في زحمة "الأصنصير"!!... اوصف لنا حالتك؛) ..؟؟

[عابر سبيل]

احيانا يعم الهدوء في الاصنصير و احيانا يولع بالسوالف

مره ركبت من الدور 20
و وقف في 19
و ركب معانا اخ سوداني

و ضغت على الدور 18 ههههه
عاد انا ما اسكت

قلت له من صجك ينزل دور

ياخي حرك رجلك و العب رياضه وانت نازل دور واحد بس

بعدين لا تزعلون اذا قلنا السودانيين كسالى ههههه

عاد انحرج وقال ما فكرت فيها و من هالسوالف. والي معانا يضحكون و الامور طيبه

انا احب اختلط بالناس و بسرعه ينجذبون للحديث

مرات اركب اصنصير والقى شخصيات معروفه
الدكتور الكواري مدير المقاييس و يدور حوار عن منع البالون و رفع معايير اجهزه المكيفات الخ

و شخصيات عامه كثير يركبون الاصنصير من وكيل وزاره لين دكتور بحمد لين مسؤول امني الخ

و فتح السوالف ببيزه
صحيح المده ثواني او دقائق بحسب الانتظار للاصنصير او فتره الطلعه او النزله

لكن ممتعه و التعرف على الاشخاص يحصل خصوصا اذا صادف لقائهم عده مرات حتى لو في الاصنصيد ههه

استراتيجية فتح الحوار احيانا استخدمها اذا كانت الظروف تسمح
لانه المشكله ياخوي بو عبدالله ..هي في اشغال الخواطر!!

فالخاطر/القلب..ينشغل في هالحاله اما بما يشاهد او يسمع!!

واعتقد انه مع كون الهدوء مطلوب اكثر لعدم ازعاج البقيه..
لكن فيه احيانا و مع كثرة الزحام ..راحه لو تحدث البعض
بشكل لطيف/خفيف يخفف الجو/الريبه..سواء عليه او على البقيه..

اما فتح حوارات قضايا عامه او حتى غشمره خاصه..
فانا ارجح انها -تماما كمن يتحدث بالجوال-
قد تزعج بقية الركاب الذين لهم حق لو
ما تأملنا عميقا المسألة!!

فكما اننا نحب ان نرتاح في مشوار استخدام الاصنصير
و ان لا يزعجنا شيء/احد..
لا بد ان يتحلى احدنا كذلك بتذكرر
الهدي النبوي باعطاء الطريق "حقه"
ان صح التشبيه !!

[ابو عبدالله.]

ايضا وجهه نظر ومش كل حزه نفتح سوالف

[Flowers]

انا دوامي ببرج من هالابراج العاليه عالكورنيش والمصعد ياخذ دقيقتين من وقتي كل يوم، الجوال للاسف مايشتغل بالمصعد وإلا كنت لهيت نفسي فيه لاني انحرج وانا واقفه مع العالم بزحمة المصعد ومااحب اتكلم مع احد

[عابر سبيل]

صعبة حالتي فجأة اختلف لوني وزادت حيرتي

من أيام اشوف مكتوب داخل المصعد عدد 20 شخص .. حاولت اوزعهم توزيع منطقي طلعوا كل واحد كرشته في كرشة الثاني لو لهم كروش

عندي اقتراح ممكن يكون عملي للوقوف وعدم مضايقة الآخرين وكذلك ليكون تنظيم للدخول والخروج بسهولة .. ليش ما يتم لصق خطوط شبكية تقسم المساحة الداخلية لمستطيلات يقف فيها كل شخص ويتم ترقيمها حتى ينعرف فعلياً كم العدد المناسب لهذا المصعد حسب مساحته

بعدين ملاحظ إن الكثيرين من يوقف المصعد يدرعمون ولا يخلون اللي بينزلون ينزلون قبل وهذي آداب عامة لإستعمال المصعد وكذلك ابقاءه مفتوح لو حد جاي وراك

بوعبدالله انت اللي صايد السالفة مرتين

اهمها يمكن هذي اللي بالاحمر اعلاه..
طبعا احنا اغلب ان لم يكن كل الاداب العامه
نقلد فيها من سبقونا من اباء و امهات او
بشيء من التلقين في مراحل التعليم..

الحين يابوعبدالله
اللي مثلي و مثلك ..ولا بقصور بالشباب
و الشابات اللي معانا ف النقاش/اثراءا و قراءه..

فلا ابوي و لا ابوك(الله يرحمهم)
اركبو لنجات بالاصنصيرات يوم الغوص
و لا عرفو الاصنصيرات الا (الله يغفر لهم) لما دشو المستشفيات..

