توقعات الشهر ل سبتمبر 2019

[الطيف المهاجر]

اللهم يعوضك ويعوض كل مسلم الاجاره فخ طاحو فيه نص هل قطر وماينلامون هالشركه كانت توزع أرباح 3 ريال بالسهم وكان سعرها السوقي في الثلاثنيات ومشاريع قائمه أراضي الاجاره في لوسيل حول مليون متر مربع تم بيعها كلها ماخذينها بلاش من الدوله ويبعونها وارض في الصناعيه كبيره يوم كانت رخصه الليموزين موقفه هم خذوها وعقب كل هذا جمعو حول نص المليار من المساهمين عبر طرح اسهم بقيمه 29 ريال كل هذا شجع المستثمرين الدخول فيها يعني حتى الخبير في علم الاستثمار والمال لمن يقرا بيناتهم وارباحهم ودعم الدوله الا محدود لهم ومجلس الاداره يقول بدش فيها

الجميع ان شاء الله .. بارك الله فيك

[رحال]

اختلف وياك اخوي رحال الصبر أوقات يغرقك اكثر اذا ماتحركت انت سويت خطوه خطيره وفيها مغامره وافلحت وياك بدلت مراكز وهذي مب أي حد يتوفق فيها لانها ممكن تكون تخبط ينزل امسيعيد وترتفع الاجاره وتتحسف تقول يليتني بقيت ع سهمي لو فرضنا جدلا انك بقيت ع الاجاره هل بينفعك صبرك من 28 لين 6 ونص تكلم عن خساره فادحه تقريبا 80% من راس مالك يعني لو قاط مليون فيها اليوم عندك 200 الف فقط انا مثلك تماما شريت كميه كبيره فيها ب28 ع أساس سعر الاكتتاب كان 29 ويوم وصلت 11 عززت بكميه اكبر وعدلت السعر وسويت تخارج اجباري لاني احتجت الكاش ولا لو مب محتاجه ماصرفتهم وبقيت اليوم ع 6 ونص بس لي ثار عندهم ماخذته برجع اشتريه بس تحت 6

والله ياخوي جبر .. لام الله اللي لامك
الله يعوضكم اياها ان شاء الله بالصحة او بالعيال
حسبنا الله ونعم الوكيل

[الـمـرقاب]

اللهم يعوضك ويعوض كل مسلم الاجاره فخ طاحو فيه نص هل قطر وماينلامون هالشركه كانت توزع أرباح 3 ريال بالسهم وكان سعرها السوقي في الثلاثنيات ومشاريع قائمه أراضي الاجاره في لوسيل حول مليون متر مربع تم بيعها كلها ماخذينها بلاش من الدوله ويبعونها وارض في الصناعيه كبيره يوم كانت رخصه الليموزين موقفه هم خذوها وعقب كل هذا جمعو حول نص المليار من المساهمين عبر طرح اسهم بقيمه 29 ريال كل هذا شجع المستثمرين الدخول فيها يعني حتى الخبير في علم الاستثمار والمال لمن يقرا بيناتهم وارباحهم ودعم الدوله الا محدود لهم ومجلس الاداره يقول بدش فيها

المشكله لا حسيب ولا رقيب يحاسب الشركه على الأداء المزري خلال السنوات العجاف اللي راحت وراحت معاها فلوس الناس
والحين طلع لنا بنك قطر الاخير بمعضلته اللي اخسفت بالسهم لاسفل سافلين، وطبعا ماننسى الاسهم اللي اساسيا وضعها ممتاز
بس "مخرجينهم عاوزين كده" وكابسين عليها!!

[مضارب متفائل]

‏نقلاً عن المجموعة:
‏*ستحل مجموعة إزدان القابضة وشركة قطر لصناعة الألمنيوم محل بنك قطر الأول و المجموعة للرعاية الطبية في مؤشربورصة قطر*

[رحال]

من يوم ماتم تجزئة الاسهم وحالة السوق في ركود تااام

اهل الحل والعقد
اخوانا المحللين

في احد يفك لنا هل اللغز وين الغلط ...؟

[رحال]

اوجه رسالتي الى ادارة السوق
مع الشكر والتحية ،،
هل يعقل عشان اسحب اسهم عيالي اللي بالسوق
احتاج 5 ايام عمل ..؟؟؟

كبينتي بغيت اعمل لها صيانة اجهزها لموسم العنن
واقفه في الشمال 14 متر وسحبتها للعطية بالصناعية في ساعتين
معليش انا تفكيري على قدي 5 ايام عمل تسحبون اسهمي
وبالنهاية موضوع فك الاسهم يحتاج ضغطة زر بالكمبيوتر
و في ظل ركود هل السوق والتطور التكنولوجي .. ليش ..؟

عز يالجوازات والمرور ..
اللي على هل الضغط والطوابير ماتاخد دقايق امورك جاهزة

[بوفيصل68]

سؤال او استفسار
متى الترشح ل عضوية مجالس الادارات ( ناقلات - مصرف الريان ) لان اللي ملاحظه من بداية شهر 8/2019 والمطلعين شراء شبه يومي وهل هم يوم يشترون يعني يبون يترشحون مره ثانية او خلاص عندهم الاسهم الكافية للترشح ؟؟؟؟
ارجوا من الاداره يخلونا نشارك خافوا الله فينا كل ما نكتب ما نحصل مشاركتنا موجوده

[معماري قطري]

عزيتيله الي محفظته فيها الاجاره وازدان والاول والخليج الدوليه وفودافون

اف هذا انا وكلها خسرانة

بس الحمد لله عندي كم شركة رابحة خصوصاً الدولي وامسيعيد وودام

[معماري قطري]

اوجه رسالتي الى ادارة السوق
مع الشكر والتحية ،،
هل يعقل عشان اسحب اسهم عيالي اللي بالسوق
احتاج 5 ايام عمل ..؟؟؟

كبينتي بغيت اعمل لها صيانة اجهزها لموسم العنن
واقفه في الشمال 14 متر وسحبتها للعطية بالصناعية في ساعتين
معليش انا تفكيري على قدي 5 ايام عمل تسحبون اسهمي
وبالنهاية موضوع فك الاسهم يحتاج ضغطة زر بالكمبيوتر
و في ظل ركود هل السوق والتطور التكنولوجي .. ليش ..؟

عز يالجوازات والمرور ..
اللي على هل الضغط والطوابير ماتاخد دقايق امورك جاهزة

تفكيرك في محله هم اللي من العصور الوسطى .. الأسهم مخفية في لوح من الغرانيت ويكسرون بآلات الإنسان البدائي .. يشكرون على المجهود الجبار

[معماري قطري]

انا هالشهر متفائل بعد التشاؤم القوي شهر 8 ووصول السوق قريب ل 9500 وصل اعتقد 9600 وخردة .. أتوقع سوقنا يوقف على مشارف ال 11000 بس بعيدة عن بوزه يخترقها الا لو صارت تطورات سياسية ايجابية في الخليج ومع ايران