صفحة 2 من 6 الأولىالأولى 1234 ... الأخيرةالأخيرة
النتائج 11 إلى 20 من 60

الموضوع: محطات وقود لم توفي معايير السلامة حقها

  1. #11
    عضو الصورة الرمزية الاستاندر
    رقم العضوية
    18214
    تاريخ التسجيل
    Oct 2007
    المشاركات
    468
    زيادة المحطات حل مشكلة الحمد لله
    ولا قبل تاخذ لك ساعة عشان تعبي الحين الحمد لله ربع ساعه بس ههههههههههههههه
    ولا اذا اعلنوا البترول بيرتفع تحصل اخر يوم في الشهر الشوارع فاضية العالم كلها في وقود
    التعديل الأخير تم بواسطة الاستاندر ; 09-09-2019 الساعة 07:31 AM



    ...(( يارب اقبض روحي وانا ساجد في حرمك وارزقني رضى الوالدين اللهم رحمتك نرجوا اللهم اني اعوذ بك من النار اللهم انا نسألك الجنه ))...

  2. #12
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    في المحطات الكبيرة واللي فيها خط للسيارات الكبيرة الكلام صحيح لكن في المحطات الصغيرة وفي الفرجان للسيارات الصغيرة وواسعة ممكن حد يمر بين السيارات بشرط وقوف السيارات صح .. بعضهم يوقفون بعيد مترين عن الرصيف

    اللي سووها عندنا في الفريج متعة صب البترول منها حتى لو شوي زحمة

    أما عن شروط الأمان انا اشوفها صارمة وعالية لكن في بعضها تنظيم الدخول والخروج لكم عليه وهذي مشكلة ادارية أو تخطيطية للمداخل والمخارج

  3. #13
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    محطة وقود اللي عند السوق البلدي مدخلها مزعج جدا و ما يطل على الشارع الرئيسي وما تفهم ايش السبب....يمكن علشان بانيين السوبرماركت سدرة عند الشارع الرئيسي يعني ظهؤه للشارع الرئيسي و ليس العكس أي ليس من جهة البلدي

    ما علينا..... تروح الاشاره يمين و تلف و ترجع و تدخل من مدخل ضيق جدا يشارك فيه مرتادي البلدي و المحطه...

    المهم بعد ما تعبي بنزين و تبي تطلع ما تقدر تطلع بسهوله لازم تلف و ترجع تخرج من نفس مدخل وقود بس تكمل على طول......تخيل الزحمة في الدخول لتعبئة البنزين و في الخروج أيضا من نفس المدخل تقعد تحاشر اللي يبون يدخلون علشان تطلع على طول

    اللي صمم هذه المحطه لازم ينطخ بالنار ههههه

    انا أقول لو هالكلام بكوريا الشماليه....كان المصمم و المقاول اعدام هههههه

  4. #14
    عضو مميز
    رقم العضوية
    43576
    تاريخ التسجيل
    Aug 2012
    المشاركات
    2,433
    اقتباس المشاركة الأصلية كتبت بواسطة بوخالد911 مشاهدة المشاركة
    مشكلة خرائط وقود عبارة عن ( كوبي - بيست )

    مداخل ومخارج وقود هي العقبة الأكبر

    مثال : محطة وقود على طريق الوكرة - مسيعييد
    مسار واحد فقط !!!
    وأثناء موسم التخييم الزحمة تصل للشارع العام
    بالرغم من توفر مساحة فاضية غير مستغلة ؛ وبمكانهم جعل المسار مسارين
    ولكهنم حبا في التوفير !!!

    مشكلة أخرى عدد مضخات البترول يجب ألا تقل عن 9 لتخدم 18 سيارة بالاتجاهين ( يمين ويسار المضخة )
    انا ما ادري من المصمم يمكن فلبيني عنده سيارة صغيرة
    هنا سيارات تجر تيادر - كرفانات ايام المواسم - سكوترات - كروزرات - جماسي
    مب معقولة خط واحد للمدخل
    فرضا سيارة توقفت
    يمينك يسارك حديد وين الواحد بيروح !!

  5. #15
    عضو مميز
    رقم العضوية
    43576
    تاريخ التسجيل
    Aug 2012
    المشاركات
    2,433
    اقتباس المشاركة الأصلية كتبت بواسطة الاستاندر مشاهدة المشاركة
    زيادة المحطات حل مشكلة الحمد لله
    ولا قبل تاخذ لك ساعة عشان تعبي الحين الحمد لله ربع ساعه بس ههههههههههههههه
    ولا اذا اعلنوا البترول بيرتفع تحصل اخر يوم في الشهر الشوارع فاضية العالم كلها في وقود
    تحس بعض الناس مخترعين
    كانه بيصب لشهر نفس ما يشتري في الجمعية مقاضي حق شهر كامل !!

  6. #16
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    انا اقترح كل واحد منا يكتب مكان لمحطة وقود فيها مشكله في المدخل او المخرج مع اقتراح الحل لو امكن لتسليط الضوء على الخلل.... لاني اشوف انه هالمشكله موجوده في كثير من محطات وقود يعني مب غلطة و الا غلطتين و محطات وقود في مزيد من الانتشار يعني نفس المصمم العبقري مازال موجود ما انطخ للحين مثل ما اقترحت بالاعلى ههههه فلازم نفهمه غلطه على الأقل علشان هو مستمر في تعذيب البشريه بتصميماته العبقرية

  7. #17
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    اقتباس المشاركة الأصلية كتبت بواسطة معماري قطري مشاهدة المشاركة
    في المحطات الكبيرة واللي فيها خط للسيارات الكبيرة الكلام صحيح لكن في المحطات الصغيرة وفي الفرجان للسيارات الصغيرة وواسعة ممكن حد يمر بين السيارات بشرط وقوف السيارات صح .. بعضهم يوقفون بعيد مترين عن الرصيف

    اللي سووها عندنا في الفريج متعة صب البترول منها حتى لو شوي زحمة

    أما عن شروط الأمان انا اشوفها صارمة وعالية لكن في بعضها تنظيم الدخول والخروج لكم عليه وهذي مشكلة ادارية أو تخطيطية للمداخل والمخارج
    مساكم بالخير

    بختلف معاك معماري

    و الي بقوله رأي شخصي و اتمنى يوسع صدر وقود للتعليق

    سلندرات الغاز مصفوفه ع قواعد وبعضها بقفص حديد لكن معرضه ان حد يصطدم فيها ما في اعمده حمايه حولها مثل مضخه البترول

    من سنين حرموا موزعي الغاز من توزيعها بالسوبرماركت و الهايبر ماركت بحجه السلامه و سكرت محلات ناس كانت تترزق منها لهسبب

    الحين وقود توزعها عليهم مثل هايبرماركت دوار كنتاكي في الخريطيات. ليش وين موضوع السلامه. و حاطين مكان السلندرات جدام مدخل الهايبر. واذا دريول لاي سبب فقد التحكم و صدمها. كم سلندر بيتطرقع

    هذا غير ان بعض السلندرات تسرب و انا مرجع واحد ما يطلع غاز. و واحد يسرب من الصمام المثبت مش التركيب

    عمليه الزحام و اقدر اقول برأيي ان المسارات ما تساعد على التنظيم الصحيح
    لو حصل حادث كم الاضرار مع تكدس السيارات بهالشكل وطبعا السائقين مش مدربين للتصرف في الحالات و لا العماله بالمحطات اذا ما خاب ظني

    وقود عندها اداره للسلامه لكن هل تتابع كل الامور ولا بس المضخات
    لان عند صيانه الاناره بالمحطه اشوف عاملين بسقالات ارتفاعها ما يتناسب مع عرض السقاله وهذه لها ستاندر
    يعني ما يصير عرض مترين في متر و ارتفاعها فوق سته متر

    لا و لها تواير مش قاعده حديد

    هل حد فيكم شاف شي اسمه سبل كت عده تنظيف اي تسرب للبترول اذا انسكب
    الخميس شفت عمال وقود ينظفون بقعه و راشين عليها ماي و يخمونها لين فتحه الصرف
    هل الصرف الصحي يعاد تدويره او يروح بشبكه الصرف العموميه
    التنظيف حصل بمحطه جديده و كبيره بين الوسيل و الخيسه بالطريق الجديد

    خلصنا هالنقاط. تعال لي بالخدمات

    خدمات اغلى من الوكالات ليش
    زيت الجمس بالوكاله 228 بوقود 286
    تورنا 400 ريال غير تبديل السفايف

    ترى التيسير ارخص وين المنافسه عيل

    كم شخص سمعتوه عانى من مكينه الموتر بسبب الزيوت بوقود. هل حد حقق بالموضوع

    حد يعرف كم سعر خدمه التقريز يعني يحطون لك قريز باذرع السكان و الكرونه الخ

    كم مره اسويها لكذا موتر ويقول عطني الي تبي. ليش وين قائمه الاسعار

    اخر شي

    ليش ما يسمحون لوكالات السيارات تفتح فروعها ببعض المحطات الكبيره حالهم حال المحطات الخاصه هل هو المنافسه لقسم الصيانه عندهم ولا لان الوكالات بعض خدماتها ارخص من وقود


    مجرد رأي ابيه يوصل لوقود و بعد نشكرهم على التطور السريع و توفير خدمات مثل المغاسل و سدره بطريقه احترافيه

  8. #18
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    كلامك مقنع بو عبدالله خصوصاً مسئلة السلندرات ( بو جاكيت حمر سهل تحرق قطر )

    لازم مكان مؤمن ومخزن فيه جهاز كشف التسرب والكهرباء بدون شرارة

  9. #19
    تميم المجد
    رقم العضوية
    1104
    تاريخ التسجيل
    Mar 2005
    المشاركات
    5,623
    السلندرات مصممة ضد الانفجار لذلك ان شالله مافي خطورة من وجودها في المحلات او وقود.. الاسعار اغلى في وقود رغم انها شركة حكومية ومحتكرة لتوزيع الوقود .. نرجع لمواقع المحطات ومداخلها..تتميز وقود بشي ماشفته في اي محطة بترول في اي مكان الا وهو تواجدها في الشوارع الخلفية و المناطق السكنية والمدارس كأنهم يبون يوفرون في قيمة الارض.. في الدائري السادس وفي ام غويلينة مثلا المحطة موجودة في الصف الثاني من الاراضي.. في الثمامة محطة جديدة لاصقة في جمعية وسط الفريج .. شارع المرخية المحطة لاصقة في روضة اطفال

  10. #20
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    عفوا اخوي. السلندرات مصممه بمعايير سلامه نعم لكن هل هي محميه من الاصطدام

    يعني ما تنفجر او تسرب غاز اذا صدمها سائق امام السوبر ماركت او الهايبر ماركت او داخل محطات وقود عند الرصيف طوالي

    ما ابي اولع الموضوع زياده ولا عادي بصور كم محطه فيها سلندرات و مكانها بدون اعمده خرسانيه كحمايه من اصطدام السيارات لو احد فقد التحكم خصوصا الهنود و البنات

صفحة 2 من 6 الأولىالأولى 1234 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •