استفسار هل البنك خفض راس ماله بمعنى الي يشتري مثلا يوم الاحد هل بعد بتقسم ولا خلاص هي اوردي تقسمت وخلصت
استفسار هل البنك خفض راس ماله بمعنى الي يشتري مثلا يوم الاحد هل بعد بتقسم ولا خلاص هي اوردي تقسمت وخلصت
لحد الان ما تقسمت اخوي جبر
تخفيض راس المال 65% يتم تعزيضه برفع قيمة السهم السوقيه في اخر يوم تداول قبل التخفيض
لو فرضا في اخر يوم تداول قبل التخفيض كان السعر السوقي 0.300 مثلا وواحد شاري 35000 يعني براس مال 10500 ريال
بيكون عدد الاسهم بعد التخفيض 12250 سهم
وسعر السهم 0.857
ولحد الان ما حددوا موعد لتفعيل تخفيض راس المال
اعتقد يحتاج موافقات من الهيئات وما الى ذلك واحيان يطول الموضوع مثل ماصار مع فودافون مثلا
وممكن يصير مثل ازدان قالوا بنطلع وعقب غيروا رايهم بعد سنتين !!!
فالموضوع يحدده لما يطلع خبر من البورصه ينذكر فيه متى موعد تفعيل تخفيض راس المال وعدد الاسهم 65%
مقابل رفع القيمه السوقيه
التعديل الأخير تم بواسطة مضارب دوسري ; 19-09-2019 الساعة 09:46 PM
بيض الله وجهك يالدوسري انا اليوم بقيت اطمر فيه احسبهم قسمو كم مره عاد اجتمعو عشان التقسم ولاصار شي
ووجهك
هو سعره جيد
بس الاجراءات ومدتها هي المطب الوحيد حاليا
كوضع عام للشركه بيكون وقتها كانها شركه جديده فالسوق لا لها ولا عليها وتبدا من الصفر من جديد
ولكن المده الزمنيه ايضا تحدد الوضع
تخفيض راس مال الشركة المفروض يصير بدون خفض عدد الأسهم للمساهم المكتتب ... والخساير يتحملها مجلس الادارة مب اموال المساهمين بشكل مباشر وهنا يصير ضياع لحلاله ... بحجة محو الخساير
التعديل الأخير تم بواسطة الطيف المهاجر ; 20-09-2019 الساعة 01:27 PM
حسب مافهمت من تصريح العبيدلي ان تخفيض الأسهم يرافقه مباشرة تعويض قيمة السهم بنسبة التخفيض
يعني قيمة المحفظة لأي شخص مارح تتغير
اتمنى يصير هالشي
ويتم دعم السهم عند هذي النسبة وماينزل عنها مهما كانت الظروف