صفحة 1 من 3 123 الأخيرةالأخيرة
النتائج 1 إلى 10 من 21

الموضوع: المحلات الي تسوي تان تنشر اعلانات كاذبه !

  1. #1
    عضو
    رقم العضوية
    55532
    تاريخ التسجيل
    Aug 2019
    المشاركات
    4

    Angry المحلات الي تسوي تان تنشر اعلانات كاذبه !

    السلام عليكم

    واحد من مشاهير السوشل ميديا القطريين مسوي اعلان حق محل تان ، المشكلة بالموضوع بان راعي المحل طلع وتكلم وقعد يكذب ويقول بان هذي الاجهزه مفيده وفيتامينات وعلاج ومن هالكلام !!

    وكل الدراسات اثبتت بان هذي الاجهزه تسبب melanoma وهو اخطر نوع من سرطان الجلد ، والاشعة الي تطلع منها اقوى من اشعة الشمس ب١٢ ضعف !

    وقبل كم سنه كنت في امريكا ورحت اسوي تان (للاسف) والعجيب بانهم حاطين لافته بالمحل وكاتبين بان استخدام هذي الاجهزه يرفع من نسبة اصابتك بالسرطان ( مثل الزقاير يعني ) يعني القانون عندهم يلزمهم بانهم يذكرون هذا الشي ! المصيبه ان عندنا القانون مخليهم على راحتهم وفوق هذا يكذبون على الناس !

    وللاسف الشخص المشهور الي مسوي لهم الاعلان ماتهمه صحة الناس ؟ يعني ادفع لي وبمدح فيك لين باجر ؟!

    والله فيه يهال اعمارهم ماوصلت ١٨ مايفهمون بهالسوالف ويصدقون الي يشوفونه ويمشون مع موضة التان ولا يدرون عن مخاطرها ، اتمنى وضع عقوبات صارمة واقتراح بان كل من يبغي يسوي تان لازم المحل يخليه يوقع على ورقه ويكون مكتوب فيها بان الشخص واعي بان هذي الاجهزه ممكن تكون سبب في اصابته بالسرطان .

  2. #2
    عضو مؤسس
    رقم العضوية
    11608
    تاريخ التسجيل
    Oct 2006
    المشاركات
    5,080
    يسبب سرطان الجلد ويضرب جهاز المناعه ،،

  3. #3
    تميم المجد الصورة الرمزية @north_star@
    رقم العضوية
    23277
    تاريخ التسجيل
    Nov 2008
    الدولة
    AnY WhErE
    المشاركات
    13,961
    المفروض اي اعلان من هالنوع ما يسوونه الا بعد أخذ موافقة الجهات المختصة لأنه صحة وأرواح الناس مب لعبة
    اللهم صل وسلم وبارك على سيدنا محمد




    رحلتي الى تركيا 2014

    http://www.qatarshares.com/vb/showth...%ED%C7-2014-))

    تقرير مصور عن سفرتي لمدينة بالتيمور بالولايات المتحدة الامريكية
    http://www.qatarshares.com/vb/showthread.php?t=541296

  4. #4
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    المعلن ماله ذنب ..
    وزارة التجارة والاقتصاد وينهم !!!؟ اشلون يعطون تراخيص لمحلات مثل ذي !!؟
    وين وزارة الصحة !!؟
    اقل شي يكتبون ان هالاجهزة او المنتج ممكن انه يسبب سرطان للجلد .. حالة حال الزقاير ..
    تُنسى ، كأنَّكَ لم تَكُنْ ..

  5. #5
    تميم المجد الصورة الرمزية بوخالد911
    رقم العضوية
    5855
    تاريخ التسجيل
    Jan 2006
    الدولة
    QTR
    المشاركات
    46,956
    الفلوس عمت النفووووووس




    ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
    [/COLOR]

    سفرتي الى سنغافورة + استراليا + بانكوك 2008


    سفرتي الى بانكوك مارس 2009

  6. #6
    تميم المجد الصورة الرمزية qatari911
    رقم العضوية
    30223
    تاريخ التسجيل
    Jan 2010
    المشاركات
    2,590
    معروف ان الاستخدام على المدى الطويل يسبب سرطان الجلد
    المعلن ماله ذنب لكن كان بأمكانه رفض الاعلان لكن الفلوس عمت نفوسهم

    بعض الناس أفواههم اكبر من عقولهم
    يتحدثون وكأنهُم حُكماء ولكن للأسف جهله
    أطفال غير ملومين فالننظُر إليهم كأننا نشاهد
    الطفل عندما يقول " لعبوني وإلا بخرب "
    كفى بالمرء كذباً أن يحدّث بكل ما سمع .

