صفحة 1 من 2 12 الأخيرةالأخيرة
النتائج 1 إلى 10 من 13

الموضوع: الى المسؤل الاول عن التعليم بدولة قطر

  1. #1
    عضو مؤسس الصورة الرمزية مخطط قطري
    رقم العضوية
    34019
    تاريخ التسجيل
    Aug 2010
    المشاركات
    5,807

    الى المسؤل الاول عن التعليم بدولة قطر

    يليت الحكومه ممثله باداره المدارس الخاصه بوازره التعليم تكون اكثر حزما وصلابه وقوه في وجهه بعض المدارس الخاصه حتى يتمكن الطالب القطري وولي امره بالاحساس بانهم مواطنون لهم حقًوق في وطنهم...... نشرت هذا الموضوع حتى اعرف انا فقط من واجهه المشكله ام غيري،،
    باختصار سجلت ابني في احد المدارس الخاصه المشهوره في نهايه شهر 4 فيما يعرف بالتسجيل المبكر وتم سداد الرسوم والامور مشت بطريقه سلسه وتم تعليقه في قائمة الانتظار وسالتهم متى اعرف دور ابني عشان اذا ماله نصيب عندكم في عشرات المدارس غيركم ولكن انتم بنسبه لي الاخيار الاول قالت لي موظفه من الجنسيه المصريه (ماتئلئش ح يتسقل) طيب متى اراجعكم قالت يوم 21 الي هو اليوم رحت لهم اليوم قالت مع الاسف الاوراق ناقصه وماسجلناه قلت اي اوراق ناقصه ممكن اعرفها قالت شهاده الميلاد قلت كل شي عندكم وحتى لو ناقص شي في رقم تلفون اتصلو كل شي بجيبه لكم صارلكم 4 شهور ماقلتولي عنها المهم طلعت الاوراق كامله وقالت امافيش مقاعد قلت شلون انا مسجل تسجيل مبكر ودافع رسوم تحديد المستوى (ونجح في اختبار تحديد المستوى والمدرسه الي سوت له الاختبار تقول ماعمره مر على طفل ذكي مثله مادري عاد تسلك لي ولا تقوله حق اي حد المهم انه نجح واثنت عليه )واخر شي تقولين مافي مقاعد ممكن اعرف شلون اليه التسجيل ومن متى الناس تسجل عندكم لاني ماتوقع في حد قبلي سجل رحت للمديره وهي من الجنسيه اللبنانيه ونفسها في خشمها وماتشوف حد قالت اذا مب عاجبك النظام عندنا شوفلك مدرسه غيرنا قلت انتم خاضعين تحت قوانين حكوميه نفس مالكم حقوق عليكم واجبات هذا اجراء تعسفي غير مقبول احنا مش في مصر او لبنان احنا بقطر في اسلوب للتعامل في شي اسمه ذوق في الكلام وبعدين ليش ماقلتواً قبل انه احنا بيئة طارده للطلبه ومب مسجلين ولدك او نفس ماتفضلتي الحين تقولين لي شوف لك مدرسه خاصه غيرنا وانصدمت بل صعقت انه هذي تكلمني بالالاسلوب الغير محترم وقالت اشكره للسكرتيره محد يدخل علي وهملتنا ودشت مكتبها وسكرته وكل اولياء الامور الي قايلتهم في هالموقف وعددهم 4 كانو مستاءين تواصلت مع السيد حمد الغالي مدير المدارس الخاصه وقلت له الموضوع وقالي (بما معناه مايقدر يسوى شي ) العتب ع وزاره التعليم والشرهه عليها ولا الواجب اي مدرسه خاصه مديرها يوقف عند الباب في الشمس وياخذ مظله ويدخل الطالب القطري الصف عشان يحسب الف حساب للدوله الي عطته رخصه ع اراضي قطر يفتح مدرسه خاصه ولكن المدارس الخاصه شبعت و(.....) لشبع رفس ومب معتمدين ع الطلبه القطريين معتمدين ع الاجانب لانهم منهم وفيهم وهم كثر وشركات البترول وغيرها من الشركات الكبيره هي تدعمها والرخصه من الحكومه لها
    الحل لجنه مختصه تشوف اوضاع المدارس الخاصه المشهوره بقطر وعددها مايتجاوز اليد الوحده ويشوفون التجاوزات الي حاصله فيها
    فاصله اخيره : سمو الشيخه موزا بنت ناصر المسند حفظها الله اسست برنامج انساني مهم التعليم حق للجميع والمفروض اجباري نفس امريكا واوروبا وهنيه في قطر بعض اطفال قطر يتشحططون من مدرسه لين مدرسه التسجيل اغلق ولا مالك مقعد وفوق ذلك يصفق الباب بوجهك كانك جايه تتعلم بلاش مب بخشم الريال يليت من وزير التعليم وهو رجل اكاديمي ودكتور وفاهم في المجال التعليمي يامر بفتح تحقيق في هذي المسخره الي تصير في المدارس الخاصه من سالفه مقاعد ولعبه وخربطه
    ودمتم سالمين
    التعديل الأخير تم بواسطة مخطط قطري ; 21-08-2019 الساعة 09:50 PM
    انا قطري ويحق لي لاتباهيت

    لي الشرف لو افتخرت بلادي

    اطرب بها ليمن نشدت وتغنيت

    يزهى بها شعري ويشفي مرادي



  2. #2
    عضو نشط
    رقم العضوية
    35884
    تاريخ التسجيل
    Jan 2011
    الدولة
    Qatar
    المشاركات
    620
    اقتباس المشاركة الأصلية كتبت بواسطة مخطط قطري مشاهدة المشاركة
    يليت الحكومه ممثله باداره المدارس الخاصه بوازره التعليم تكون اكثر حزما وصلابه وقوه في وجهه بعض المدارس الخاصه حتى يتمكن الطالب القطري وولي امره بالاحساس بانهم مواطنون لهم حقًوق في وطنهم...... نشرت هذا الموضوع حتى اعرف انا فقط من واجهه المشكله ام غيري،،
    باختصار سجلت ابني في احد المدارس الخاصه المشهوره في نهايه شهر 4 فيما يعرف بالتسجيل المبكر وتم سداد الرسوم والامور مشت بطريقه سلسه وتم تعليقه في قائمة الانتظار وسالتهم متى اعرف دور ابني عشان اذا ماله نصيب عندكم في عشرات المدارس غيركم ولكن انتم بنسبه لي الاخيار الاول قالت لي موظفه من الجنسيه المصريه (ماتئلئش ح يتسقل) طيب متى اراجعكم قالت يوم 21 الي هو اليوم رحت لهم اليوم قالت مع الاسف الاوراق ناقصه وماسجلناه قلت اي اوراق ناقصه ممكن اعرفها قالت شهاده الميلاد قلت كل شي عندكم وحتى لو ناقص شي في رقم تلفون اتصلو كل شي بجيبه لكم صارلكم 4 شهور ماقلتولي عنها المهم طلعت الاوراق كامله وقالت امافيش مقاعد قلت شلون انا مسجل تسجيل مبكر ودافع رسوم تحديد المستوى (ونجح في اختبار تحديد المستوى والمدرسه الي سوت له الاختبار تقول ماعمره مر على طفل ذكي مثله مادري عاد تسلك لي ولا تقوله حق اي حد المهم انه نجح واثنت عليه )واخر شي تقولين مافي مقاعد ممكن اعرف شلون اليه التسجيل ومن متى الناس تسجل عندكم لاني ماتوقع في حد قبلي سجل رحت للمديره وهي من الجنسيه اللبنانيه ونفسها في خشمها وماتشوف حد قالت اذا مب عاجبك النظام عندنا شوفلك مدرسه غيرنا قلت انتم خاضعين تحت قوانين حكوميه نفس مالكم حقوق عليكم واجبات هذا اجراء تعسفي غير مقبول احنا مش في مصر او لبنان احنا بقطر في اسلوب للتعامل في شي اسمه ذوق في الكلام وبعدين ليش ماقلتواً قبل انه احنا بيئة طارده للطلبه ومب مسجلين ولدك او نفس ماتفضلتي الحين تقولين لي شوف لك مدرسه خاصه غيرنا وانصدمت بل صعقت انه هذي تكلمني بالالاسلوب الغير محترم وقالت اشكره للسكرتيره محد يدخل علي وهملتنا ودشت مكتبها وسكرته وكل اولياء الامور الي قايلتهم في هالموقف وعددهم 4 كانو مستاءين تواصلت مع السيد حمد الغالي مدير المدارس الخاصه وقلت له الموضوع وقالي (بما معناه مايقدر يسوى شي ) العتب ع وزاره التعليم والشرهه عليها ولا الواجب اي مدرسه خاصه مديرها يوقف عند الباب في الشمس وياخذ مظله ويدخل الطالب القطري الصف عشان يحسب الف حساب للدوله الي عطته رخصه ع اراضي قطر يفتح مدرسه خاصه ولكن المدارس الخاصه شبعت و(.....) لشبع رفس ومب معتمدين ع الطلبه القطريين معتمدين ع الاجانب لانهم منهم وفيهم وهم كثر وشركات البترول وغيرها من الشركات الكبيره هي تدعمها والرخصه من الحكومه لها
    الحل لجنه مختصه تشوف اوضاع المدارس الخاصه المشهوره بقطر وعددها مايتجاوز اليد الوحده ويشوفون التجاوزات الي حاصله فيها
    فاصله اخيره : سمو الشيخه موزا بنت ناصر المسند حفظها الله اسست برنامج انساني مهم التعليم حق للجميع والمفروض اجباري نفس امريكا واوروبا وهنيه في قطر بعض اطفال قطر يتشحططون من مدرسه لين مدرسه التسجيل اغلق ولا مالك مقعد وفوق ذلك يصفق الباب بوجهك كانك جايه تتعلم بلاش مب بخشم الريال يليت من وزير التعليم وهو رجل اكاديمي ودكتور وفاهم في المجال التعليمي يامر بفتح تحقيق في هذي المسخره الي تصير في المدارس الخاصه من سالفه مقاعد ولعبه وخربطه
    ودمتم سالمين
    اطلع للوزير عدل,ايش تنطر للحين
    للأسف اهم قطاعين اللي هم التعليم و الصحة اصبحت تجارة رابحة
    اللهم لك الحمد كما ينبغى لجلال وجهك وعظيم سلطانك

  3. #3
    عضو مؤسس الصورة الرمزية مخطط قطري
    رقم العضوية
    34019
    تاريخ التسجيل
    Aug 2010
    المشاركات
    5,807
    بروح له وبروح الي اكبر من الوزير بس ماسعفني الوقت،، هذي المديره المتعجرفه لازم تصير عبره لغيرها وتحشم عمرها وتكلم بادب مع الناس وتقدر شعورهم ماعندنا اغلى من عيالنا وهذا احنا نخليهم بيد من يربيهم ويدرسهم لازم يكونون على اعلى معايير كفاءه وذرابه ولا تنقلع مكان ماجات منه واطلع عقدها النفسيه على ربعها
    بس قلت هل انا بس يعاني من هالمشكله ولا الكل عنده نفس الوضع ومتلعوز مع التسجيل لو هم قايلين لي هالكلام شهر 4 عادي مافتكرت فيهم طز فيهم وفي مدرستهم وفي تعليمهم بس الحين ابتلشت المدارس الي الي سمعتها قويه في الجانب الاكاديمي وتعليمهم قوي تسكر التسجيل اكيد لاني متاخر صرت والسبه هالمدرسه الفاشله اداريا وتربويا واخلاقيا ولكن ناجحه حدا في الجانب الاكاديمي والمقررات والستاف التعليمي وهذا الي خلاني احطها كخيار اول
    انا قطري ويحق لي لاتباهيت

    لي الشرف لو افتخرت بلادي

    اطرب بها ليمن نشدت وتغنيت

    يزهى بها شعري ويشفي مرادي



  4. #4
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    الحين اخوي لو قالوا لك المدرسة بنسجل ولدك، بتقبل!

    ولا تاخذ مخاسيرك ويعطونك توصية لمدرسة خاصة من الأربع اللي تبغيهم!

