السلام عليكم
غريبة الاستشاري شار عليكم بهذا الشور.. في امور لازم نهتم فيها اثناء العقد
1- تحديد جدول الدفعات مع الجدول الزمني لكل مرحلة.. مثلا الدفعة الاولى 150 الف للحفر ومدة انجاز المرحلة ذي مثلا شهر.. لو تاخر المقاول في انجاز ذي المرحلة هني الاستشاري يقدر يحسب عليه غرامة تاخير
2- شيك ضمان بقيمة الدفعة الاولى يكون الشيك من الشركة باسم المالك, انا شخصيا خليته يصرف بامر من الاستشاري وليس بامر قضائي لانه المحاكم سالفتهم طويله.. اغلب المقاولين مايرضون يخلون ذي الشيك يكون مع المالك بس ينكتب باسم المالك ويكون مع الاستشاري
3- اخر دفعة حاول تكون ماتقل عن 100الف ولو كانت اكثر افضل, وكل ماكثرت عدد الدفعات افضل للمالك بس اخر دفعة تكون كبيره
4- المقاول مايستلم اي دفعة الا بعد اكتمال المرحلة بنسبة 100% وبعد موافقة واقرار الاستشاري على اكمال المرحلة ولا ماله حق يستلم الدفعة