فمن وين مجتمع مثل مجتمعنا بيكون فيه
"تقاليد" و اداب و اعرافعامه
متعلقه بالمصاعد/الاصنصيرات

اذا ما استحدثناها/ابتدعناها..
و تكلمنا حولها في مجالسنا/منتدياتنا...الخ الخ
و سعينا لتطبيقها كافراد و جماعات!

ننطر -مثلا- الدلال ترامب
يبيع علينا تعليمات و اداب الاصنصير..
عمولته بتكون اغلى علينا من هالكلمتين!

[عابر سبيل]

فكرة المربعات وترقيمها لتسهيل ملء الفراغ والواحد يحاول يلزم نفسه بشغل مربع بعيد حتى يترك مجال للداخلين وراه .. أوقات تفكر تدخل مصعد تحصل ثلاثة سادين الباب ووراهم فراغ كبير يكفي قد عدد من هم في المصعد .. القصد الترتيب والبعد عن الأنانية

اعجبتي جدا هالفكره و هي سهلة التطبيق
و ممكن الزام المباني العامه لاتخاذها و بابسط الطرق
و اقل التكاليق و حتى اجمل الادوات!!

لو تكون ارضيات المصاعد مثل
لوحة الشطرنج (مربعات بلونين)!!

سواء ارضية المصعد بمواد غالية/عالية الجودة (رخام)
او سيراميك/بورسلان
او اي من المواد التي يحبذ اصحاب المباني
وضعها في ارضيات المصاعد..

فهذي فعلا بتساعد جدا -مع التثقيف- انه في حال امتلاء
المصعد بالركاب كل منهم يحاول يوقف على احد هالمربعات..
و بذلك تستوي صفوفهم و لا تتدافع/تتلاصق الاجسام
ببعضها!!


و اترك لك يا خبيرنا المعماري وضع المقاييس المعقوله
لحجم البلاطه (15 سم * 15 سم) و لا متر في متر..

على حسب وين يكون الاصنصير..
مكان فيه هوامير
اكيد تحتاج مساحات شاسعه لتسع احجامها
و مكان فيه زمارير
فما تحتاج الا شبر في شبر!

[sara jsm]

لو تكون ارضيات المصاعد مثل
لوحة الشطرنج (مربعات بلونين)!!
فهذي فعلا بتساعد جدا -مع التثقيف- انه في حال امتلاء
المصعد بالركاب كل منهم يحاول يوقف على احد هالمربعات..
و بذلك تستوي صفوفهم و لا تتدافع/تتلاصق الاجسام
ببعضها!!
!

لا طبعا .. يمكن في اشخاص يحتاجون مربعين ونص ..
ليش الاحراج .. الفكرة مب حلوة

[مهرة]

..

ملخص الموضوع،، الوضع غلقه كتمه غبنه تشهد

مستحيل ادخل الاصنصير اكثر من 3 أشخاص و (أعرفهم)

والي جرب اصنصيرات مكه يعرف ويش اقصد!!

بالبتيشن>>> خفقان + فوبيا أماكن مغلقه = النتيجة!!!!!


لي عوده ان شاءالله..

[فيصل99]

ههههه
اطالع الباب او الرقم وين واصل اي دور
احيانا الاحساس مب شي

[مهرة]

لا طبعا .. يمكن في اشخاص يحتاجون مربعين ونص ..
ليش الاحراج .. الفكرة مب حلوة

بالعكس حلوه ويعذروني الكل يسوون اصنصيرات كلن وحجمه.!
وأتمنى اخوي معماري ان شاءالله لي مسك مشروع كبير يسوي لنا اصنصير وردي
يعني اذا 6 اصنصيرات واحد منهم وردي وطبعا حجم معين الي يستخدمونه عشان كمية الأكسجين بارك الله فيكم.!

[مهرة]

^^

بالنسبة حق الي يقولون نطالع ونباوع وندقق ونحدد ماشاءالله عليكم (ماذا أقول)..!
اجل يسوون اصنصير للوييرد والكرنج داشين MRI تخطيط رنين مغناطيسي
مش اصنصير.!!


فيه شخص مزعج دايما تلاقونه بوحده من هالمصاعد وإلا ماصادفتوه:
الي يتكلم بصوت عالي سواء مع حد عادة يصفق له او بالتلفون يتكلم بصوت
مزعج ومن وسط صالة بيتهم وكأنه بروحه في المصعد غير انه يلتفت ع المنظره
ويعدل هندامه وحال لسانه يقول (شوفوني) مستفز ..