صفحة 1 من 2 12 الأخيرةالأخيرة
النتائج 1 إلى 10 من 15

الموضوع: بعض الاستفسارات من الاعضاء عن بعض الامور الفنيه

  1. #1
    عضو مميز
    رقم العضوية
    46027
    تاريخ التسجيل
    Sep 2013
    المشاركات
    1,328

    بعض الاستفسارات من الاعضاء عن بعض الامور الفنيه

    السلام عليكم ورحمة الله وبركاته

    اخوكم الحين قاعد يشطب وعندي بعض الاستفسارات عن عدة أمور من الاخوان لتعم الفائده على الجميع

    السؤال الأول : محتار بين الانترلوك والبلاط لحوش البيت ايهما افضل على المدى البعيد والمتانه مع مرور السيارات عليه

    السؤال الثاني : بالنسبه للباركيه هل ينصح به على المدى البعيد ولا مع الوقت والماي يتبطط ويخترب

    السؤال الثالث والأخير : المطابخ والمخازن هل الأفضل خشب ولا المنيوم وسلامتكم

    ننتظر ارائكم وخبراتكم وتجاربكم ليستفيد الجميع

  2. #2
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    الاول : البلاط افضل واسهل لتنظيف ويتحمل اوزان السيارات حتي اكثر من 10 طن

    الانترلوك سهل الفك التركيب بس صعب التنظيف مقارنة مع البلاط

    الثاني : البورسلان افضل واجمل واسهل لتنظيف

    الثالث : الخشب اجمل من الالمنيوم للمطبخ بس الالمنيوم سيفتي اكثر من الحرائق
    للمخازن الالمنيوم افضل ويجيك جاهز في ايكيا وغيرها
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  3. #3
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,555
    صباحكم ورد

    مؤيد لكل ما قال اخوي سعود وحتى البورسلان فيه منه اللي يعطي شكل باركيه .. والباركيه أنواع عديدة وفيه منه البلاستيكي والمصنع يقاوم أكثر ولكل نوع مواصفات وضمان وسعر وحتى طريقة تركيب

    المخزن سويته انا تفصيل المنيوم قطاع ضعيف ورخيص وسكرت الأطراف بسيليكون ولبست الحوائط ببقايا السيراميك .. سويته صراحة مرقع أبيض على بيج على أزرق ما همني المنظر همني يكون سهل التنظيف وعملي والحمد لله للحين قريب 15 سنة عايش كأنه جديد وتتحمل عليه أوزان ثقيلة

    بالنسبة لحوش البيت ابتعد عن أي صناعة قطرية لأن خلطات المواد لو جاتك زينة في عينة تجيك شوائب وبودرة في عينة ثانية وشوف شلون التآكل والتكسر خلال فترة وجيزة .. وأفضل تركب على خرسانة .. ولد عمي راواني صور لبيته مركب رمادي قطع مختلفة ثلاث مقاسات بطريقة هندسية حلوة وطالع وايد حلو .. وشفت بيت مسوي بقايا الرخام وجاية قطع وكسرات مختلفة بإسمنت وخلطة قوية وطالع لوحة فنية بس مؤكد تحته خرسانة والا ما عمر هالفترة

    وأشوف البعض يركبون بورسلان سميك هذا لا يشرب ماي ولا يتغير شكله بس يحتاج قراوت خاص وقوي

    المطابخ مصنعيات وماركات الزين يدوم سواء المنيوم أو خشب أو ستانلس ستيل

  4. #4
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    وعليكم السلام اخوي سليمان

    اقتباس المشاركة الأصلية كتبت بواسطة سليمان احمد مشاهدة المشاركة
    السؤال الأول : محتار بين الانترلوك والبلاط لحوش البيت ايهما افضل على المدى البعيد والمتانه مع مرور السيارات عليه ..

    الاثنين يعيشون بس البلاط اسهل في التنظيف .. الانترلوك فرغاته مزعجه لازم ينغسل بالبرشر ..

    السؤال الثاني : بالنسبه للباركيه هل ينصح به على المدى البعيد ولا مع الوقت والماي يتبطط ويخترب

    اخوي انا مركبه حاليا باركيه في مكانين وصناعه بلجيكية .. شكله وايد حلو ..
    في اشكال مثل الخشب وفي مثل الرخام .. السوق متجدد وحلو ..
    والبورسلان اكيد مش محتاج مدح .. لكن الباركيه حلو بس مش للاماكن الرئيسيه في البيت ..


    السؤال الثالث والأخير : المطابخ والمخازن هل الأفضل خشب ولا المنيوم وسلامتكم

    المخازن ضروري يكون المنيوم على شكل خزانه مفتوحة ومرتفع عن الارض لسهولة التنظيف ..
    المطابخ على حسب الاستخدام .. الاغلب الخارجي يكون المنيوم والداخلي التحضيري خشب ..
    في شركة تسوي المنيوم بس وايد راقي على شكل خشب سعر المتر بين 2500-3000 مقارنه بالالمنيوم اللي يجيك سعره بين 800-1800 للمتر
    شوف من بيستخدمة وانت حدد لان الخشب يبي له عنايه خاصه ..

    :

    الله يوفقك اخوي ..
    تُنسى ، كأنَّكَ لم تَكُنْ ..

  5. #5
    عضو مميز
    رقم العضوية
    46027
    تاريخ التسجيل
    Sep 2013
    المشاركات
    1,328
    اقتباس المشاركة الأصلية كتبت بواسطة سعود. مشاهدة المشاركة
    الاول : البلاط افضل واسهل لتنظيف ويتحمل اوزان السيارات حتي اكثر من 10 طن

    الانترلوك سهل الفك التركيب بس صعب التنظيف مقارنة مع البلاط

    الثاني : البورسلان افضل واجمل واسهل لتنظيف

    الثالث : الخشب اجمل من الالمنيوم للمطبخ بس الالمنيوم سيفتي اكثر من الحرائق
    للمخازن الالمنيوم افضل ويجيك جاهز في ايكيا وغيرها

    بيض الله وجهك
    وكلامك طيب ونصيحتك وافيه

  6. #6
    عضو مميز
    رقم العضوية
    46027
    تاريخ التسجيل
    Sep 2013
    المشاركات
    1,328
    اقتباس المشاركة الأصلية كتبت بواسطة معماري قطري مشاهدة المشاركة
    صباحكم ورد

    مؤيد لكل ما قال اخوي سعود وحتى البورسلان فيه منه اللي يعطي شكل باركيه .. والباركيه أنواع عديدة وفيه منه البلاستيكي والمصنع يقاوم أكثر ولكل نوع مواصفات وضمان وسعر وحتى طريقة تركيب

    المخزن سويته انا تفصيل المنيوم قطاع ضعيف ورخيص وسكرت الأطراف بسيليكون ولبست الحوائط ببقايا السيراميك .. سويته صراحة مرقع أبيض على بيج على أزرق ما همني المنظر همني يكون سهل التنظيف وعملي والحمد لله للحين قريب 15 سنة عايش كأنه جديد وتتحمل عليه أوزان ثقيلة

    بالنسبة لحوش البيت ابتعد عن أي صناعة قطرية لأن خلطات المواد لو جاتك زينة في عينة تجيك شوائب وبودرة في عينة ثانية وشوف شلون التآكل والتكسر خلال فترة وجيزة .. وأفضل تركب على خرسانة .. ولد عمي راواني صور لبيته مركب رمادي قطع مختلفة ثلاث مقاسات بطريقة هندسية حلوة وطالع وايد حلو .. وشفت بيت مسوي بقايا الرخام وجاية قطع وكسرات مختلفة بإسمنت وخلطة قوية وطالع لوحة فنية بس مؤكد تحته خرسانة والا ما عمر هالفترة

    وأشوف البعض يركبون بورسلان سميك هذا لا يشرب ماي ولا يتغير شكله بس يحتاج قراوت خاص وقوي

    المطابخ مصنعيات وماركات الزين يدوم سواء المنيوم أو خشب أو ستانلس ستيل


    رايك طيب ونصايحك في محلها

    بس المطبخ على المدى البعيد اعتقد الالمنيوم خيار جيد

    لكن المشكله انه يتفكك مع الوقت

  7. #7
    عضو مميز
    رقم العضوية
    46027
    تاريخ التسجيل
    Sep 2013
    المشاركات
    1,328
    اقتباس المشاركة الأصلية كتبت بواسطة sara jsm مشاهدة المشاركة
    وعليكم السلام اخوي سليمان



    المخازن ضروري يكون المنيوم على شكل خزانه مفتوحة ومرتفع عن الارض لسهولة التنظيف ..
    المطابخ على حسب الاستخدام .. الاغلب الخارجي يكون المنيوم والداخلي التحضيري خشب ..
    في شركة تسوي المنيوم بس وايد راقي على شكل خشب سعر المتر بين 2500-3000 مقارنه بالالمنيوم اللي يجيك سعره بين 800-1800 للمتر
    شوف من بيستخدمة وانت حدد لان الخشب يبي له عنايه خاصه ..

    :

    الله يوفقك اخوي ..

    هلا اخت ساره كلامك مفيد جدا

    انا ودي بالباركيه بس خايف مع الوقت انه يتفكك او يطلع حشرات

    اللي فهمته منكم انه يعتمد على النوعيه والتركيب

  8. #8
    عضو مؤسس الصورة الرمزية sweet qatar
    رقم العضوية
    27023
    تاريخ التسجيل
    Jul 2009
    المشاركات
    12,397
    اقتباس المشاركة الأصلية كتبت بواسطة سليمان احمد مشاهدة المشاركة
    السلام عليكم ورحمة الله وبركاته

    اخوكم الحين قاعد يشطب وعندي بعض الاستفسارات عن عدة أمور من الاخوان لتعم الفائده على الجميع
    عليكم السلام ورحمة الله وبركاته

    حياك الله .. وصلت وان شالله تلقى الي يفيدك

    اقتباس المشاركة الأصلية كتبت بواسطة سليمان احمد مشاهدة المشاركة
    السؤال الأول : محتار بين الانترلوك والبلاط لحوش البيت ايهما افضل على المدى البعيد والمتانه مع مرور السيارات عليه
    المتانة و تحمل السيارات يعتمد على قوة الطبقة الي تحت
    البلاط اذا تركب صح بيتم طول العمر واجمل واريح للسير عليه

    اقتباس المشاركة الأصلية كتبت بواسطة سليمان احمد مشاهدة المشاركة
    السؤال الثاني : بالنسبه للباركيه هل ينصح به على المدى البعيد ولا مع الوقت والماي يتبطط ويخترب
    في ناس ركبوا الباركيه من سنين وماشالله لليوم مثل ما هو


    اقتباس المشاركة الأصلية كتبت بواسطة سليمان احمد مشاهدة المشاركة
    السؤال الثالث والأخير : المطابخ والمخازن هل الأفضل خشب ولا المنيوم وسلامتكم

    ننتظر ارائكم وخبراتكم وتجاربكم ليستفيد الجميع

    المطابخ تعتمد على الذوق لكن اذا بتحط المنيوم تأكد انه من نوعية جيدة مب مع اول استعمال ينكسر
    اختار الي يناسبك واهتم بالجودة لا يغرك ارتفاع السعر او رخصه

    المخازن الافضل الالمونيوم

    الله يعينك على هالمرحلة الصعبة و يوفقك وييسر أمرك
    ما ارد للجاهل ولا اسمع حكاويه ... حيــاي يمنعني من القيــل والقــال

    The best way to survival is to save each other

    الأجواء الساحرة في جزيرة البنانا .. شاركوني متعة اللحظات ..!

  9. #9
    عضو مميز
    رقم العضوية
    46027
    تاريخ التسجيل
    Sep 2013
    المشاركات
    1,328
    اقتباس المشاركة الأصلية كتبت بواسطة sweet qatar مشاهدة المشاركة
    عليكم السلام ورحمة الله وبركاته

    حياك الله .. وصلت وان شالله تلقى الي يفيدك



    المتانة و تحمل السيارات يعتمد على قوة الطبقة الي تحت
    البلاط اذا تركب صح بيتم طول العمر واجمل واريح للسير عليه



    في ناس ركبوا الباركيه من سنين وماشالله لليوم مثل ما هو





    المطابخ تعتمد على الذوق لكن اذا بتحط المنيوم تأكد انه من نوعية جيدة مب مع اول استعمال ينكسر
    اختار الي يناسبك واهتم بالجودة لا يغرك ارتفاع السعر او رخصه

    المخازن الافضل الالمونيوم

    الله يعينك على هالمرحلة الصعبة و يوفقك وييسر أمرك

    كلام سليم انا سألت الشركه عن البلاط اللي عندهم قال بلاط قطري

    وانا بصراحه الصناعه المحليه متخوف منها موب تقليل من صناعتنا

    لكن مادري عنها مع الوقت وبالنسبه للباركيه اللي فهمته من الاخوان والاخوات

    انهم يعتمد على النوعيه والتركيب له دور وبالنسبه للمطابخ انا اميل للالمنيوم لانه مناسب كسعر

    متوسط الشركات الكبار المعروفه غاليه جدا والمشكله محتار ين الغالي الجيد ومابين الالمنيوم المتوسط

    او السعر المناسب لاني لاحضت ان الالمنيوم مع الوقت الأبواب تتفكك وخاصة مع التبطيل والتسكير

    على العموم ماقصرتي على الرد الشافي الوافي

  10. #10
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    صباحك خير اخوي سليمان ..

    معليش اسحب كلامي عن الباركيه انا ضيعت بينه وبين شي ثاني ..
    :
    بخصوص الالمنيوم انت تتحكم في جودة المفصلات .. وخذهم ايطالييين افضل شي ..
    الالمنيوم يعيش اكثر من الانسان واذا اخترب تخترب القطعه الصغيرة وممكن تبديلها ..
    لكن الخشب اذا تآكل او تشرب ماي او انكسر لازم تبدله كامل ..
    :
    اما بخصوص البلاط فالسوق فيه اكثر من نوع ..
    صيني/ كويتي / تركي / ايراني / قطري / قطري بمواد ايرانيه ..

    :

    اخوي مر على هالموضوع فيه اشياء ممكن تفيدك ..

    http://www.qatarshares.com/vb/showth...CD%ED%C7%DF%E3

    تُنسى ، كأنَّكَ لم تَكُنْ ..

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •