حياك الله الاخت الفاضلة يمامة، قصدج الباب المفتوح له باب المشاكل صح! واذا تقصدين باب البيت فهل بيتم مفتوح ولا تقفلونه ؟ تري هذا اللي يقصده حمد ،، يوم يقول تحافظ على بيتك الأول ! لكن العجيب ان الموضوع ينقلب تحدي ، والواقع ان الزواج ماله علاقه بالجرأة ولا بالقدرة فكم من غشيم خواف من صياح مرته وقع في شرك وحده تسمح لها بيئتها انها تتزوجه بالسر ، وفي النهاية بدل ما تكون ضرتك بنت ذوات واخت دنيا .. تحصلينها وحده تواطأت مع ابو العيال على زواج السر.المشاركة الأصلية كتبت بواسطة يمامـة
اللهــــــم ارحم أخي فايز واسكنه فسيح جناتك وسائر أموات المسلمين
حمد لا تشرد قد انهد العراق / السور
اللهــــــم ارحم أخي فايز واسكنه فسيح جناتك وسائر أموات المسلمين
شوف يا اخوي سالم
بكون صريحة معاك لابعد الحدود..
الرجل اللي يبي يتزوج و عنده قدرة على الزواج ما في شي يمنعه
لكن الرجل بشكل عام يحب يلعب دور الطاووس اللي يبي يلفت الانظار وانه مطلوب
واذا تزوج على زوجته بتموت من غيره.. مع انه تلقاه في قرارة نفسه ماديا مب قادر يتزوج..
لكنه يدندن على وتر التعدد..
فالموضوع محصور في قدرة الرجل و سطوته و قوته..
يا ما ريايل تزوجوا و حريمهم زعلوا و صرخوا و بهدلوهم و لكن في الاخير رضخوا
للامر الواقع..
فأنت ايها الرجل لا تتوقع زوجتك تنثر عليك ورود اذا بغيت تعدد ..
لذلك قرار التعدد يحتاج جرأة و قوة شخصية..
حتى اللي متزوج في السر.....> اشكثر ممكن يخش زواجه؟
عياله من اللي متزوجها .. وين بيخشهم؟
معقولة لهدرجة جبان؟
لذلك يفضل يا معشر الرجال انكم تبحثون عن حلول تساعدكم على التعدد
بدل ما تبررون عدم قدرتكم في اتخاذ القرار بسبب تخوفكم من زوجاتكم و خراب بيتكم الاول.
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
الحين بالذمة.. الرجل قبل ما يفكر ياخذ الاولى هل يفكر في التعدد؟
يعني هل هناك في خيال الشاب قبل تجربة الزواج من الاولى
انه يتزوج الاولى و بعد طفلين منها يتزوج الثانية
وبعد اربع سنين مع الثانية يتزوج الثالثة؟
طيب ليش نسمع من الشباب المتزوجين نصايح لمن هم اصغر منهم
لا تغلط غلطتنا؟
طيب بما ان الزواج بحد ذاته غلطة بسبب المسؤولية الملقاة على عاتقهم
فهل يتوقع الشاب ان حياته مع زوجته الثانية بتكون اسطورة من اساطير
الحياة الرغيدة الهانئة المتجددة في المشاعر و الاحاسيس و الرغبات؟
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
ما على كلامك زود.. جزاك الله خير ياليمامة
اللهــــــم ارحم أخي فايز واسكنه فسيح جناتك وسائر أموات المسلمين
كثير من اسئلتك التعجبية هذي واقعية، فيه شباب ما يبون الزواج مول! حلوها يا رواد مجتمع.
اللهــــــم ارحم أخي فايز واسكنه فسيح جناتك وسائر أموات المسلمين
طبيعي ما يبي زواج لانه مستغني عن الزواج بالعلاقات عن بعد في عالم الانترنت
او التواصل الكتابي او الصوتي مع هذه و تلك و غيرها..
فهو في اليوم الواحد يتواصل مع اكثر من شخصية وحدة مرحة
و حدة حبيبة وحدة طيبة و حنونة عليه. وحدة نكدية يدورها اذا مل من الروتين.
شاب يعيش مثل هالاجواء مستحيل يورط نفسه في زواج يتعبه و ينقص عليه حريته.
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
سالفة في صميم الموضوع
رفيجي متزوج ومرته معها اعدادية بس، قالت له با اواصل.. قالها زين، واصلت خذت الثانوية وقالت ابي الجامعة.
رفيجنا في هذيك الفترة ظروفة المادية تعبانه لانه مقاول ومب موظف! يقول قلت لها ما بتستفيدين من الجامعة شيء، وبكرة لا تقولين ابغي اتوظف.. قالت له تم.
واصلت تخرجت.. قدمت على التدريس طلع اسمها.
قالت للرجال.. قال لها (مستحيل) انا الآن أوضاعي ممتازة واعطيك مثل راتبك بس اقعدي في البيت! زعلت راحت عند أهلها.. يقول رفيجنا عقب شهر تقريباََ.. جاني استدعاء من المحكمة!
فمثل الجامعية ذي ، فاهمة الدنيا غلط.. وهذي هي وصلت محاكم على موضوع وظيفة! كيف لو كان السالفة زوجة ثانية؟ فلا تستغربون ممكن تكون رجل عندك شخصية وعندك فلوس بس قدرك يجي في وحدة برمجتها تختلف! فيضطر الواحد أنه يكون بين خيارين إما يتنازل عن حقه (تعدد / أو أن زوجته ما تتوظف) او يطاوعها على اللي تبيه.
اللهــــــم ارحم أخي فايز واسكنه فسيح جناتك وسائر أموات المسلمين
طبعاََ هذي مب مبررات انك تتزوج بالسر ولا اعرف احد تزوج بالسر لكن في المقابل هذا حال المجتمع الخليجي.. ونخشى من الجاي.
اللهــــــم ارحم أخي فايز واسكنه فسيح جناتك وسائر أموات المسلمين
الموضوع مش في التعدد
الموضوع الاهم هو العدل
للاسف شفت ناس ملتزمه ويعرفون الدين صح لا ويفقهون الناس بالدين بعد
ولكن غير عادلين بين زوجاتهم لا فالمصرف ولا الملبس حتى !
=============
اعتقد نقطة العدل بين الزوجات هي اصعب بالف مره من موضوع فكرة التعدد
ضوابط المشاركة
رد مع اقتباس