وينكم يا وزارة البلدية و البيئه عن حقوق المهندسين؟

[khaldoon]

الربع اللي يبنون يدورون مدني يشرف ولا يحصلون .. ما ادري من وين جايب المعلومة بس الاثنين الأخيرين قليلين منهم اللي يداومون في تخصصهم وينطلبون في تخصصات مقاربة

كلام سليم

[khaldoon]

هندسة الطيران ضرورية ومطلوبة وأعتقد تتبع الكهربائية يتأسس أول كهربائي وبعدين ياخذ ماجستير هندسة طيران واتوقع للتخصص فروع .. هندسة الأجهزة الطبية كذلك فرع من الكهربائية .. هندسة البحار في ميامي هذي تخصصية عاد إن وديت ولدك هناك بيطلع غواص .. فيه فرع قليل فيه قطريين أو مقيمين اللي هو هندسة الأمان أو سيفتي انجنيرنغ .. هندسة البترول والغاز معروفة .. هندسة الاتصالات جزء من الكهربية .. هندسة الطرق جزء من المدني .. هندسة البيئة صعبة وايد ومعقدة وجزء من المدني .. هندسة شبكات الكمبيوتر كذلك مهمة .. التصميم الداخلي في قطر ومهم والجامعة وايد قوية

بخصوص هندسة الطيران
https://www.arageek.com/edu/aerospace-engineering


https://specialties.bayt.com/ar/spec...المهندس-الطبي/


بخصوص هندسة البحار
https://www.arageek.com/edu/marine-engineering


https://ar.wikipedia.org/wiki/هندسة_أمن

[khaldoon]

في قطر ما يحتاج يزور يجي ويقول انا مهندس ينشهر بين المجتمع

مرة طلبت تسعير لمبنى من صاحب شركة وعطته المخططات والعقد .. بعد فترة قال لي المهندز يبي يستفسر منك عن أُمور ورحت له .. حصلت المهندز يصلي في وقت غريب بين المغرب والعشاء .. دخلت بهدوء وجلست انتظره يخلص وخلص وقعد يسبح ولا معبرني .. التقوى ما شاء الله يشع منه مع إن أنوار الشقة كانت خافتة جداً خايفين من صرف الكهرباء .. التفت لي وسلم وقلت له انا فلان اللي تدرس عقده وجاي اشوف شصار

قال لي المكتب اللي عمل لك المخططات شغله أي كلام .. قلت ازاي؟ قال هوه فيه سيكيرتنغ ( يقولها بالمصري صعبه اكتبها ) مقاسها 30 سم؟ انا من قوة هجومه ما عرفت ارد وبعد ما فكرت عرفت ان فيه وممكن .. المهم فتحت له الخرايط بسرعة وشفت الرسم واضح والمقاس واضح 150 ملم ارتفاع في 20 ملم سُمك .. قلت له هذي واضحة وفهمته شتعني قال انا معرفش فين شفتها .. قلت يمكن في حساب الكميات وفتحت الدفتر وافله بسرعة وراويته وفهمته إن نفس الشيء .. بعدين قلت له لو عندك اقتراح ثاني وبسبب تشوف مستحيل تنعمل بهذي الطريقة حدد اقتراحك وتسعيره

قلت له إنت بديت معاي بالنعلات اللي ما لها أهمية كبيرة خلني انا باوضح لك العقد وبديت افتح الصفحات واقرا له بالانجليزي لأن العقد بالانجليزي وهو صاد عني ويبتسم ويضحك .. إستغربت من اسلوبه وقلت شاللي يضحك .. قال تسدأ بالله؟ مش عارف أي كلمة من اللي بتؤولهم .. قلت مالك الشركة قال لي إنك مهندس قال آه بس درست بالعربي

ههههههههههههههههههههههههههههههههههههههه الله المستعان ...لا تعليق

[khaldoon]

