-
دفعات المقاول
لو سمحتوا ياليت تفيدوني بحاجة
دفعات المقاول مو مكتوبة في العقد سالت المقاول رد علي قال لي الاستشاري قاله شيلهم
رحت سالت الاستشاري قالي نصيحة والافضل انك تشيلهم
السبب يقول الافضل انه على كل شغلة يجيب الفواتير وانا اعطيه على قد شغلة
اما تجزء الدفعات من مجموع السعر الفيلا مثلا عند الحفر ياخذ 20%
عند الصب 15%
عند الكتمال الدور الاول 20%
يقول الاستشاري هالطريقة مايفضلها وانت بكيفك
انتم شرايكم بنصيحته؟
انا اشوف نظام تجزء الدفعات ع الشغل افضل اعرف الي سواه واعطيه حقه.
اما طريقة الاستشاري الي يقول عليها اول مره اسمع فيها
-
عضو نشط
الله يصبحك بالخير اخوي ... جدول الدفعات مهم جداااااا وكلام الاستشاري غلط جدا ....اصلا المفروض الاستشاري هو اللي يرتب جدول الدفعات حسب الاعمال المنجزة وبحيث تتجاوز الدفعة الواحدة 15% من أجمالي العقد بالعكس كل ماكثرت بعدد الدفعات وقللتها من مصلحتك بحيث ( في حال وجود توقف او خلاف ) تعرف و ين واصل و لا يكون اخذ اكثر من حقه ...على فكرة اخوي جدول الدفعات اصلا لازم يكون صفحة من اجمالي عدد صفحات العقد ويكون مختوم و موقع علية من الطرفين ولاتنسى ايضا الجدول الزمني يقدمة و يكون نفس مراحل الدفعات بس يفصل كل مرحلة كم وقتها ... عشان اذا تأخر تعرف وضعك و بعد معتمد و موقع من الطرفين .... المقاول اللي يرفض هذي المسلمات ماعنده ثقة في عمله و ينخاف منه ......نصحية احفظ حقوقك في البداية ترتاح بالنهاية .... والقصص كثيرة ...... دمت بود
-
المقاول ماعندة مشكله يكتبها لكن العقد الي مسويه لي الاستشاري وهو الي قايل مايحتاج تنكتب الدفعات او الجدول
بالنسبة للجدول الزمني للشغل كاتبه ف العقد الاستشاري لازم يتسلم في خلال 15 يوم من بعد التوقيع العقد.
وهو ماعنده مشكلة تنكتب الدفعات في العقد سالت الاستشاري قال افضل لك كذا وانت براحتك تبيها نكتبها او لا بالعقد.
انت تقول المفروض ماتتعدى الدفعات 15% كاكثر شي صح؟
وباقي الدفعات تكون 10% و 5%
-
عضو
طبعا نظام الدفعات هو الافضل وهو الصحييييح
-
تميم المجد
نصيحتي تقرين موضوع العقود كل شيء واضح فيه ولا تصيرين ضحية للمتلاعبين
-
التاخير كاتب لي 2000 ريال لليوم بس لازم يكون بحكم قضائي
هل هذا اوكي او لا سالفة الحكم القضائي لاني اشوف وجع راس ومحاكم؟
-
تميم المجد
أحياناً التأخير لسبب قهري
لنفترض مرحلة التأسيس جزأناها للحفر ثم التسوية وتجميع ناتج الحفر الصالح لإعادة الدفان ثم عمل القواعد بمراحلها من عمل صبة النظافة وتحديد المناسيب والأبعاد وعمل القوالب الخشبية وتركيب الحديد والبسكوتات والى باقي الأعمال التي تنتهي بالدفان والدك على طبقات وآخرها صب خرسانة الغرف والمساحات الداخلية
لنفترض أكثر مع بداية الحفر حصلنا فجوة أو ضعف قوي في التربة ويحتاج معالجة خاصة ومكلفة .. أو مثلاً وجود مياه جوفية تحتاج شفط وكذلك تكلفة اضافية .. هذي كلها تحدد كبنود خاصة حماية للمقاول وأكيد يقدرونها الاستشاريين ويعتبر التأخير مبرر والمطالبة بقيمة اضافية كذلك مبررة
كذلك لنفترض الاستشاري مصمم البنيان على حديد عادي وقرر المالك تغيير الحديد لمغلف يستوي تأخير مبرر ويطلب مبلغ اضافي حسب التكلفة
-
تميم المجد
حل ثاني يعتبر وسط مثل ما قال اخوي الملياردير
يتم تحديد سقف أعلى لكل مرحلة ولازم تكون المرحلة محددة الأعمال .. وفي الغالب مرحلة التأسيس تعتبر الأعلى تكلفة تليها الأسقف
-
تميم المجد
فيه شيء غلط أو منسي
هل تم تحديد العقد بمبلغ معين وتحديد الأعمال بدقة ومواصفاتها؟
وهل تم تحديد المراحل وشتشتمل من أعمال؟
وهل تم تحديد الدفعة المقدمة ودفعة الصيانة كنسبة مستقطعة من الدفعات ودفعة الضمان أو طريقة الضمان
لو تم فرضاً تحديد هذي الدفعات ولنفترض جدلاً قيمة العقد 100 ودفعة الصيانة 5% من كل دفعة مستحقة وجانا المقاول بعد 3 مراحل بسيطة طالب وقدم فاتورة من انتاجه بنسبة 50% وهي في الواقع ما توصل 20% وأقنعنا المقاول إنه بيكمل 7 مراحل بالباقي 50% وخذنا منها خمستنا المئوية بيكون مستلم 45% .. ويقدر يوقف الشغل ويكون رابح فوق 120% ويقول تصرف وجيب مقاول غير وحلال عليك دفعة الصيانة المستقطعة وكذلك حلال عليك الدفعة المقدمة واللي العادة تكون 10%
ليش اخترعوا حساب الكميات والتقديرات الهندسية اللي على أساسها تحدد الدفعات؟ حتى يضمنون إن المقاول حصل حقه تقريباً .. وتقريباً تعني إن فيه تفاوت +/- ممكن يحصل شوي أقل مما يستحق أو شوي أكثر وهذي تقدر خلال التفاوض على العقد على سبيل المثال يقول مرحلة التاسيس بتكلفني 11% من العقد والمكتب يشوفها 8% ويوصلون لحل وسط أو يتجاوزن عنها ويعتبرونها 11 لكن لو طلب 25% بيكون رقم كبير ومشكوك فيه .. ونفس الشيء ينطبق على باقي المراحل
وبعدين انا كمالك اكون استقطعت ضمان الصيانة ويتجمع لي مبلغ ممسوك على المقاول يلزمه يؤدي صح لأنه بيكون مسؤول عن الصيانة للفترة المحددة والمتفق عليها .. في الغالب 400 يوم لكن نقدر نحددها حتى بسنتين وبحيث بنهاية السنة الأُولى ندفع نص دفعة الضمان للمقاول لو ما صار شيء ولو صار شيء وصانه على أتم وجه كذلك نعطيه دفعته .. من جهة ثانية اكون عارف شعلي أوفر من مبالغ لكل مرحلة
-
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى