السلام عليكم ورحمة الله وبركاته
لو ماعليكم امر بغيت شركة رخيصة وزينه تسوي ديكور الواجهات باستخدام الفوم.
كنت مقرر اسوي جي ار سي للواجهات بس السعر غالي والمفروض الفوم ارخص
يعطيكم العافية
السلام عليكم ورحمة الله وبركاته
لو ماعليكم امر بغيت شركة رخيصة وزينه تسوي ديكور الواجهات باستخدام الفوم.
كنت مقرر اسوي جي ار سي للواجهات بس السعر غالي والمفروض الفوم ارخص
يعطيكم العافية
سبحان الله وبحمده سبحان الله العظيم
إذا كتل كبيرة الجبس المعمول زين يسد الغرض بس يحتاج تشطيب جيد وصبغ عازل للرطوبة
يعطيك العافية اخوي معماري، ماتعرف شركة شغلها زين تسوي الفوم ؟ حصلت شركة عطتني سعر المتر 200 ريال بس احس مبالغ فيه
سبحان الله وبحمده سبحان الله العظيم
أكيد مبالغ فيه وربحهم 400% اقل شيء .. ألواح الفوم 1.22 في 2.44 متر على ما اذكر تكلفتها 11 ريال وتغطي قريب 3 متر مربع 2.976 متر مربع مع الشوية فاصل توصل 3 بالضبط .. طبقات الحماية وموادها بعد تكلف بس ممكن قريب من البلاستر وخل نقول ضعف البلاستر مع إنها طبقة رقيقة بحدود 5 ملم والبلاستر الخارجي 30 ملم
أكيد التشكيل والقص واللزق يتم بسهولة لسهولة التعامل مع الفوم بس يعتبر شغل فني ولازم يكون مكلف بس فيه مبالغات كبيرة من الشركات وللأسف ما عرفت غير هالكو اللي فوق سوبرماركت ريجنسي في بوهامور
السؤال اللي يطرح نفسه ياباش مهندس معماري : ( شرايك في الدلع باش مهندس وحركات حركات عشان تجاوبني )
السؤال : ايهما افضل فنيا وهندسيا على المدى البعيد الفوم ولا الجي ار سي لاني بصراحه لو جيت ناوي راح احتار
لانه فيه ناس يقولون جي ار سي وناس الفوم الا اذا كان الفوم لاماكن معينه والجي ار سي لاجزاء معينه مثلا
من فتره ادور جي ارسي وكلمت كذا شركه واستغربت من التفاوت شركه عطتني التنفيذ باربعين الف وشكره بثلاثين
وشركه في العشرينات واحترت ف ماهو سر التفاوت ومتى الواحد يفكر يسوي فوم ومتى يسوى جي ار سي
ننتضر خبرتكم ولا قصور في باقي الأعضاء
إطلب عينات من الشركات الثلاث وافحصها بتحصل تفاوت في الجودة ومجال الغش في الجي ار سي كبير .. مجال جودة التركيب وطبقات العزل للفوم كذلك كبير
غالبية بيوت عيال عمي فوم وما شاء الله مثبت وجوده وجماله بس عن طريق هالكو واتوقع هي الوحيدة اللي شغالة فيه .. الجي ار سي لو كان مصبوغ يتطاير صبغة ويتقشر وتبين فيه عيوب وحتى بعضه يتكسر لو القطاعات ضعيفة .. ولو تتابع يوتيوبيات البناء حطيت كم مقطع لعمل ديكورات اسمنتية وبخلطات يدخل في بعضها فيبر وهي قريبة من الجي ار سي وسهل تنعمل بعمالة جيدة ومختصين بلاستر
نصيحتي خل البيت صبغ وحوائط سيدة تتخللها الفتحات أجمل بكثير من التزيين الزايد والخساير وركز على الكتل الكبيرة وخل عنك النقش وهذي اطبقها دوم مع نفسي .. جمال البيت في نقاوته وفي الزراعة حوله
لو بتسوي الفوم وفي نيتك تكسية البيت بأسطح سيدة ويمكن فجوات زينة بسيطة هذي أي مقاول يقدر يسويها لك وتقدر تركب ألواح فوم 7 سم لعزل أقصى وتسوي أعلى سور السقف كورنيش جبس مقاوم للرطوبة ومصبوغ صبغ عازل وزين والا تسوي عتبة صغيرة بانهاء الفوم قبل أعلى سور السقف وحتى تحط إضاءة شريطية تنعكس على أعلى سور السقف وتبين مخفية بتطلع أحلى بس ركب اسيام مانعة للطيور حتى ما يحطون هناك
مواد البلاستر والشبك فوق الفوم وتثبيته وتثبيت الفوم بلاصق وميكانيكل كلها سهلة ومتوفرة ويمكن تندهش من تكلفتها ولا توصل 10000 ريال ويبيعونها الشركات مركبة ب 200000
ضروري تركب زاوية معدنية ترفع الفوم عن التقاء ارضية الحوش بالحائط بحدود 20 سم وهذي تقدر كذلك تخلي فيها انارة مخفية تنير أسفل الحائط وحطيت تفاصيلها في موضوع مراجعة المخططات المعمارية وناوي اسويها لبيتي
البدائل كثيرة وسهلة ورخيصة مقارنة بالحجر وبالفوم اللي محتكرته شركة وحدة وتسوي دزاينات أكثرها تلطيخ وتهبيش وأشكال اشوفها مملة ومب مناسبة .. ومقاولين الحجر لو تطلب تحديد بسيط وكورنيش حجر والباقي بتسويه صبغ يطلع وايد أحلى والمفروض وايد أرخص يشردون عنك يبون شغلة كبيرة ينهبونك والا لا
عليكم السلام ورحمة الله وبركاته
الفوم غالي .. اغلى من الجي ار سي
سمته عند هالكو
ما ارد للجاهل ولا اسمع حكاويه ... حيــاي يمنعني من القيــل والقــال
The best way to survival is to save each other
الأجواء الساحرة في جزيرة البنانا .. شاركوني متعة اللحظات ..!