صفحة 2 من 2 الأولىالأولى 12
النتائج 11 إلى 17 من 17

الموضوع: شركه قياس مستوي المياه الجوفية وتحليل

  1. #11
    عضو
    رقم العضوية
    41517
    تاريخ التسجيل
    Jan 2012
    المشاركات
    171
    اقتباس المشاركة الأصلية كتبت بواسطة بن غيث مشاهدة المشاركة
    كنت بقول التيسير .. لكن الشباب اسبقوني جزاهم الله خير .
    بالنسبة للحفر ؛ خذ اسعار عدة مقاولين وكلمني على الخاص وان شاء الله اجيبلك اقل سعر في السوق

    ان شاءالله ناطر المخطط ياخد موافقه اتوقع خلال اسبوع ان شاءالله بتواصل معك اول ماستلمه

  2. #12
    عضو نشط
    رقم العضوية
    28694
    تاريخ التسجيل
    Oct 2009
    الدولة
    QATAR
    المشاركات
    735
    الصراحه الدوله في بعض الاموار مقصره ما ادري هل هذا جهل في الاموار هذي او لا.

    المفروض ان دور البلدية هنا هي من تقوم في دراسة الارض ولاتخلي مثلا المكاتب هي الي قاعدة تشتغل علينا بيزنس في الاموار هذي.
    تحط مثلا في موقعها ويكون ابديت اول باول عن المناطق ومقسمة بلديات يا اخي الناس والعالم تطورت وحنا مكانك سر.
    قبل يمكن معروفه مناطق بالاسم انه فيه مياه جوفيه لكن حاليا من بدا حفر الريل في قطر والبنية التحتيه اختلفت كليا في قطر الاماكن الي مافيها تجمع مياه وصلبه وحصا وبعيدة حتى من البحر طلع فيها ماء والعكس صحيح.

  3. #13
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    35,730
    اقتباس المشاركة الأصلية كتبت بواسطة ابراهيم 2012 مشاهدة المشاركة
    مشكور اخ معماري الاستشاري أموري معه تمام لانه مكتبنا وهو الي بيشرف وهو الي طلب قياس مستوي الماي مع التحليل البسمنت عندي مساحته بتكون 315 متر
    الله يوفقك .. قال لي استشاري فيه مواد جديدة في السوق لعزل البيسمنت تعمر طول العمر .. ولقياس مستوى المياه الجوفية والمصطلح خطأ هي المياه الضحلة أي استشاري شغال يعرف أرقامهم ويتفق بكل سهولة أو يسهل لك الاتفاق وحتى هو يطلب كم حفرة مخبرية يحتاج ولأي عمق لأن على أساسها يسعر لك المختبر .. ولو تبي قوة التربة يحددها لك حسب كل عمق

    والشيء الأهم لا تامن للمياه الضحلة الجوفية هذي ترتفع وتنزل حسب عوامل كثيرة ومب ثابتة .. أحد الإخوان بنى عمارة وهو دوم يوثق في نفسه وهو المقاول والمهندس والمالك .. يقول يوم حفر ما طلع ماي ألحين البيسمنت يطلع منه ماي بغزارة وهذي الأيام

    ثاني قال بيبني في معيذر قرب نادي معيذر وكنت دوم امر هناك في طريقي للسيلية أيام الشغل .. قلت له أرضك على حزم وما منها خوف لو سويت بيسمنت .. المشكلة باني ست فلل كبار مقسمة لشقق واعتقد 4 طلع في البيسمنت ماي بعد ما خلص بنيان

    أرض وراء أول سوق قرب تقاطع الغانم الجديد محفورة ومستوية بركة ماء أي حد يبي يمر يشوفها يقدر يشوف بعينه .. كانت النية بناء مول مكانها وسنين وهم يشفطون مياه كثيرة وتطلع غيرها .. الأرض في مدخل عين خالد والواحد بيطلع متجه شمال تكون على يمينه مسورة بحواجز حديد للبناء بس يبين من وراها الماي وحطيت لها صورة جوية قبل

    القصد أي حد بيسوي بيسمنت لازم ياخذ احتياطه للمياه بما يسمى الفرنش درينيج والعزل الجيد حتى لو الأرض ناشفة .. ذكر لي أحد الإخوان إنه بعد الحفر يخف الضغط وترتفع المياه تلقائياً والظاهر كلامه صحيح

  4. #14
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    35,730
    اقتباس المشاركة الأصلية كتبت بواسطة ALJokar مشاهدة المشاركة
    الصراحه الدوله في بعض الاموار مقصره ما ادري هل هذا جهل في الاموار هذي او لا.

    المفروض ان دور البلدية هنا هي من تقوم في دراسة الارض ولاتخلي مثلا المكاتب هي الي قاعدة تشتغل علينا بيزنس في الاموار هذي.
    تحط مثلا في موقعها ويكون ابديت اول باول عن المناطق ومقسمة بلديات يا اخي الناس والعالم تطورت وحنا مكانك سر.
    قبل يمكن معروفه مناطق بالاسم انه فيه مياه جوفيه لكن حاليا من بدا حفر الريل في قطر والبنية التحتيه اختلفت كليا في قطر الاماكن الي مافيها تجمع مياه وصلبه وحصا وبعيدة حتى من البحر طلع فيها ماء والعكس صحيح.
    صادق .. أقلها معلومات محدثة ومنشورة يسترشد بها أي واحد .. لأن أرض قطر تقريباً وحدة .. بس الحفر أوقات يطلع لك فجوات أو تربة ضعيفة أو طينية والحفر يكون بمثل الدريل الدوار يوصل أعماق كبيرة بسرعة ويشيل عينات مخبرية .. المشكلة التكلفة للمعدات كبيرة والتقنيين اللي يشتغلون عليها ويسوون الحسابات رواتبهم عالية

    معرفة قوة التربة أهم ونوعيتها .. إذا كانت مثلاً قوتها فوق 6 كيلونيوتن في المتر المربع نقدر نصمم أساساتنا على 5.5 وتكون كافية .. اللي يصير عندنا هم يفترضون 3 كرقم تصميمي ويحتدون يسوون القواعد ضعف المساحة وتستوي تكلفة القواعد الضعف .. أعتقد الجامعة عندها مختبر وناس خبرة في هذي الأُمور

  5. #15
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    35,730
    اقتباس المشاركة الأصلية كتبت بواسطة ابراهيم 2012 مشاهدة المشاركة
    اخ سعود الأرض بالمناصير وقبل ماخدها من سنه تواصلت مع مهندس بالبلديه وعلمني ان فيه شبكه سحب مياه جوفيه للمناصير وحولها شغالين عليها وبتخلص خلال سنتين معناه سنه وتشتغل وهاي السبب اني خدت بالمناصير
    لتصدق مهندسين البلدية ولا أشغال تصريحاتهم شيء ووقت الصج غير

    من 2009 كانوا يقولون فيه مشروع ضخم لتصريف المياه الضحلة مع مياه الأمطار والحفار يشتغل فيه على عمق من 15 متر ويزيد مع الطول لأن مسوين ميلان حتى يمشي الماي بالجاذبية ويوصل العمق لفوق 30 متر وهذا النفق عرضه ست أمتار من عين خالد مار بمناطق كثيرة ونازله فيه قنوات تصريف لين يوصل جنوبي مطار حمد الدولي ويصب هناك ومتوقعين يخلص 2013

    صارت مشاكل مياه كثيرة للمنطقة في سنوات كثيرة بعد هذا التاريخ ولا شفنا شيء وما عندهم الا الدناكر

  6. #16
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    35,730
    انا أذكر المشروع هذا لأن كنت انسق بخصوص ارض تابعة لجهة عملي والمشروع بيمر تحت طرفها وهم بس يعطونا خبر بهذا الخصوص

  7. #17
    عضو
    رقم العضوية
    41517
    تاريخ التسجيل
    Jan 2012
    المشاركات
    171
    اتوقع صادقين هاي المره لان فيه ارض كبيررره خلف محطه بترول المناصير كانت مزرعه قبل الماي يبين قريب من سطح الأرض وراعيها اتوقع هو السبب ان المشروع تنفذ وقرب ينتهي

صفحة 2 من 2 الأولىالأولى 12

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •