صفحة 4 من 5 الأولىالأولى ... 2345 الأخيرةالأخيرة
النتائج 31 إلى 40 من 46

الموضوع: بيع الماء عند الاشارات الضوئية

  1. #31
    عضو مؤسس الصورة الرمزية sweet qatar
    رقم العضوية
    27023
    تاريخ التسجيل
    Jul 2009
    المشاركات
    12,397
    ضد

    لما تعطف وقلبك يحن على شخص .. طالب بتوفير أبسط حقوقه في هالبلد كمستقدم وهي وظيفة وسكن
    بدل القبول بتواجده في مكان خطر و جو قاسي بحجة طيبة القلب وطلب الرزق

    عشر ريال أو ألف .. هل بتحل مشكلة الرجال ؟

    وبالنسبة لتصرف الأخت جزاها الله خير في شراء الصحف

    كنت أفكر مثلها اني لما اشتري اساعد الرجال يخلص الي عنده أسرع
    لكن الواقع يقول اذا كل الجرايد تم بيعها معناها وجود العامل في الجو القاسي بيستمر
    الشغلة نفسها غير انسانية ليش اتقبلها واساعد على استمرارها؟


    في مجال متصل أتمنى تنتشر ثقافة الابتعاد عن غراش البلاستيك و استبدالها بالمطارة
    ما ارد للجاهل ولا اسمع حكاويه ... حيــاي يمنعني من القيــل والقــال

    The best way to survival is to save each other

    الأجواء الساحرة في جزيرة البنانا .. شاركوني متعة اللحظات ..!

  2. #32
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    من ردودكم اقتنعت انها ظاهرة غير حضارية وخطرة ولازم تنمنع بالكامل وبكل أشكالها

  3. #33
    عضو فعال الصورة الرمزية يمامـة
    رقم العضوية
    46696
    تاريخ التسجيل
    Dec 2013
    المشاركات
    7,477
    اقتباس المشاركة الأصلية كتبت بواسطة khaldoon مشاهدة المشاركة
    احترم وجهة نظر الاخوان اللي قاولوا انه هالشي غلط و غير حضاري ....

    طيب سؤال ....نشوف اعمال كثيره يقوم بها شباب و بنات تحت سن العشرين في دول الغرب....مثل الجرسونات اللي يستلمون طلبات الزياين وهم بسياراتهم و جليسات الأطفال و اللي يقص العشب....طيب هالشي ليش ما نقول انه استغلال للأطفال و ليش مسموح فيه

    يعني الخلاصه ممكن نسمح بهذه الوظيفه بشرط انه كل طفل يحمل رخصة عمل ...أي نعمل لها ضوابط امنية و ترخيص لمنع الاستغلال و النصب و حدوث ثغرات امنية لا قدر الله
    تدري يا ستو يا خلدون
    ان لندن احد اكبر المدن العالمية جلبا للسياح
    و اللي تقع في اكبر الدول العالمية حضارة و شعبها
    معروفين بالتحضر عبر سنيين طووويلة..

    تلقى عندهم ما يعرف بالهوم لس.. او الاشخاص اللي
    ما يمتلكون مسكن تلقاهم محذفين في الشوارع يقتادن من الزبالة "تكرم انت و القراء " اذا استدعى الامر.. او انهم يطرون " يشحذون"..
    رغم ان الدولة توفر لهم مسكن و راتب شريطة انهم
    ما يدقون السم الهاري" خمور او مخدرات" الا انهم يرفضون الشروط و يفضلون ينامون في الشوارع مثل اكياس الزبالة تكرم..
    تدري اني في مثل هالعاصمة الحضارية سمعت عن المسيرات المطالبة بحقوق الحيوان لكن ما سمعت عن مسيرات مطالبة بحقوق هالناس؟

    تدري يا ستو يا خلدون في لندن العاصمة الحضارية
    المرموقة و مثلها سائر عواصم الدول المتحضرة..
    عادي تلقى واحد ماسك الناي او الكمنجا او الاورغ
    او البان فلوت في عز البرد القارس اللي يحجب الناس عن الخروج الا انك تلقاه في الشارع و الثلوج تتساقط عليه يعزف لك و قحفيته او كرتونته او سلته جدامه ينتظر منك
    تعطف عليه و تحط له المقسوم؟

    تدري يا ستوو يا خلدوووون
    ان في مثل هالعواصم
    تلقى شيييبة يبيع مجلات او اوراق و اقف على ريوله
    طول يومه يلحق المارة يستجديهم يشترون من عنده
    ما بين ١٠٠ واحد تلقى يعطفون عليه ٣ بس...