ههههه. بالعربي


دوووم الضحكه ان شاء الله

صبحكم بالخير


صباح الخير و مساء الخير حياك الله
حاب اعلق

رواتب 8 الاف قد يأتي معها السكن و التنقل و الوجبات و شفت شركات تسويها


والله رجعت شيكت بالموقع بناء على مشاركتك وما لقيت شي ....بس مكتوب راتب 8000 ريال و اعلان اخر راتب 8000-1000 ريال قطري ....يعني شامل كل شي

في مهندسين اسيويين برواتب 5 الاف ايضا بشركات خاصه

للأسف صحيح كيف ننافسهم ....و هالشي موجود بعد في كل الوظائف للأسف الشديد

في الهند كلهم مهندسين من كثر الجامعيين بالجمله . يطلبون وظائف بقطر ومش محصلين الخمس الاف بعد


مب بس هالشكل و تلاقي بعضهم معهم شهادات عليا و دورات اضافيه و خبرات عاليه مب متوفره معنا يعني شكليا مؤهلين اكثر منا و يطلبون اقل منا و ساعة الجد تلاقيهم ما يفهمون شي ولا هم قياديين ...يبون مين يوجههم

توجد عقود مؤقته سنه او اكثر بحسب بعض المشاريع واذا الشخص ببلد وبعمله ضعيفه وبدون وظيفه او طلع من قطر وجلس في بلده بلا عمل فمثل هالعقود توفي معاهم لانها تتضاعف بعمله بلاده و تطلع مبلغ شهري محترم بدل الجلوس كعاطل

المبالغ البسيطة اللي يحصلونها بقطر تبنيلهم فلل و قصور ببلدهم اما احنا ببلادنا ما تجيب ربع شقة للأسف الشديد

يجون بدون عوائلهم اذا متزوجين فتوفي معاهم يحول الف او الفين ريال صرف العيله
وسكنه و اكله و مواصلاته ببلاش بقطر و بحوش كم الف

كلام سليم

هذه فئه من الموظفين او المهندسين الي تدورهم بعض الشركات

اما البقيه فبراتب اعلى اذا بشركات اكبر و هيكل وظيفي جيد

الرد باللون الأزرق...اشكرك على الاضافه القيمة اللي اثرت الموضوع

[khaldoon]

الهندسه بانواعها مطلوبه وما في شي اسمه تشبع وظائف

اي تخصص ممكن يشتغل بمجاله او مجال اخر

الميكانيك ممكن يتوظف بمجال دراسات المخاطر
و الكهرباء يشتغل في السلامه سيفتي

كل التخصصات بها مواد الرياضيات و العلوم و الكيمياء و الفيزياء وهالمواد تحتاجها بعض الوظائف الي بمجالات ثانيه

مثلا. صيانه ابار البترول و رئيس قسمها ايش بيكون تخصصه ميكانيك ولا كيمياء كلهم ممكن يديرونها

مهندسي الصيانه و مسؤولي المعدات و عمليات المرين و وحدات خلط مواد الحفر للابار و مسؤول مستودعات ضخمه و عمليات الانتاج و وحدات مراقبتها. و التفتيش الصناعي

هذه بعض الوظائف الي ممكن اي مهندس يشغرها وعندي امثله اكثر بعد

يمكن نختار تخصص لعيالنا لكن مش شرط نكون مصيبين بالاختيار

يمكن حد دارس جغرافيا و يعمل مسؤول بيئي بشركه بترول وممكن حد يدرس هندسه و يعمل بالحكومه

كلها ارزاق لكن كيف بنحسب التوفيق و النجاح
هل هو الراتب ام المسمى او اوقات الدوام او شنو

الي بالحكومه يقول ما توفقت براتب بترول و متسندر من شغلي و و و
الي بالبترول يقول ليتني مسؤول حكومي و معروف بالمجتمع و اداوم بساعات احسن من البترول وعندي صلاحيات
الطبيب يبي سمعه الطب لكن يقول كل الناس مرتاحه بالحكومه و البترول وانا شفتات و مراجعين و ضغط نفسي

في رأيي ان نترك الابناء بحسب ميولهم و اختيارهم الا ان احتجنا التدخل احيانا

على فكره

حتى هندسه الطيران الي اغلب خريجيها بدبلوم لهم فرص جيده
و بعضهم التحق بالعسكريه ومجالات ممتازه بمسؤوليات هندسيه

كلام سليم لا اقدر ان اضيف عليه

[khaldoon]

هذا اللي ضيعنا نشوف مدير مشروع مدني خلفيته العلمية مهندس كهرباء

يا اخوي الهندسة تخصصات لازم تحترم ولو ما احترمها المسؤول تردت المشاريع .. عيل جايبين لي فريق ادارة لمشروع المطار من تخصصات تشغيلية في الغالب وطلعت مشاكل مع الدفاع المدني ونواقص في التصميم أضافوها غصب .. لو تمت دراسة المشروع بواسطة مختص في البناء أو فريق فيه مهندسين خبرة وكلن يحتَرَم رايه الهندسي ما صار اللي صار

والله كلامك صحيح

[khaldoon]

يا حبك حق هالسوالف ههههه

ما قلت ميكانيك يمسك مشروع هندسي ياخوي

قلت دراسات المخاطر وهذه فيها تصاميم ميكانيكيه وفيها الكترونيات. بالبترول اقصد وحتى فيها سلامه للافراد بالمواقع

يعني اذا ما حطيت مهندس ميكانيك ايش بحط. جغرافيا مثلا هههه

مهندس الكهرباء يشتغل سيفتي. لان الكهرباء فيها جزء في السلامه و باقي الامور تأتي بالخبره و الدورات مثل كل وظيفه

أيضا متفق معاك في ما تفضلت به

[khaldoon]

معماري. لو كل واحد بيشتغل في تخصصه بس كان كل الوظائف الاخرى انترست بالوافدين و نجلس عقود من الزمن و بطاله جزئيه ممكن نتفاداها

خل الناس تشتغل

الارزاق بيد الله...المهم انه أي واحد يشتغل شغله يتقنها او يتركها للخبير و المختص فيها وما يضيع حقوق العباد و يلعب في مصالحهم

[khaldoon]

انا قصدي للمواطنين

المهندس المدني المواطن عادة يشتغل فالحكومه سواء اشغال او غيرها من الوزارات والهيئات التابعه للحكومه


اما مدني يشرف على بنيان نادر جدا ان يكون مواطن


الهندسه الكيميائيه اخر عشر سنوات اصبحت تكدس في شركات البترول والتابعه لها
لدرجة قبل يحظى المهندس الكيميائي بتقدير خاص ويحاولون قدر الامكان ما يزعلونه عشان ما يطلع
والحين صار عادي اللي يبي يطلع الباب يوسع جمل وياخذ من المهندسين الجدد الخريجين واصبح وللاسف ايضا تجد الخريج يتاخر على ما يردون عليه او يحصل وظيفه عكس ماكان سابقا وهو في سنه ثانيه تجد الشركات تركض وراه



اما الميكانيكي والكهربائي فلحد الان تجد الشركات تتعب تدور عليهم ولهم خصائص مناسبه ايضا للقطاع العسكري فلذلك تجدهم فالشركات البتروليه مدللين معززين مكرمين لين يتجاوز ال35 وهو السن اللي بعدها مستحيل يدخل القطاع العسكري

كلام سليم

[khaldoon]

دخلت مرة مكتب أعرف صاحبه وكان قوي ولا حصلت صاحب المكتب قلت اتسلل عند الرسامين أشوف شغلهم أول ما دخلت الا رسام ينسخ من مجلة .. الفضيحة من شافني شلها وقال ليش انت داخل هنا وممنوع وكان متضايق إني كشفته مع إن الأمر عادي لو ينسخ فكرة بتصرف ويحسن عليها لكن الظاهر شغلهم نسخ حرفي

هههههههههههههههههههه هذا اللي أقوله كله كوبي و بيست للأسف الشديد و يدفعون ملاك الفلل مبلغ وقدره و هم مب تعبانين في التصاميم