  7. #7
    تميم المجد الصورة الرمزية السكين
    رقم العضوية
    17342
    تاريخ التسجيل
    Aug 2007
    المشاركات
    3,360
    والله ما أخطر من هالسرطان إلا هالمشاهير ، أغلبهم ماديين وكاذبين، تعاملت مع الكثير شغل تصاميم وفلاتر أغلبهم كذابين ونصابين .
    َربّ إغفرْ لِي وَلِوالديّ وللمِؤمِنينَ وَالْمُؤمِنَات يوْمَ يقوم الحِسَابْ


  8. #8
    عضو مؤسس الصورة الرمزية غايه الطواش
    رقم العضوية
    34713
    تاريخ التسجيل
    Oct 2010
    الدولة
    قاع البحر
    المشاركات
    10,320
    فالتلفزيون زمان كانو يحطون اعلان سجاير موروبورو
    هل الخطا من التلفزيون ؟؟ المعلن ماله ذنب دام المكان موجود والدوله مرخصه له فالموضوع عادي

    علمت أن رزقي لن يأخذه غيري فطمأن قلبي
    وعلمت ان عملي لا يقوم به غيري فاشتغلت به وحدي



  9. #9
    عضو
    رقم العضوية
    55532
    تاريخ التسجيل
    Aug 2019
    المشاركات
    4
    الي يقولون بآن المعلن ماله ذنب ، تخيل معاي لو مثلاً اغلب الشعب ماسمع عن الزقاير من قبل وطلع هالمعلن وسوا لهم اعلان وطلع راعي شركة الزقاير فالاعلان وقعد يقول والله الزقاير تريح الاعصاب و و و وقعد يمدح ويمدح (والمعلن) داري بان الزقاير تسبب السرطان ومع هذا ماسك جواله ويصور راعي الشركة وهو يمدح فالمنتج ولا قال بانها تسبب السرطان !

    وفوق هذا اغلب متابعينه مراهقين ونقدر نعتبرهم معجبين ويشوفونه على انه قدوه وواثقين فيه ، فهل بيصدقوني انا الي قاعد اقولهم بانه يسبب السرطان ولا بيصدقون " قدوتهم " والمقاطع الي نشرها ؟

  10. #10
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    الجهات المختصه تراقب و تخالف لكن دائما هناك طرق قانونيه لتسيير الاعلانات او مدح منتج

    ما اعتقد ان صاحب المنتج ما عنده اوراق من المصنع تقول انه مفيد

    الضرر بحسب الاستخدام. يعني مره بالسنه ممكن يكون مفيد مثلا
    لكن كل يوم فهو خطأ العميل و المحل مش مسؤول انه يحسب كم مره جاه العميل و استخدم المنتج

    مثل المشروبات الغازيه او مشروبات الطاقه

    كلنا نسمع عن اضرارها لكنها مسموحه
    سوء الاستخدام لا يقع على البائع

    العميل لازم يعرف حدود الاستخدام

    فقانونا البائع ماشي سليم

    اخلاقيا و شرعيا. بيقول لك البائع او المعلن في السوشل ميديا. عندنا اوراق تثبت ان المنتج مفيد وانا مريح ضميري و اي حد يتهمهم بالغش او الضرر ممكن يلجأون عليه بالتعويض يعني القانون معاهم

    حتى لو شكينا بنواياهم فأحنا مجبرين ان ما نتهمهم

    الي بيدنا هو التوعيه او المطالبه بتقنين الدوله لاستخدام منتج و وضع لائحه توعويه بالمحلات عن ضرر سوء الاستخدام

    عن سلبيات السوشل ميديا

    نعم هناك سوء اعلان و حروب اعلانيه توصل ان المعلن اذا الغوا عقد الاعلان يرجع ينتقد المنتج الي مدحه

    عيني عينك

    كمعلومه

    كل ما زادت خبره الشخص المشهور في السوشل. صارت عنده طرق متطوره في جذب المتابعين و طرق الاعلان

    حتى بدخوله امور مجتمعيه يطرحها او يسوي صجه اعلاميه تجذب المنتفق و المعارض و يشتهر اكثر

    ما يهم مبادئ المجتمع او تحفظاته او قبوله و رفضه. المهم انشهار اسمه و زياده متابعيه لتنهل عليه الاعلانات و يزيد الدخل

    لو نعرف كم يربح بنفهم ليش يسوي امور حتى لو ضد المجتمع او لا تنفعه

    البعض مش الكل

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •