النتائج 1 إلى 9 من 9

الموضوع: شرايكم في مكتب تاجير سيارات

  1. #1
    عضو مميز الصورة الرمزية Class - Qtr
    رقم العضوية
    37601
    تاريخ التسجيل
    Apr 2011
    المشاركات
    1,529

    شرايكم في مكتب تاجير سيارات

    السلام عليكم
    ابي افتح مكتب لتاجير السيارات وابي
    رايكم شنو افضل نوع واللي بيشارك
    في الموضوع لة خصم ٢٠ % بااذن الله

  2. #2
    عضو نشط
    رقم العضوية
    52779
    تاريخ التسجيل
    Jan 2018
    الدولة
    قطر
    المشاركات
    571
    مشاكلها كثيره ..
    .

  3. #3
    تميم المجد الصورة الرمزية بوخميس
    رقم العضوية
    10106
    تاريخ التسجيل
    Jun 2006
    المشاركات
    5,617
    من يأجر سيارة الحين

    اللي يبغي مشاوير ياخذ أوبر كل مشوار على 20 ريال ويفتك من تأجير السيارات ومشاكلها

    عدد مشاريع تأجير السيارات الناجحة أقل من الفاشلة، والفاشلة شكثرها في المحاكم

  4. #4
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    الموجود ماكل الجو
    اذا بتفتح لازم يكون مشروع مبتكر
    وهذا يبي له فلوس.. يبي له منصة الكترونية وتطبيق على الابستور والجوجل بلاي.

    يبي لك أربعين موقف شاغر بمطار حمد و تأجير بطريقة الكترونية و سيارة تفتح برمز و من هالشغلات.

    اعتقد هذا هو اللي ممكن يجذب أي واحد من الناس يترك شركات التأجير الكبيرة مثل يورب كار و سيكست وغيرها ويجونك في شركة سمارت رنتل قطر.

    اللهــــــم ارحم أخي فايز واسكنه فسيح جناتك وسائر أموات المسلمين

  5. #5
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    اخوي كلاس بعلمك بشي

    مكاتب التأجير مب عايشه على تأجير السيارات فقط.

    لها مستويات

    في الي عنده سيارات و ضامن مؤجريها وعنده شركات تأجر بسائق او بدون

    وفي الي يسجل سيارات من ملاك وافدين عشان يدخلونها اوبر و كريم

    هذولا يدفعون 250 الى 300 ريال شهريا للمكتب عشان يقدرون يسجلون مع اوبر

    قبل ظ£ او ظ¤ سنين كانت مولعه ومكتب واحد مسجل 200 سياره خاصه من افراد عشان اوبر ويدخل صافي منهم 60 الف ريال

    غير سياراته هو مشغلها ليموزين و اوبر و كريم بعد

    كنت بفتح هالتجاره لكن انشغلت مده. و الحين عرفت ان الوضع تغير

    زادت سيارات اوبر كثير و صار السائق ما يدخل الا 7 الاف و يخصم منها صيانه و بنزين فيطلع بفايده اقل من 6 الاف شهريا

    قبل كانت توصل 12 الف شهريا

    اغلب المكاتب تشتغل بنفس الطريقه اذا ما خاب ظني

    و عمليه ان تاخذ عقد من فنادق و احتكار توصيل هذه الكل يتنافس عليها فأيضا مب سهله وفي ناس تدفع جامد عشان حق الاحتكار وبعد زبائن الفندق اذا تدفعهم زياده ياخذون اوبر و يتركونك

    احد شروط الرخصه عدد سيارات معين اعتقد 16 سياره
    و موافقات من وزاره التجاره و وزاره المواصلات يعني فيها لفه مضبوطه

    في امور يسوونها المكاتب وهي

    يسجلون للافراد اوبر و ياخذون 300 ع الواحد
    يعطون الافراد سيارات المكتب الي قدمت شوي مع تسجيل اوبر ب 2600 ريال وهو يروح يترزق
    سائقين المكتب يسوون لهم عقود توصيل شهريه للموظفات و المدرسات رايح جاي وخلال الوقتين يشتغلون ليموزين و اوبر