    ولا انت يهمك بالاضافة لما ذكرت لك ان المديرة تتعاقب؟

    تخيل معي لو كان رد الجهة اللي بتروح لها كان محايد، يعني لو قالوا لك وضع المدرسة واجراءاتها عندنا سليمة وانت من الاول وضعوك على قائمة الاحتياط؟

    من ناحية المديرة واللي معها بيقولون انك كنت متنرفز ورفعت صوتك و بيجذبون مب صعبة.

    اعذرني يا اخي مخطط، انا والله متعاطف وفي نفس الوقت ما اقدر افيدك لاني ما اعرف النظام عندك بس حبيت ارتب لك سيناريو معين (ممكن ما تواجهه) بس من باب الاستعداد

    اللهــــــم ارحم أخي فايز واسكنه فسيح جناتك وسائر أموات المسلمين

  5. #5
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    طول بالك يااخوي تصير وايد ..
    قبل سنه واحد من الاعضاء اللي معانا طلع عياله من خاص يبي يدخلهم حكومي ..
    وتخيل ماقبلوهم لان مافي مقاعد وهم قطرين ومدرستهم جنب بيتهم خمس دقايق..
    ولا خلوه يدخل عالادارة لانها مدرسه نموذجيه .. تمشكل معاهم ورجعهم الخاص مرة ثانيه ..
    يعني تصير وهذي مدرسه حكومية ماقبلت طلاب قطريين .. فالواحد شيقول ..

    فيمكن خيره انهم ماقبلوه .. لا تتذمر وتعب اعصابك . وايد عندنا مدارس زينه ..
    راجع قراراتك وربي يسهلها عليكم .. والله يوفقه في اي مدرسة يروحها ..
    تُنسى ، كأنَّكَ لم تَكُنْ ..

  6. #6
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    صراحة الموضوع يقهر جدا جدا و انا اشجعك انك ما تتهاون مع هذه المديرة و تجيب راسها الأرض طالما انه هذا تعاملها مع الناس ....للاسف احنا المجتمع اللي اعطينا قيمة لهذه المدارس الخاصة في قطر.... يعني حتى لو كانت مدرسة عالمية و مشهوره و كالعادة لها ميتين سنة تدرس لما تيجي قطر لازم تفهم هذه المدرسة و أي مدرسة انه ارثك و تاريخك العظيم اللي سويتيه خارج قطر لا يلزم أهلها انهم يحترمونك و يبجلونك حتى تثبتي مكانتك داخل قطر... تماما مثل ما انت تجيب موظف بدرجة علمية كبيره من الخارج... مب لازم تقدمله فروض الولاء و الطاعه حتى يثبت نفسه عندك

    أيضا اعذرني اني الومك انك حطيت نفسك في risk لما قبلت انك تكون على قائمة الانتظار.... انا ببداية شهر سبعة كنت ابي انقل على بيت جديد و لازم أأمن المدارس أولا و المدارس تقولي لحق حالك لانه اخر يوم تسجيل هو 04/07/2019...... او تعال ك risk في شهر ثمانية يعني بس تفتح المدارس.... اما اني اقع في المخاطرة و ممكن تمشي و اخذ البيت الجديد و اما انه اظل في بيتي القديم و اضل على المضمون...... ضليت وراء المدارس لحد ما وافقوا مشكورين و تعاونوا جدا معاي و بعدها نقلت يعني ما خليت السكينة على رقبتي و لا على قائمة الانتظار

    أتمنى تعطينا feedback ايش سويت لاحقا علشان نتعلم من تجربتك
    بالتوفيق ان شاء الله

  7. #7
    عضو مؤسس الصورة الرمزية مخطط قطري
    رقم العضوية
    34019
    تاريخ التسجيل
    Aug 2010
    المشاركات
    5,807
    اقتباس المشاركة الأصلية كتبت بواسطة سالم الزهران مشاهدة المشاركة
    الحين اخوي لو قالوا لك المدرسة بنسجل ولدك، بتقبل!

    ولا تاخذ مخاسيرك ويعطونك توصية لمدرسة خاصة من الأربع اللي تبغيهم!

    ولا انت يهمك بالاضافة لما ذكرت لك ان المديرة تتعاقب؟

    تخيل معي لو كان رد الجهة اللي بتروح لها كان محايد، يعني لو قالوا لك وضع المدرسة واجراءاتها عندنا سليمة وانت من الاول وضعوك على قائمة الاحتياط؟

    من ناحية المديرة واللي معها بيقولون انك كنت متنرفز ورفعت صوتك و بيجذبون مب صعبة.

    اعذرني يا اخي مخطط، انا والله متعاطف وفي نفس الوقت ما اقدر افيدك لاني ما اعرف النظام عندك بس حبيت ارتب لك سيناريو معين (ممكن ما تواجهه) بس من باب الاستعداد
    المهم عندي تسجيل ولدي وهي لازم تعرف انها في دوله محترمه ودوله قانون ولد البلد فيها معزز ومكرم دامه متقيد بالانظمه المعمول بها في الدوله ومنصفه له
    انا قطري ويحق لي لاتباهيت

    لي الشرف لو افتخرت بلادي

    اطرب بها ليمن نشدت وتغنيت

    يزهى بها شعري ويشفي مرادي



  8. #8
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    اقتباس المشاركة الأصلية كتبت بواسطة مخطط قطري مشاهدة المشاركة
    المهم عندي تسجيل ولدي وهي لازم تعرف انها في دوله محترمه ودوله قانون ولد البلد فيها معزز ومكرم دامه متقيد بالانظمه المعمول بها في الدوله ومنصفه له
    بالتوفيق و الله لا يضيع لك تعب..

    اللهــــــم ارحم أخي فايز واسكنه فسيح جناتك وسائر أموات المسلمين

  9. #9
    عضو مؤسس الصورة الرمزية مخطط قطري
    رقم العضوية
    34019
    تاريخ التسجيل
    Aug 2010
    المشاركات
    5,807
    اقتباس المشاركة الأصلية كتبت بواسطة sara jsm مشاهدة المشاركة
    طول بالك يااخوي تصير وايد ..
    قبل سنه واحد من الاعضاء اللي معانا طلع عياله من خاص يبي يدخلهم حكومي ..
    وتخيل ماقبلوهم لان مافي مقاعد وهم قطرين ومدرستهم جنب بيتهم خمس دقايق..
    ولا خلوه يدخل عالادارة لانها مدرسه نموذجيه .. تمشكل معاهم ورجعهم الخاص مرة ثانيه ..
    يعني تصير وهذي مدرسه حكومية ماقبلت طلاب قطريين .. فالواحد شيقول ..

    فيمكن خيره انهم ماقبلوه .. لا تتذمر وتعب اعصابك . وايد عندنا مدارس زينه ..
    راجع قراراتك وربي يسهلها عليكم .. والله يوفقه في اي مدرسة يروحها ..
    جزاج الله خير بس مطول بالي وموسع صدري لين اخر شي بس هالاسلوب ينرفز ويرفع الضغط زين مني مالبستها الكرسي الي قدامي وصحيح كلامك عندنا مدارس فوق الممتازه بس هذي اكاديميا وتعلميا شفت عيال ربعي فيها مستواهم ماشاءلله قوي ستاف المدرسين قوي وع مستوى وهذي اول مره بنفسي اسجل وشفت هالامور العجيبه
    انا قطري ويحق لي لاتباهيت

    لي الشرف لو افتخرت بلادي

    اطرب بها ليمن نشدت وتغنيت

    يزهى بها شعري ويشفي مرادي



  10. #10
    عضو مؤسس الصورة الرمزية مخطط قطري
    رقم العضوية
    34019
    تاريخ التسجيل
    Aug 2010
    المشاركات
    5,807
    اقتباس المشاركة الأصلية كتبت بواسطة سالم الزهران مشاهدة المشاركة
    بالتوفيق و الله لا يضيع لك تعب..
    جعلك حي وسالم
    انا قطري ويحق لي لاتباهيت

    لي الشرف لو افتخرت بلادي

    اطرب بها ليمن نشدت وتغنيت

    يزهى بها شعري ويشفي مرادي



صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •