطة مفيدة وعلم جسم الانسان ، يعني كل واحد بيصير دكتور من صغره ، جسم الانسان فيه علوم وايد ومب بسيط ، وجغرافيا مفيدة وتيتخدمها في الحياة بعد ماليين عينج هالمواد يا ملكة التخسير؟

من قال لك يااااسيد التخاسير
انهم يتعلمون كل شي من صغرهم؟
الطالب للمرحلة الاعدادية يتعلم الاساسيات
و في المرحلة الثانية يبتدي يتجه للتخصصات.
اللي من خلالها ممكن يحذف الرياضيات
او الكيمياء او الاحياء.

انزين

اشرايك تفتح مدرسة خاصة اتطبق
فيها افكارك؟