    تدري يا ستوووو يا خلدووون
    ان في هالعواصم الحضارية تلقى وحدة شباب
    على قد حالها تقضي ١٦ ساعة و هي ترسم على اوراق
    في الممرات من غير مظلة او برنيطة تحميها من الامطار تبيع رسمها في الشوارع او الطرقات يا تشتري منها او
    تخليها..

    عاد تدري ان هالناس اللي ذكرتهم لك يلقون تصفيق
    و اعجاب من العالم لانهم يرسمون او يرقصون او يطبلون
    او يعزفون او يسوون حركات خفة يد او يهرجون
    و تلقاهم محذفين على طول الطريق برد كان او حر
    شمس او ظل صقيع او امطار ..
    تدري ليش هذيلا يسوون هالشي؟
    وقفتهم هذي سببها حاجتهم الى الاموال..

    عاد تخيل وضع اللي يبيع الماي في الدوحة الدولة
    الخليجية الغنية اللي الناس يدورون على الشكل الحضاري
    بينما تلقى كثيرين من هالشعب يصفق للمذكورين اعلاه
    و يتم تصويرهم و نشر فيديوهاتهم في السوشال ميديا على انهم معلم من معالم الدول المتحضرة اللي يزورونها.

    تدري يا ستتتور خلدون ان النتيجة الاخيرة شتقول؟

    النتبجة تقول
    ان اللي ذكرتهم فوق نفس اللي يبيع الماي في قطر ..

    اثنينهم في الشوارع
    عندنا حر و عندهم برد يصلخ الجلد
    و امطار و ثلوج .. و مع هذا منتشرين في كل مكان.

    لذلك احب اوضح
    ان محد فينا يرفض تحسين اوضاع هالناس المحتاجة في قطر .. فاللي مقتدر انه يساهم في تحسين وضعهم و يوفر لهم اعمال خير و بركة .. اما اذا ما عنده غير انه يعبر عن وجهة نظره المتحضرة.. فليتخيل ان هالرجل قوت يومه من ارباح بيعه للماي.. فلو طبقتوا تحضركم عليه و قعد في البيت من غير هالشغلة بتكونون سويتوا فيه خير؟
    "حسبنا الله ونعم الوكيل"

    كـلنا قطـــر وكـلنا تمـيـم الـمـجـد

  4. #34
    عضو فعال الصورة الرمزية يمامـة
    رقم العضوية
    46696
    تاريخ التسجيل
    Dec 2013
    المشاركات
    7,477
    اقتباس المشاركة الأصلية كتبت بواسطة sweet qatar مشاهدة المشاركة

    في مجال متصل أتمنى تنتشر ثقافة الابتعاد عن غراش البلاستيك و استبدالها بالمطارة
    هلا سويت صباح الخير..
    اسمحي لي اوضح ان

    الغرشة تطلق على القزاز او الزجاج
    اما مطارة تطلق على البلاستك.
    قنينة زجاجية = غرشة
    قنينة بلاستيكية= مطارة
    فمن الواضح انج تطالبين بتوفير ماي في غراش "قزاز"
    بدل الوضع الحالي الموجود عندنا في مطاطير من بلاستيك.
    "حسبنا الله ونعم الوكيل"

    كـلنا قطـــر وكـلنا تمـيـم الـمـجـد

  5. #35
    عضو مؤسس الصورة الرمزية eXpert*
    رقم العضوية
    178
    تاريخ التسجيل
    Feb 2005
    الدولة
    State of Qatar
    المشاركات
    4,971
    انا ضد المظاهر الغير حضارية .

    بكرة ناقص يبيعون حب وبستك بالشوارع ..
    قال صلى الله عليه وسلم : « لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا».

  6. #36
    عضو مؤسس الصورة الرمزية sweet qatar
    رقم العضوية
    27023
    تاريخ التسجيل
    Jul 2009
    المشاركات
    12,397
    اقتباس المشاركة الأصلية كتبت بواسطة يمامـة مشاهدة المشاركة
    هلا سويت صباح الخير..
    اسمحي لي اوضح ان

    الغرشة تطلق على القزاز او الزجاج
    اما مطارة تطلق على البلاستك.
    قنينة زجاجية = غرشة
    قنينة بلاستيكية= مطارة
    فمن الواضح انج تطالبين بتوفير ماي في غراش "قزاز"
    بدل الوضع الحالي الموجود عندنا في مطاطير من بلاستيك.
    اشكرج على الشرح

    استخدمت المصطلحات مثل ما تعودت عليها

    من يوم كنت أودي مطارة الماي للمدرسة
    ما ارد للجاهل ولا اسمع حكاويه ... حيــاي يمنعني من القيــل والقــال

    The best way to survival is to save each other

    الأجواء الساحرة في جزيرة البنانا .. شاركوني متعة اللحظات ..!

  7. #37
    عضو فعال الصورة الرمزية يمامـة
    رقم العضوية
    46696
    تاريخ التسجيل
    Dec 2013
    المشاركات
    7,477
    اقتباس المشاركة الأصلية كتبت بواسطة sweet qatar مشاهدة المشاركة
    اشكرج على الشرح

    استخدمت المصطلحات مثل ما تعودت عليها

    من يوم كنت أودي مطارة الماي للمدرسة
    العفوو..

    بس انتي تبين الماي في مطاطير
    و لا في غراش؟
    "حسبنا الله ونعم الوكيل"

    كـلنا قطـــر وكـلنا تمـيـم الـمـجـد

  8. #38
    محاور إقتصادي الصورة الرمزية مضارب دوسري
    رقم العضوية
    14642
    تاريخ التسجيل
    Jun 2007
    المشاركات
    67,176
    بسيارتك ومكيف
    وشفت واحد صغير فالعمر (اقل من 18 تقريبا) او كبير فالسن يترزق الله
    ما سوى هالشي الا من الحاجه

    ف لا تقصر معاه باللي تقدر عليه 5 او 10 ريالات ماراح تدمر مستقبلك المادي

    هذا رايي الشخصي


    اما سالفة منظر حضاري ومنظر غير حضاري

    اشوف ماله خص
    التعديل الأخير تم بواسطة مضارب دوسري ; 23-07-2019 الساعة 08:24 PM

  9. #39
    تميم المجد الصورة الرمزية بوخميس
    رقم العضوية
    10106
    تاريخ التسجيل
    Jun 2006
    المشاركات
    5,617
    اقتباس المشاركة الأصلية كتبت بواسطة مضارب دوسري مشاهدة المشاركة
    بسيارتك ومكيف
    وشفت واحد صغير فالعمر (اقل من 18 تقريبا) او كبير فالسن يترزق الله
    ما سوى هالشي الا من الحاجه

    ف لا تقصر معاه باللي تقدر عليه 5 او 10 ريالات ماراح تدمر مستقبلك المادي

    هذا رايي الشخصي


    اما سالفة منظر حضاري ومنظر غير حضاري

    اشوف ماله خص
    اللي اصغر من 18 سنة ممنوع يشتغل

    اللي اكبر من 18 لازم عنده جهة كافلته وملزمة بتوفير عمل وراتب ولا ترجعه بلاده

    الموضوع له اكثر من جانب:

    قانوني: ان البيع في الشارع ما يسمح له القانون الا بترخيص بائع متجول

    صحي: انك ما تعرف مصدر هالماي او طريقة تخزينه او تاريخ صلاحيته

    انساني: ان الجو عندنا ما يسمح ان الواحد يشتغل في مكان مكشوف خاصة في الصيف

  10. #40
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    اقتباس المشاركة الأصلية كتبت بواسطة يمامـة مشاهدة المشاركة
    تدري يا ستو يا خلدون
    ان لندن احد اكبر المدن العالمية جلبا للسياح
    و اللي تقع في اكبر الدول العالمية حضارة و شعبها
    معروفين بالتحضر عبر سنيين طووويلة..

    تلقى عندهم ما يعرف بالهوم لس.. او الاشخاص اللي
    ما يمتلكون مسكن تلقاهم محذفين في الشوارع يقتادن من الزبالة "تكرم انت و القراء " اذا استدعى الامر.. او انهم يطرون " يشحذون"..
    رغم ان الدولة توفر لهم مسكن و راتب شريطة انهم
    ما يدقون السم الهاري" خمور او مخدرات" الا انهم يرفضون الشروط و يفضلون ينامون في الشوارع مثل اكياس الزبالة تكرم..
    تدري اني في مثل هالعاصمة الحضارية سمعت عن المسيرات المطالبة بحقوق الحيوان لكن ما سمعت عن مسيرات مطالبة بحقوق هالناس؟

    تدري يا ستو يا خلدون في لندن العاصمة الحضارية
    المرموقة و مثلها سائر عواصم الدول المتحضرة..
    عادي تلقى واحد ماسك الناي او الكمنجا او الاورغ
    او البان فلوت في عز البرد القارس اللي يحجب الناس عن الخروج الا انك تلقاه في الشارع و الثلوج تتساقط عليه يعزف لك و قحفيته او كرتونته او سلته جدامه ينتظر منك
    تعطف عليه و تحط له المقسوم؟

    تدري يا ستوو يا خلدوووون
    ان في مثل هالعواصم
    تلقى شيييبة يبيع مجلات او اوراق و اقف على ريوله
    طول يومه يلحق المارة يستجديهم يشترون من عنده
    ما بين ظ،ظ*ظ* واحد تلقى يعطفون عليه ظ£ بس...