    سياراتهم يشغلونها شفتين ليل ونهار بسائقين اثنين

    كل هذا عشان يمشون الشغل و يغطون مصاريفهم و يطلع ربح

    في ناس عندها المهارات عشان تسوي هالامور وفيها صدعه فأذا انت تقدر. سوها واذا تشوفها تعب فلا تخسر بالتجربه

  6. #6
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    اذا حبيت فكره جديده

    تأجير شاحنات صغيره
    بيك اب
    بيك اب 3 طن
    بيك اب كرين

    هذه مش موجوده بقطر ولا لها برنامج ع الابل و جوجل ستور

    و تقدر تسجل المواتر بأسم شخصي بدون سجل تجاري ولا تحتاج رخصه ليموزين و تجرب
    ولو سياره وحده 3 طن

    لا مكتب ولا عدد سيارات معين ولا منافس واحد

    كلهم اسيويين وما عندهم برنامج الناس تطلب خدمتهم الا شغل قطاعي و يوقفون بالشوارع

    كنت بسويها بس للحين ما عندي وقت اتفرغ لها

  7. #7
    تميم المجد الصورة الرمزية بوخميس
    رقم العضوية
    10106
    تاريخ التسجيل
    Jun 2006
    المشاركات
    5,617
    اقتباس المشاركة الأصلية كتبت بواسطة ابو عبدالله. مشاهدة المشاركة
    اذا حبيت فكره جديده

    تأجير شاحنات صغيره
    بيك اب
    بيك اب 3 طن
    بيك اب كرين

    هذه مش موجوده بقطر ولا لها برنامج ع الابل و جوجل ستور

    و تقدر تسجل المواتر بأسم شخصي بدون سجل تجاري ولا تحتاج رخصه ليموزين و تجرب
    ولو سياره وحده 3 طن

    لا مكتب ولا عدد سيارات معين ولا منافس واحد

    كلهم اسيويين وما عندهم برنامج الناس تطلب خدمتهم الا شغل قطاعي و يوقفون بالشوارع

    كنت بسويها بس للحين ما عندي وقت اتفرغ لها
    البياكم الطويلة تخصص السودانيين

    وهذي غالباً يبغيها اللي عنده اغراض يبغي ينقلها من مكان لمكان

    صح هي مب منتشرة، لكن اظن في تطبيق حق خدمات ومنها خدمات نقل الاثاث وهالسوالف

    عيبها ان شغلها مب دايم مثل السيارات الصغيرة، يعني ممكن تقعد كم يوم محد يطلبك، واللي يطلبها يحتاج وياها حمالية يشيلون ويحطون الاغراض

  8. #8
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    مرحبا بو خميس

    والله لها شغل وايد

    مب بس الاثاث. في الي يبي شغلات وايد

    نقل شينكو و بايبات و خشب و مواد ما تدخل بالموتر ولا البيك اب العادي
    وعندك نقل الاعلاف للعزب من الشمال للجنوب شغل وايد

    الكبائن وغرف السواقين

    طابوق و اسمنت و مواد بناء و حمامات اعزكم الله

    الشغل وايد لكن التواصل مع هالمواتر صعب و يضربون عليك نقله بسيطه ميتين و ميتين و خمسين مشوار واحد

    تكرمون. اعلاف من محطه بترول الزباره لين ام صلال بثلاثميه

    احنا شباب و ممكن نتصرف لكن الشياب و الحريم و الشباب الصغار ما يبون صدعه بيك اب و وصف له و كم اخرك

    يبون بيك اب تعطيه اللوكيشن يروح و يخلصك

    هذا اذا بتمشي الشغل بنفسك

    اما اذا بتأجرها باليوميه. سائق او بدون مثل اوبر مثلا. تعطي السياره للشخص. او يجيك هندي يأجرها مثل كريم و انت تدعمه بالطلبات. تجيك ع البرنامج و هو ياخذ التوصيله

    ويدفع لك بالمشوار او اليوميه

    كل الخيارات متاحه

  9. #9
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    انا شهريا احتاجها مرتين وثلاث غير اذا حد من الجماعه يبي مني شغل معين و يبي يجيب شينكو وحديد و اغراض لزوم الشغله

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •