صبحكم بالخير
اختي نووون. فتحتي باب جديد للنقاش وما تتوقعينه
قلتي صعوبه و احتدام منافسه
والي بقوله رأيي الشخصي
احنا ما تطورنا و ضلينا بنفس الافكار. واحد سوى حداده. الكل سوى مثله
واحد سوى تيادر. كلن قلده
خلني اقول لك عن شاب سوى شي جديد
قال لي صديق انه يعرف واحد شاب صغير و ابوه و جده لهم في الخيول و تربيتها كهوايه
ففكر يهجن و يطور. فسأل عن تلقيح من حصان بقطر وقالوا له. تكلف 75 الف ريال و يا تصيب يا تخيب
فبحث و وجد نفس النطف تباع في اوروبا ب 5 الاف فقط و التلقيح الصناعي اضمن
يقول صاحبي انه هجن و وصل لاستخراج بويضات فرس غاليه و تلقيحها و زرعها بفرس عاديه و الهجين يحمل مواصفات عاليه جدا
قلت لصاحبنا. رفيجك ذكي بس هل تسوى الربح
قال لي يا بوعبدالله. نتكلم بالعشره مليون و فوق. سنوي
للامانه ما صدقت السالفه الا يوم حلف لي
يمكن جيلنا و البيئه الي ربينا فيها ما فيها مجال للابداع بشكل كامل
او بيئه هالشاب فيها مجال ابداع اوسع
الي نشوفه محتدم و تنافس غيرنا يشوفه مجال مفتوح
بعطيك مثال عن فكره قالتها لشاب و تم يتناقش فيها لين تعبني ههههه
قال مافي فرص تفتح مطعم. كلن سوى برجر و نايت ماركت. الخ
قلت له لو تاخذ موافقه من البلديه و تحط كونتينرات على خط الوكره و تسميه اننرناشيونال ماركت
كم كونتينر مطاعم شي مصري و كشري. شي برجر و شي شوارما و معجنات و شي ايطالي بيتزا. وكم ليت ال اي دي
اما تأجر المطاعم او تديرها بنفسك ست او ثمان مطاعم و تسميه انترناشونال
كلن بيجيك من الوكره و المطار و حتى الدوحه. حركه جديده يعني
موافقه البلديه عادي ياخذها لانهم اعلنوا عن تأجير اراضي حكوميه للقطاع الخاص وهذه مجرد مطاعم بجنريتر واحد
الشاب جلس يتناقش في ترتيب هالفكره لين انا مشيت من الجلسه
كم تكلف. كم كونتينر و جنريتر وكم لو تأجرينها 15 الف للكونتينر الواحد
او كم الربح من كل كونتينر
هذه فكره لا احتدام ولا منافسه شديده
البحث عن الفرص يحتاج مجهود لكنه افضل من المنافسه خصوصا اذا الكل يتنافس بنفس الافكار مثل البرجر ههههه