المشاركة الأصلية كتبت بواسطة ابو عبدالله.
انا مع الواسطه النظيفه
الي عنده علاقات و اصحاب الان. كان صغير قبل وبدون علاقات وكان يتهم الواسطه والان صار مستفيد منها بعد ما كبر و كثرت معارفه
فالكل له بدايه سيئه مع الواسطه و انتهى. كمستفيد منها. تقريبا الكل. ولابد ان حصل و صرت مراجع و حصلت حد و خلصك بسرعه. او ضبط امورك بما يتناسب مع المتطلبات او الاستثناءات بحكم خبرته بالعمل
قد تكون تاجر و تطلب رخصه لشيء معين لكنك بلا خبره في توفير اشتراطاتها او تقنيه العمل بالرخصه
و يجيك موظف في هالمجال و يقدر يخلص نفسه و يطلع رخصه لانه بنفس مجال هالترخيص. فهل خبرته واسطه ام مقسوم له ياخذ الرخصه قبل التاجر
الواسطه انواع بحسب نظرتنا لها. وانا اشوف ان كلن ماخذ رزقه و المكتوب له. لكن البعض ياخذها بحلال و البعض بالحرام. و كلاهما ممكن بالواسطه
لا انظر للي اخذ شيء قبلي و بالواسطه انه اخذ حقي
والله ما اخذ شيء كان مقدر لي و احيانا يفوتني شيء و يذهب لغيري و اكتشف لاحقا ان فواته كان خير كبير لي
حتى تفويت فرصه عمل لي بسبب شخص كانت سبب في انضمامي لجهه اخرى و براتب افضل بكثير
حتى رواتبهم بهالجهه خفضت بشكل كبير و كنت بروح فيها لكن الحمد لله ان ما توظفت عندهم ولا فكرت حتى. ان فرصه فاتت. و دوم اقول. في خير ورى كل شيء حتى لو ما عجبني
العبره ان لا نقول الواسطه ضيعت حقوقنا. لكن نقول في خير ورى الي يصير لان الي مقسوم لنا عمره ما بيروح لغيرنا
وفي السماء رزقكم وما توعدون
لا ارض ولا وظيفه ولا عزبه ولا محل ولا سياره ولا ترقيه ولا تقييم سنوي اخذ من حقك. كله كان بيجيك مثل ما وصل لك
بس قول. ورى كل شيء خير حتى لو ما تشوفه. و بعد فتره بتكتشف انه كان فعلا خير. وهذا يقين مش ترضيه للنفس اذا فاتنا شيء يقين لا غير
رد مع اقتباس
