توقعات الشهر ل سبتمبر 2019

[بوجبر]

سوقنا جمع 1000 نقطة في حدود شهر وتقول انخفاضات

من سهمين او ثلاثة ،،،البقية اترك لك التعليق

[Qtrـطر]

اليوم كسر دعم مهم جداً وأتوقع انه كسر وهمي اللي هو مستوى 10375 بفاصل خمس نقاط .!
نشوف بكره كيف بيكون التداول !
على العموم اتفق مع اخوي بو جبر انه اغلب الاسهم لا زالت تأسس قيعان والارتفاعات كانت من نصيب شركات المؤشر
هل سوف نرى خلال الست الشهور القادمة قمة تاريخية أخرى للمؤشر ؟

[star_71]

المنتدي بحاجه الي تحديث up date اين محللين الاسهم ثلات ايام مافيه تحليل ولا سهم ؟؟؟؟؟؟

[معماري قطري]

من سهمين او ثلاثة ،،،البقية اترك لك التعليق

لا أكثر يا اخوي صج الأغلبية ما زالت من منخفض لمنخفض لكن الشركات الناجحة واللي فيها خير غير

[بوجبر]

لا أكثر يا اخوي صج الأغلبية ما زالت من منخفض لمنخفض لكن الشركات الناجحة واللي فيها خير غير

بعد ماطارت لطيور بأرزاقها الان انا أعض أصابع الندم والحسرة

[معماري قطري]

بعد ماطارت لطيور بأرزاقها الان انا أعض أصابع الندم والحسرة

ما زال باقي وقت وخل تركيزك على الأسهم اللي توزع لو ما استفدت من ارتفاع السهم بتستفيد من التوزيع

كالعادة متوقع بعد اعلانات الربع الثالث يستوي نزول وهذا وقت الدخول لأصحاب السيولة لنهاية التوزيعات أو البيع قبلها والاستفادة من فارق السعر

[الجسراوي]

بسم الله الرحمن الرحيم

الحمدلله على كل حال ونعوذ بالله من حال اهل النار

يقال والعهده على الخبير السنه هاذي بيكون في صقيع غير متوقع في العالم ولهذا احتمال تصير كارثه زراعيه لبعض المحاصيل الرئيسيه يعني خزنوا التموين

يقال والعهده على المحاسب العالمي والذي يتصدر اسمه ي تحاليل برامج الاقتصاد الأمريكي يقول بانه 2020 سوف يكون دمار مالي لبعض الدول ومنها أمريكا وإعلان الإفلاس ل4 دول اوروبيه وطبعا هالشي بينقلب علينا خصوصوا عندنا ناس من صوت العطسه تتخرع وتبيع أسهمها

نصيحتي لمن شرا خارج وطنه ان يبيع قبل الانفلات الأمني للاقتصاد العالمي وخصوصا شركات التأمين والعقارات

ونصيحتي لكم هنا عندكم 3شهور قبل نهاية 2019 واحتمال الهوامير والمحافظ يرفعون السوق لاجل تعويض خسايرهم وأيضا للبيع قبل الازمة الاقتصاديه

نصيحتي خلكم واعيين وجاهزين للبيع في الارتفاعات الغير متوقعه ولا تطمع اخي تقول باجر بيرتفع اكثر القناعه كنز

الان ينزلون الأسواق العالميه كلها لكي يشتروا تحت من ثم يبيعون بعد الارتفاع

هذا رأيي واحتمالية أكون مخطأ

بس الحذر واجب يا اخوان

والله يوفق الجميع

والسلام عليكم ورحمة الله وبركاته

[معماري قطري]

يالجسراوي لك غيبة طويلة ولا تبين شكلك بعت يوم السوق 8000 وطلعت وتبينا نلحقك

لين جات الأزمة ونزل السوق بندخل براسمال اضافي جديد وقابعون قابعون .. شكثر صار لهم يقولون سوق أمريكا بيجني ربحه وبينزل وايد وكل ما لنا نشوفه مرتفع وايد .. نصيحة متسدئش المصريين ولا دول الحصار استووا مثل المصريين هذا اللي قال وصرح تحصله أُصوله أما حصاري أو مصري

[qatar 86]

انتوا للحين موجودين

من الاحد راح ارجع للسوق

العين على ( القابضة - المستثمرين - التكافلي )

وااحس اني اقرب للتكافلي

[رمــــــاح]

يالجسراوي لك غيبة طويلة ولا تبين شكلك بعت يوم السوق 8000 وطلعت وتبينا نلحقك

لين جات الأزمة ونزل السوق بندخل براسمال اضافي جديد وقابعون قابعون .. شكثر صار لهم يقولون سوق أمريكا بيجني ربحه وبينزل وايد وكل ما لنا نشوفه مرتفع وايد .. نصيحة متسدئش المصريين ولا دول الحصار استووا مثل المصريين هذا اللي قال وصرح تحصله أُصوله أما حصاري أو مصري

معك قلبا وقالب ورأيك يمثلني