الإخوه بغيت رقم تليفون شركه تسوي فحص الأرض لمعرفه عمق المياه الجوفية وتحليلها ولو بعد مقاول هدم وحفر
|
الإخوه بغيت رقم تليفون شركه تسوي فحص الأرض لمعرفه عمق المياه الجوفية وتحليلها ولو بعد مقاول هدم وحفر
أذكر مختبرات الخليج ومختبر التيسير حاول تشوفهم في الدليل أو اسئل في التخطيط أكيد عندهم لستة وقبل تعاونت مع مكتب إنجليزي فيه رجال شيبة بس اعتقد سكر كان قريب محطة عزيز
بالنسبة للمياه الجوفية لا تصدق أي مكتب ولازم تسوي تصريف احتياطي يسمى بالفرنش درينيج سيستم يعرفونه الاستشاريين الجيدين .. تكلمت عنه اليوم مع استشاري وسيده عرفه وقال ضروري وقال فيه مواد جديدة بنوصفها لعزل الجدران تعيش بعمر البنيان
مشكور اخ معماري الاستشاري أموري معه تمام لانه مكتبنا وهو الي بيشرف وهو الي طلب قياس مستوي الماي مع التحليل البسمنت عندي مساحته بتكون 315 مترالمشاركة الأصلية كتبت بواسطة معماري قطري
الله يوفقك .. قال لي استشاري فيه مواد جديدة في السوق لعزل البيسمنت تعمر طول العمر .. ولقياس مستوى المياه الجوفية والمصطلح خطأ هي المياه الضحلة أي استشاري شغال يعرف أرقامهم ويتفق بكل سهولة أو يسهل لك الاتفاق وحتى هو يطلب كم حفرة مخبرية يحتاج ولأي عمق لأن على أساسها يسعر لك المختبر .. ولو تبي قوة التربة يحددها لك حسب كل عمق
والشيء الأهم لا تامن للمياه الضحلة الجوفية هذي ترتفع وتنزل حسب عوامل كثيرة ومب ثابتة .. أحد الإخوان بنى عمارة وهو دوم يوثق في نفسه وهو المقاول والمهندس والمالك .. يقول يوم حفر ما طلع ماي ألحين البيسمنت يطلع منه ماي بغزارة وهذي الأيام
ثاني قال بيبني في معيذر قرب نادي معيذر وكنت دوم امر هناك في طريقي للسيلية أيام الشغل .. قلت له أرضك على حزم وما منها خوف لو سويت بيسمنت .. المشكلة باني ست فلل كبار مقسمة لشقق واعتقد 4 طلع في البيسمنت ماي بعد ما خلص بنيان
أرض وراء أول سوق قرب تقاطع الغانم الجديد محفورة ومستوية بركة ماء أي حد يبي يمر يشوفها يقدر يشوف بعينه .. كانت النية بناء مول مكانها وسنين وهم يشفطون مياه كثيرة وتطلع غيرها .. الأرض في مدخل عين خالد والواحد بيطلع متجه شمال تكون على يمينه مسورة بحواجز حديد للبناء بس يبين من وراها الماي وحطيت لها صورة جوية قبل
القصد أي حد بيسوي بيسمنت لازم ياخذ احتياطه للمياه بما يسمى الفرنش درينيج والعزل الجيد حتى لو الأرض ناشفة .. ذكر لي أحد الإخوان إنه بعد الحفر يخف الضغط وترتفع المياه تلقائياً والظاهر كلامه صحيح
فيه مناطق معروفه بقرب المياة الجوفيه والعكس صحيح
وحلو بعد لو تشوف مكتب .
بس وين المنطقة خن نشوف
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
اخ سعود الأرض بالمناصير وقبل ماخدها من سنه تواصلت مع مهندس بالبلديه وعلمني ان فيه شبكه سحب مياه جوفيه للمناصير وحولها شغالين عليها وبتخلص خلال سنتين معناه سنه وتشتغل وهاي السبب اني خدت بالمناصيرفيه مناطق معروفه بقرب المياة الجوفيه والعكس صحيح
وحلو بعد لو تشوف مكتب .
بس وين المنطقة خن نشوف
حلو شغلك عدل . ركز على العزل الخارجي للجدران واسفل ارضية القبو*.
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
ان شاءالله
لتصدق مهندسين البلدية ولا أشغال تصريحاتهم شيء ووقت الصج غير
من 2009 كانوا يقولون فيه مشروع ضخم لتصريف المياه الضحلة مع مياه الأمطار والحفار يشتغل فيه على عمق من 15 متر ويزيد مع الطول لأن مسوين ميلان حتى يمشي الماي بالجاذبية ويوصل العمق لفوق 30 متر وهذا النفق عرضه ست أمتار من عين خالد مار بمناطق كثيرة ونازله فيه قنوات تصريف لين يوصل جنوبي مطار حمد الدولي ويصب هناك ومتوقعين يخلص 2013
صارت مشاكل مياه كثيرة للمنطقة في سنوات كثيرة بعد هذا التاريخ ولا شفنا شيء وما عندهم الا الدناكر
تفضل اخوي التيسير م. محمود 55531913/55352914 مختبرات قطر الصناعية م. اتول 55279618 تعاملت معاهم من خلال موضوعين مختلفين وتعاملهم طيب جدا ... فالك التوفيق ياخوي
ضوابط المشاركة
رد مع اقتباس