,
,
مرحبا
شكرا على الموضوع الطيب
بالفعل كلام سليم
نحتاج نعطيهم فرصه يتكلم ويعبر عن اموره نكون ( مستمعين ) خله يتكلم بدون ما ( نقاطعه ) وندخل بالنصح
مع الوقت ما بيحب يسولف مع اهله
لازم نعطيه فرصه حقيقيه يعبر ويناقش وما نقاطعه لازم نفهم ( شنو بداخله )
ومع الوقت يتصحح اذا في خطاء في السلوك
بالعمر هذا طبيعي في ( طيش ) وتصرفات فيها مراهقه
سرعه بالسواقه
تدخين
مشاجرات
سويكا
مدواخ
شيشه
مغازلات
اذا ما قام بهذي التصرفات ( في خلل ) او انت ما تدري عنها من المفترض ان يقع في هذه المحضورات
لازم ما نثور ونغضب ( اكثر من اللازم ) هو يكتشف العالم هذا وحوله لابد شخص سيئ شجعه يجرب
كل هذه التصرفات متوقعه يوما ما !!
علينا نتعامل معاها ونزيد المراقبه عليه ويكون تحت عيونا
أتوقع بعمر 18 وطالع نحتاج نكون قريبين اكثر منه
( تحسسه انه رجال )
وتعتمد عليه وتفتخر فيه
والأفضل تعطيه مسئوليات ( حقيقيه ) في أمور كثيره تخليه يقوم فيها
تخليص معاملات البيت في الدوائر الحكوميه ومراجعات وترسله للبنك والموسسات الحكوميه وتخليه يساهم فعليا
ما بيحس بالمسئوليه الا اذا ( اعطيته ) مسئوليه حقيقيه
حتى لو ما قام فيها بالشكل الصحيح او تأخر تشجعه وتشكره انه ساهم في انجازها
والبنت كذلك
تحسسها انها أصبحت ( امرأه ) مسئوله عن تصرفاتها وتساهم في هذه العائله ولها دور كبير بالبيت
وانك فخور فيها
وفي دراستها ونجاحها وتفوقها في المدارس او الجامعه
وتعطيها دور في غياب الام انها مسئوله الان مكان أمها
الممارسه مهمه وليس مجرد نصائح
شي مهم نكون بقربه فتره من الزمن حتى لو استدعى الامر نخليه بالمجلس
كل يوم بعد المغرب مع ابوه
لفتره اشهر او اكثر حتى يركد اكثر ويحس انه رجل ويسمع سوالف ناضجه
ملاحظه
احنا أيضا نتعلم مع الوقت بالتربيه
الولد الأول نعامله بشده في الأخطاء
الولد الثاني حتى لو أخطاء نفس الخطاء نتعامل معاه بطريقه افضل
الممنوع على اول ولد يكون مسموح على الثاني وفي متسع من الحريه
يقل الخوف عليهم مع الوقت
شكرا مره ثانيه على الموضوع استمتعت بالمشاركه
,
,
التعديل الأخير تم بواسطة شموخ دائم ; 24-07-2019 الساعة 02:07 PM
انا مش معاك
متى كانت هذي الامور طبيعية
سرعه بالسواقه
واذا كانت نهايتها اعاقه أو موت لا سمح الله من المسؤول
صحيح هي اصعب مرحله للشباب وجدا حساسة
ويصعب التحكم فيها ولكنها نتاج خلل في البيت او المجتمع والرفقاء
اما
التدخين
مشاجرات
سويكا
مدواخ
شيشه
مغازلات
مرفوضة بتاتا ولا يفترض ان اي شاب يمر فيها ويكون طبيعي ابدا
نعم لو وقع فيها ممكن علاجها وتفاهم معاه
لكن ان نقول هي نتاج طبيعي للمراهقه طبعا لا
تم الإرسال من SM-N950F باستخدام Tapatalk
التعديل الأخير تم بواسطة ماجد البدر ; 24-07-2019 الساعة 09:28 PM
مؤيد لرأي اخوي ماجد البدر بس اتوقع إخوي شموخ يقصد هذي يمر بها غالبية الناس حتى لو مرور بسيط .. بعضهم تتأصل فيه وتستوي آفة مثل التدخين يمكن يجرب مرة ويفكر ويترك ويمكن يستمر