الانتشار الكبير للحوت (( تكسي اللوموزين ))

[سهم فضة]

السلام عليكم ورحمة الله





ماطرأ على الساحة حديثآ تقريبا خلال سنتين وانا صرت الاحظ هذا الاخطبوط يتمدد بعظهم من واصل التمدد و البعض ممن انسحب بسبب كثره السلبيات او شافها (( مش جايبه همها )) لاحضت انتشار السيارات الصغيره بكثره تحت غطاء لموزين واسم لوموزين شيئ بشعار لموزين وشي لا ،،، شدني الموظوع للبحث عنة وهل فعلا هاللوموزين بهالكثافة شي عادي و ايش معنا هالفتره قام بالانتشار لاحظت بعد سؤال لكذا واحد منهم و البعض عرفتة من بعض السواقيين حتى الشخصيين بالمنازل !!! طلع عندهم علم واتوقع والعلم عند الله هذا ماسبب هجره بعض السائقين المنزليين لهذه الشركات فا انت تعطية 1500 او 2000 ويرى صاحبة اللي في شركات اللوموزين (( يعطي الشركة 3000 او 2500-2000 )) والباقي لة فا البعض اخذ اسم وسجل شركة الوموزين ليكون غطاء له في تشغيل هذه السيارات ،، رغم قبل كم سنة كانت الدوريات توقف السيارات الصغيره عند ستي سنتر او غيره من المجمعات واللولو اذا شافتة يشتغل تكسي !! اما الان فا اصبح هذا التكسي يعمل تحت غطاء شركة لوموزين ،


وهذا الشي سبب لنا زحمة بالشوارع ومنافسة فالطريق و ترى هذه السيارات الصغيره تزاحمك في كل مكان طلب بسبب ان (( هو يكد للشركة 2500-3000 )) والباقي لة فا يسعى جاهدا لا اصطياد اكبر عدد من الركاب طوال اليوم وايصال هذا ل اللحاق بالاخر ،،،


هذا كان احد اسباب هروب بعض السواقيين فالمنازل القطريية وعدم رغبتهم فالشغل فالمنزل ومن يتضرر انت ياصاحب الاسرة ، لاتجد من يشتغل عندك او يرضى بهذا الراتب المتعارف عليه فالمنازل امام الكنز اللي بيحسب لك مع كل راكب ..

[معماري قطري]

ألحين عرفت السر ليش سواق عندنا يبي نقل كفالة .. وإحنا حاجتنا له قليلة بس الخوف الثاني يسوي نفسه

وأكيد ممنين النفس بشغل قوي في فترة ما قبل وأثناء 2022 .. هذي صج مشكلة حلها صعب

[معماري قطري]

فوق هذا السيارات اللي شغالين عليها صغيرة ورخيصة ما تكلف الشركة شيء خلال سنتين بالكثير يطلع قيمة السيارة والباقي ارباح للشركة والسيارة تنباع بعدين بأي قيمة بعد ربح اضافي

صج تجارنا همهم ترس مخابيهم وبس .. ذكروني بكروة ( سيئة الذكر ) كانت تحط اعلانات في بلادهم وقت الصيف وتعرض رواتب مغرية وكم سايق ما يرجع لكفيله

[جراسا]

فوق هذا السيارات اللي شغالين عليها صغيرة ورخيصة ما تكلف الشركة شيء خلال سنتين بالكثير يطلع قيمة السيارة والباقي ارباح للشركة والسيارة تنباع بعدين بأي قيمة بعد ربح اضافي

صج تجارنا همهم ترس مخابيهم وبس .. ذكروني بكروة ( سيئة الذكر ) كانت تحط اعلانات في بلادهم وقت الصيف وتعرض رواتب مغرية وكم سايق ما يرجع لكفيله

بالنسبة لسيارات الليموزين,ملكيتها تنتقل بعد فترة تتراوح بين ال3 - 4 سنوات و تصير باسم السائق اللي يشتغل عليها
و الشركة تشتري سيارات جديدة طبعا باسعار مخفضة كونها تشترس اسطول لا يقل عن 15 سيارة

[ابو عبدالله.]

صبحكم بالخير

كنت بطلع رخصه ليموزين بسبب هالسالفه لكن تراجعت

اول ما اشتغل كريم و اوبر صار اي شخص يشتري سياره عمرها اقل من خمس سنوات يقدر يسجلها بشركه عشان يقدر يسجل في اوبر و يشتغل

اصحاب المكاتب استفادوا بأخذ رسوم من هالسواقين 250 الى 300 ريال شهريا
بعض المكاتب وصل عدد سيارات السواقين الحرين بالعمل لصالحهم 200 سياره فيأخذ صاحب المكتب 60 الف ريال شهريا رسوم منهم. بدول تكاليف عالمكتب ربح صافي

البدايه كان ربح السائق بين 8500 الى 12 الف شهريا و عليه قسط و صيانه موتره و 300 للمكتب

بعد ما انتشرت اخبار الربح الكبير وايد قلدوا و شتروا سيارات صغيره و سجلوا بمكاتب و اشتغلوا

ومثل اي تجاره عندنا. الكل يقلد لين يتشبع السوق و يفيض بالمتنافسين فصار الكل يلقى تكسي ليموزين اوبر و كريم فقل عدد الركاب لكل سائق و قل ربحه

الحين السائق يتعب طول اليوم اكثر و يصفر بنزين و صيانه بربح اقل عن قبل

و بعضهم يتقاسم الموتر مع صديقه و يشتغلون شفتين ليل نهار

الربح الحالي يوصل 3500 بالشهر للسائق لكن ينهد حيله
و يدفع سكن و اكل و انترنت و مكالمات و بدون اجازه بالاسبوع ولا علاج مجاني و يدفع رسوم تجديد اقامه و رخصه و استماره و تأمين و 300 للمكتب و تصليح اي حادث و نص قيمه قطع الغيار و يرتفع تكلفه تأمينه السنوي

و عليه تذكرته اذا بيسافر بلاده اجازه وما له بدل اجازه راتب شهر او بونص
ولا بخشيش بالاعياد مثل سائق البيت و الخدم الي كل عيد يطلعون 600 و الف و الف وخمس و اكثر لبعض الحالات

كل الي فوق ما يدفعها سائق البيت و ياخذ راتب صافي
لا تكاليف اكل ولا انترنت ولا تذكره ولا رسوم اقامه و رخصه و تأمين و بونص قبل السفر و لا تصليح موتر لو عمل حادث ولا حتى المخالفه يدفعها. احنا ندفع بداله اصلا

و اخيرا يفخ رقاد لين يشبع و ياكل احسن اكل

العمليه مش جاذبه جدا
فقط الي يبي يخاطر و يطلع من شغل البيوت و يسوق لاوبر و كريم ومش عارف حجم التعب و التكاليف الي ممكن حادث واحد يكلفه ربح سنه

الاغلبيه يخافون حتى التجربه و مشاركه سكن خارج بيت الكفيل

و عموما هذولا مش شاردين من كفلاء لان المكاتب تخاف من وقف سجلهم التجاري اذا جاهم واحد شارد و سجل موتره معاهم

وبس والله هذه سالفتهم

[مرتبش]

كان السوق محتكر ويوم انكسر الاحتكار الكل دخل على الخط
وهذا حالنا .. سنين التكاسي ماتوقف لك ويتدلعون مايروحون بعض الشوارع زحمة وبعض المناطق بعيدة عليهم وحركات.. والحين نشتكي من كثرتهم وبيوقفون الترخيصات الجديدة اذا فعلا ما توقفت للحين... وبنرجع نشتكي من قلتهم او تكاليفهم

[عضو دائم]

هي جات على السواقين فقط الحين موضة الخدم يتم تشريدهم من الكفيل باي اسلوب كان واستقلالهم في اعمال لاترضي الله ولا العباد .. ومراكز الشرطة لايوجد لهم دور في متابعة الهاربين من العمالة المنزلية واذا جيت تبحث الامر مع اي مسئول قال ( القانون لايسمح ) وكأن الامر يشجع على هروب العماله المنزلية ..!
طيب وين قانون الردع والا القانون عندنا اعور مايشوف الا بعين وحدة ..

وكل مافي الموضوع اعمل بلاغ هروب وضف وجهك الين ما الله يزينها ..

[Rider]

اخوي فعلا هذا الموضوع معروف يأجر الاستكر لي حاطه على السيارة ويعطي الشركه مبلغ متفق عليه ولا شلون طلعت فجأة شركات اللموزين

[khaldoon]

كان السوق محتكر ويوم انكسر الاحتكار الكل دخل على الخط
وهذا حالنا .. سنين التكاسي ماتوقف لك ويتدلعون مايروحون بعض الشوارع زحمة وبعض المناطق بعيدة عليهم وحركات.. والحين نشتكي من كثرتهم وبيوقفون الترخيصات الجديدة اذا فعلا ما توقفت للحين... وبنرجع نشتكي من قلتهم او تكاليفهم

فعلا عانينا فترة طويلة من احتكار كروة لحد ما ظهرت اكثر من شركة مثل الاجارة و المليون و ما اعرف شنو...كلهم نافسوا كروه و الحين جات موضة الللموزين مع كريم و اوبر... صراحة المستفيد هو احنا و لله الحمد...ما عدنا ننقطع بالشارع في الصناعية و غيرها مثل زمان يوم تودي سيارتك تصليح مثلا ....في اليوم الواحد نشوف كمية سيارات ليموزين صغيره قد شعر الراس.... الله يرحم أيام الليموزين يعني سيارة كابريس 8 سليندر ....راحت هيبة الليموزين الحين

[ابو عبدالله.]

على فكره
الكل مستفيد

السائقين و مكاتب الليموزين و منافسه حقيقيه مع كروه و الاهم الزباين افتكوا من انتظار كروه

زمان كانت رخصه ليموزين تنباع بالشي الفلاني

الحين تطلع الرخصه بشروط بسيطه نسبيا