صفحة 1 من 3 123 الأخيرةالأخيرة
النتائج 1 إلى 10 من 25

الموضوع: شرايكم بالاودي

  1. #1
    عضو
    رقم العضوية
    12246
    تاريخ التسجيل
    Feb 2007
    المشاركات
    315

    شرايكم بالاودي

    السلام عليكم

    شباب شرايكم بسيارة الاودي a8 او a6 الشكل اليديد موديل 2019 ؟؟

    بغيت تعطوني انطباعكم عن السياره بشكل عام بغض النظر انه فالبيع سعرها يطيح وايد لانه فخاطري صالون.

    الله لايهينكم

  2. #2
    تميم المجد
    رقم العضوية
    34399
    تاريخ التسجيل
    Sep 2010
    المشاركات
    5,084
    شوف ياخوي الاودي سيارة ماعليها كلام ولها اسمها قويه طبعا الناس تخاف لانه قطع الغيار غاليه ومثل ماقلت بيعتها صعبه لكن اذا بخاطرك وهالامور عاديه توكل على الله

  3. #3
    عضو فعال الصورة الرمزية style
    رقم العضوية
    2580
    تاريخ التسجيل
    Jul 2005
    الدولة
    QATAR
    المشاركات
    1,920
    ماعندك أي مشكله 2019 سياره جديده وعليها ضمان،،لو انك قلت سياره مستعمله أكيد بنقولك لا
    سياره بتكون استعمالك وبتعرف كل صغيره وكبيره اذا في خرابات فالموتر وفوق هذا ضمان ساري
    توكل على الله ولا تخلي شي فالخاطر،،ومثل مايقولون الربع اديلوه واحد اودي

    شكرًا

  4. #4
    تميم المجد الصورة الرمزية بوخميس
    رقم العضوية
    10106
    تاريخ التسجيل
    Jun 2006
    المشاركات
    5,617
    خذ لك مرسيدس افضل ككوالتي ويمكن بنفس السعر

    او لكزس، نفس الفخامة وشغل ياباني تمام

  5. #5
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    مساء الخير

    ما بذكر سعرها عند البيع او انتهاء الضمان او. او

    بس اسأل عن توفر قطع الغيار اخوي. حتى لو غاليه. هل هي متوفره اصلا

    زيت و فلتر و بلكات هذولا انساهم. اسأل عن الامور الثانيه الي اذا اختربت او تبي تبديل باب او رفرف او رنق او شبك امامي او اسطاب خلفي . هل هالامور متوفره ولا تنطر يطلبونها ثلاث شهور و اكثر

  6. #6
    تميم المجد
    رقم العضوية
    44392
    تاريخ التسجيل
    Jan 2013
    المشاركات
    605
    نصيحتي لك .. ابتعد

    عندنا فولكسواجن (وهو نفس وكيل أودي)
    وديناها لخلل بسيط (لمبة جك إنجن) ما عرفوا له ..
    بس خذوا رسوم الفحص ، وقالوا ما بيّن لنا السبب بالضبط

    رجعت اللمبة من جديد خلال 5 أيام
    وديناها وفحصوها ، وقالوا تحتاج تغيير قطعتين ، مب متوفرة ، ونطلبها من ألمانيا
    خذت 3 أيام للفحص ، و20 يوم لوصول القطعة ، ويومين للتركيب

    رجع الخلل مرة ثانية خلال 5 أيام
    وديناها ، خذوا وقت للفحص الدقيق 11 يوماً والله ..
    ثم قالوا تحتاج (قطعة ثالثة .. فيول بمب) ، وللأسف أيضاً مب متوفرة
    تحتاج 20 يوم لطلب القطعة من ألمانيا

    وما زالت سيارتنا عندهم ، ومتوهقين !!!

    كلمناهم عن سيارة بديلة
    قالوا حاضرين ، بس تدفع 3500 ريال مقدماً
    ولما ترجّعها ، نردّ المبلغ بعد 10 أيام
    من إرجاع السيارة (كضمان وتأمين) ..
    هذا ، وسيارتنا رايحة جاية للورشة لنفس الخلل
    ومحبوسة عندهم من شهر .. وما زالت .

    هذا تعامل الشركة يا طويل العمر
    ورشة فولكسواجن والأودي في آخر الصناعية

    سيارتنا موديل 2014 وكل صيانتها في الوكالة
    وأبسط قطعها مب متوافرة ، فما بالك بالسيارات الجديدة ؟
    ابتعد عنها .. والحرّ تكفيه الإشارة .

    أما عن سيارات أودي كصناعة ألمانية ، ركوب وقيادة واستعمال
    فاحب أقول إنها (القمة .. في متعة القيادة)
    لقب تستاهله فعلاً سيارات أودي ، وليس بي إم دبليو ..

    لكن .. شالفايدة ؟ مع عدم توافر القطع ، والأسعار الخيالية ، وتعقيدات خدمة العميل
    عند أقل خلل في السيارة !!

  7. #7
    تميم المجد
    رقم العضوية
    44392
    تاريخ التسجيل
    Jan 2013
    المشاركات
    605
    طبعاً
    وقت الشراء .. أسعار خيالية
    وبعد استعمال بسيط .. أسعار في الحضيض

    للعلم فقط

  8. #8
    تميم المجد
    رقم العضوية
    20149
    تاريخ التسجيل
    Apr 2008
    الدولة
    Qatar
    المشاركات
    10,084
    ^^^^^^ اتفق فيما ذكر فوق لو بس يشوفون الجيران تبديل بلكات كل 100 ألف كيلو كانت تتبدل على الــ40 الف وقت الصيف و على حساب الوكيل و بدون اي رسوم

    السيارة من احسن الشركات بس للأسف عندنا سمعتها سيئة لأنه التعامل سيء جدا جدا جدا بالرغم من عروضهم للبيع بس خدمة ما بعد البيع سيئة

  9. #9
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    هذا الي اقصده من السؤال عن قطع الغيار

    من 2007 وانا اسمع عن قطع الغيار لبعض السيارات الاوروبيه

    يا ريال العلامه في شبك الموتر الامامي غير متوفره
    و واحد حك رصيف و طلب رنق جديد خلوا سيارته بالورشه ثلاث شهور عشان يجيبون له من المانيا و اخرتها جابوها من دبي

    و سياره فخمه جدا. جدا. جلست سنه او اقل بشوي عشان الستاره الخلفيه دينمتها خربانه و غير متوفره
    يعني موتر قريب المليون سعره جلس قريب سنه بالورشه و راعيها منقهر ما يبيها الا مصلحه

    تعال لشي ثاني

    التواير لبعض هالسيارات توصل 14000 و واحد يبي تواير قالوا انتظر ثلاث شهور نطلبها
    جابها من السعوديه ب 8000 هذا قبل الحصار طبعا

    مع احترامي لهالمواتر. ما ابي موتر اسوقه و يدي على قلبي كل يوم اخاف يوقف او ما احصل له غيار حتى او فيول بمب او دينمه مساحات اماميه او كشاف للصدام

  10. #10
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    تبون معلومه مهمه

    محل بسوق بروه الوكره عنده قطع غيار ما تلقاها بالوكالات

    هايدوليك للبورش ب 3500 ريال. بكم يعرها بالوكاله

    رودات للطوارق فيول بمب

    تبي مكينه بدل مكينتك المخبطه بتلقى
    بلكات و وايراتها موجود بسعر افضل بكثير من الوكالات

    انا اقول لو يتعاقدون معاه و يحولون العملاء له اسرع و ارخص بدل الانتظار لشهور عشان قطع غيار

    لا تلومونا اذا لصقنا بالياباني

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •