الجمارك وتفتيش الشحنات والبضاعة

[Jspec]

السلام عليكم ورحمة الله

اخواني الاعزاء حبيت اطرح مشكله بدات تصير معي مؤخرا والسبب جماعة الخير هنا .... هم طبعا يسوون عملهم على اكمل وجه وهم حماة الوطن وخط الدفاع الاول بس ياجماعه اللي صاير اخر اشهر صار ياثر علينا احنه التجار الصغار

عندي شركة اتعامل معهم من سنوات طويله ودايما توصلني الاغراض بكرتون جديد ومغلق وكل شي تمام ....

من صارت مشكلة ارامكس (صادوا 2 اعتقد كانوا يهربوا اشياء ممنوعه) واحنه صارت اغراضنا توصل بكراتين مشققه (فعلا مششقه كانها مستخدمه) لدرجة انه نسبه كبيره من زبائني اللي كانوا يطلبون عن طريقي صاروا يرفضون يستلمون الاغراض بحجة انها مستعمله!!!!

اللحين انا متضرر في اكثر من شحنه ولا احد عوضني عن الاغراض اللي متشققه كراتينها ومفتوحه

نعم حقهم يفتشون كل شي بس ياجماعه الدولة ماقصرت معهم وفرت كل التقنيات الحديثه واشعة كشف دقيقه ليش مايستخدمونها؟؟؟؟ طيب على الاقل استخدم كلاب مدربه اعزكم الله تشم الممنوعات من 10 و 20 متر ....... يعني لازم تفتيش بنظام يدوي قديم جدا وغير مجدي وتسبب تلف للكراتين الجديده!!!!

انا قلت الحل بس هل فيه ناس تستغل الادوات اللي وفرتها الدوله!!!!

[بومحمد المطاوعه]

وعليكم السلام ورحمه الله وبركاته

مرحبا اخوي
الله يعينك ويعوضك خير

المفروض ماتستلم الطرود دامها الكرتون مشقق
وتقدم طلب تعويض وشكوى عن الموضوع وراح يعوضونك

اما الي يستلم الاغراض ويروح البيت وعقب يقول الكراتين مشققه وابي حقي
مايعطونك حقك
دام استلمت الطرود وطلعت من الحرم الجمركي ومن الشحن الجوي
مالك حق تراجع بشي
المفروض تشيك قبل لاتستلم
او تخلي المخلص اهو الي يشيك واهو المسؤول في تخليص الشحنه

[direction]

ومن إحساس الهيئة العامة للجمارك بمسؤولياتها تجاه المجتمع فقد أعطت للجمهور صلاحية ارسال الاقتراحات والشكاوي مع مراعاة أن تكون الشكوى المقدمة موضوعية وتستند إلى وقائع وليست كيدية.

هاتف : 44457457 00974

فاكس : 44457247 00974

ص . ب. 81 - الدوحة - قطر

بريد إلكتروني: Info.PR@customs.gov.qa


أو يمكنكم تسليمها باليد في مبنى الهيئة العامة للجمارك القائم في برج الخليج الذهبي - بمنطقة الدفنة (بجوار اللجنة الاوليمبية وأبراج ازدان).

هاي من موقعهم .. قدم شكوى لو عندك صور وايد يكون احسن.. بالتوفيق

[qatarman8008]

مرحبا اخوي..
في اغلب الاحيان تحدث مثل هذه التصرفات الروتينية..
هم ايعلمون حجم الضرر المترتب على مثلها..
ولو ان التجار التزموا الصمت ولابيعرفون..
ف الافضل انك تتجه لمبنى الادارة وتقابل احد المسؤولين الكبار وتشرح له الحالة بالتفصيل..

[بومحمد المطاوعه]

مرحبا اخوي..
في اغلب الاحيان تحدث مثل هذه التصرفات الروتينية..
هم ايعلمون حجم الضرر المترتب على مثلها..
ولو ان التجار التزموا الصمت ولابيعرفون..
ف الافضل انك تتجه لمبنى الادارة وتقابل احد المسؤولين الكبار وتشرح له الحالة بالتفصيل..

بالضببببببط

احنا القطريين وبشريحه كبيره
للأسف فينا طبع مانلاحق الحق لو عندنا حقنا وندري ان لو تكلمنا راح ناخذ حقنا لكن

كل كلامنا ليش اضره
او ليش اشتكي !!

دام الحق معاك ليش الواحد يسكت ؟
لا بالله مب ساكت ولا بفتكر بكلمه ليش اضره
دام اخطأ بحقي يتحمل عواقب افعاله بأي شكل كان ومن يكون

[nooora]

بالضببببببط

احنا القطريين وبشريحه كبيره
للأسف فينا طبع مانلاحق الحق لو عندنا حقنا وندري ان لو تكلمنا راح ناخذ حقنا لكن

كل كلامنا ليش اضره
او ليش اشتكي !!

دام الحق معاك ليش الواحد يسكت ؟
لا بالله مب ساكت ولا بفتكر بكلمه ليش اضره
دام اخطأ بحقي يتحمل عواقب افعاله بأي شكل كان ومن يكون

المشكله ماهي فقط بالتعويض ، بتتأخر في تلبية الطلبات الزبائن ، اذا كل مره يفتشون بهذه الطريقه ،، نسكر البزنس ،،

[بومحمد المطاوعه]

المشكله ماهي فقط بالتعويض ، بتتأخر في تلبية الطلبات الزبائن ، اذا كل مره يفتشون بهذه الطريقه ،، نسكر البزنس ،،

الموضوع لايحصر فقط على الجمارك

الشحن الجوي فيه القطريه وفيه اداره المطار وفيه المواصفات والمقاييس والجمارك ووايد جهات اخرى

المخلص اهو الوحيد الي يقدر يعرف من فتح الطرد بهذي الطريقه
ومن خرب الكرتون
الجمارك ام العمال في الشحن ام شركه الشحن نفسها الي شاحنه البضاعه

الي مايقدم شكوى ويعترض على هذي الأمور ويسأل
محد راح يقول انا الي خربت الكرتون

[بوخميس]

غريبة

من اسبوعين طلبت مكملات غذائية من شركة مقرها في (دبي) ووصلتني من عُمان عن طريق dhl لين باب البيت

ومع انها كلها حبوب وبودر لكن ما تم فتح الكرتون كلش

[sara jsm]

غريبة

من اسبوعين طلبت مكملات غذائية من شركة مقرها في (دبي) ووصلتني من عُمان عن طريق dhl لين باب البيت

ومع انها كلها حبوب وبودر لكن ما تم فتح الكرتون كلش

والله انت الغريبه ... المفروض تمر شحنتك عالصحة الدوائية وتستلمها من هناك ..
بس حظك حلو

:

بعض الشحنات توصلني سليمة سواء دي اتج ال او فيدكس او ارامكس ..
وبعضها تكون مبطله وتالي هم مصكرينها بس دامها اغراض شخصيه فـ عادي الموضوع ..
بس مرة طلبت شي من لبنان ووصلوا لي اياه دي انج ال وكان مكسور وقدمت شكوى و سحبوا علي

[بوخميس]

والله انت الغريبه ... المفروض تمر شحنتك عالصحة الدوائية وتستلمها من هناك ..
بس حظك حلو

:

بعض الشحنات توصلني سليمة سواء دي اتج ال او فيدكس او ارامكس ..
وبعضها تكون مبطله وتالي هم مصكرينها بس دامها اغراض شخصيه فـ عادي الموضوع ..
بس مرة طلبت شي من لبنان ووصلوا لي اياه دي انج ال وكان مكسور وقدمت شكوى و سحبوا علي

صح كنت اطلب قبل واروح استلم الأغراض من drugs control في مؤسسة حمد، عند بنك الدم

بس هالمرة جاتني لين البيت