    تدري يا ستوووو يا خلدووون
    ان في هالعواصم الحضارية تلقى وحدة شباب
    على قد حالها تقضي ظ،ظ¦ ساعة و هي ترسم على اوراق
    في الممرات من غير مظلة او برنيطة تحميها من الامطار تبيع رسمها في الشوارع او الطرقات يا تشتري منها او
    تخليها..

    عاد تدري ان هالناس اللي ذكرتهم لك يلقون تصفيق
    و اعجاب من العالم لانهم يرسمون او يرقصون او يطبلون
    او يعزفون او يسوون حركات خفة يد او يهرجون
    و تلقاهم محذفين على طول الطريق برد كان او حر
    شمس او ظل صقيع او امطار ..
    تدري ليش هذيلا يسوون هالشي؟
    وقفتهم هذي سببها حاجتهم الى الاموال..

    عاد تخيل وضع اللي يبيع الماي في الدوحة الدولة
    الخليجية الغنية اللي الناس يدورون على الشكل الحضاري
    بينما تلقى كثيرين من هالشعب يصفق للمذكورين اعلاه
    و يتم تصويرهم و نشر فيديوهاتهم في السوشال ميديا على انهم معلم من معالم الدول المتحضرة اللي يزورونها.

    تدري يا ستتتور خلدون ان النتيجة الاخيرة شتقول؟

    النتبجة تقول
    ان اللي ذكرتهم فوق نفس اللي يبيع الماي في قطر ..

    اثنينهم في الشوارع
    عندنا حر و عندهم برد يصلخ الجلد
    و امطار و ثلوج .. و مع هذا منتشرين في كل مكان.

    لذلك احب اوضح
    ان محد فينا يرفض تحسين اوضاع هالناس المحتاجة في قطر .. فاللي مقتدر انه يساهم في تحسين وضعهم و يوفر لهم اعمال خير و بركة .. اما اذا ما عنده غير انه يعبر عن وجهة نظره المتحضرة.. فليتخيل ان هالرجل قوت يومه من ارباح بيعه للماي.. فلو طبقتوا تحضركم عليه و قعد في البيت من غير هالشغلة بتكونون سويتوا فيه خير؟

    كلام جميل جدا و كله درر و مواعظ و حكم و فهم عميق غير مستغرب منك يا ستو .... بس انا أصلا موافق من اول وما اعترضت مثل كثير من الاخوة و الاخوات ....حاسس انه الكلام موجه لي و اسمع يا جار هيهيهيهي ....الله يسامحك ..خخخخخخ


    سؤال لجميع المعترضين عن هذا الشي.... هل لما تقولون انه موقف مب حضاري ...هل عيونكم تأذت من هذا المنظر و تحسون انه السياحة انضربت عندنا لما الناس يشوفون بعض الناس يبيعون ماي على الإشارات و بالشوارع؟

    هل في أي ضرر ناتج عن شرب الماء اللي ينباع على الإشارات و سبب حوادث و مشاكل و دخول للمستشفيات لانه الماي ملوث او متضرر بسبب وجوده تحت اشعة الشمس الحارقة

    هل حسيتوا بنفس الامتعاظ و الانزعاج يوم شوفتوا ناس مثلهم يبيعون ماي في دول أوروبا و امريكا؟ والا حسيتوا انه هالشي عادي بره....حلال عليهم حرام عندنا؟

    يوم سافرتوا بره و شوفتوا ناس تعزف و ترقص و قدامهم صندوق لجمع الأموال...هل وقفتوا تتفرجوا و تسليتوا و قدمتوا فلوس لهم و الا مشيتوا بسرعه من كثر الانزعاج من هذا المشهد المقزز غير الحضاري؟

    هل تعاملتوا مع البنت او الشاب اللي يرسم الناس بالشارع بأوروبا و الا مشيتوا بسرعه و صديتوا عنه؟.....

    انا يوم شوفت اثنين أوروبيين يرسمون الناس في اللؤلؤة رسم كاريكاتيري من عشر سنوات رحت و خليتهم يرسموني ...كانت شركة المتحده معينتهم في اللؤلؤة في بورتوا ارابيا يوم فتحت للجمهور علشان يرسموا الناس و اللي يحب يدفع او ما يدفع بكيفه لانهم موفرين لهم شقة باللؤلؤة و راتب مجزي من باب السياحة و جذب الناس و نزلت صورتي في البروفايل في المنتدى لفترة كبيرة ...ما حسيت وقتها انه هالشي غير حضاري بالمره

    هل تعتقدون انه هالناس اللي تسوي هالشي احنا نمثل جزء من مشكلتهم و معاناتهم و الا حسيتوا انكم ما لكم خص و مسؤولية الدولة بس؟


    و بث

صفحة 4 من 5 الأولىالأولى ... 2345 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •