ليش شارع النصر مغلق بدون ما يبتدي الشغل

[khaldoon]

اللي يروح شارع النصر الان يحزن جدا على وضعه.....تسكيرات كاملة و واسعة للشارع ....امنا بالله و لكن ليش الشارع مسكر اكثر من أسبوع وما في شغل؟؟؟!!!

الى متى بيتم الحال على ما يلي:

اول يوم المقاول يأخذ المشروع
ثاني يوم يسكر الشارع تماما و يمكن يكسره و ما يعود صالح للاستعمال
بعد سنة يبتدي شغل بالمشروع

الى متى هذه الطريقه؟؟؟!!!.... لازم الشوارع المهمه و الحيوية يكون الشغل فيها اربع و عشرين ساعه....طبعا راح تقولون انه الشغل 24 ساعة بيخلي المشروع اكثر تكلفة على الدولة او الجهة المالكه....شوفوا تكلفة اغلاق الشارع لفترة طويلة و تكلفة العمل 24 ساعه من افضل و اوفر.....على الأقل لازم يكون في مراقبة من هيئة الاشغال او الجهة المالكة للتأكد من فائدة اغلاق الشوارع بدون عمل.....

ليش المقاول اول ما يأخذ المشروع من ثاني يوم يسكر الشارع و هو ما اصدر تصاريح العمل من الجهات المعنية لبدأ العمل و الحفر و الانشاء ....هل هدفه بس يحط يده على المشروع علشان يلغي أي فكرة انه ينسحب منه حتى بعد ما تم التعاقد معه؟؟

من المسؤول و يتحمل تكلفة اغلاق الشوارع بدون عمل

امس دخلت على الفاميلي فود سنتر الساعه 7:30 مساء....وضعه محزن جدا جدا......فاااااااضي لانه ما في مواقف سيارات مثل قبل فكيف الناس تروحه.....و الحال ينطبق على باقي المحلات و المطاعم...... بذمة من هذا الشيء؟

انا أقول و ما لي أي مصلحه لاني أصلا انتقلت من منطقة النصر قبل شهرين و لله الحمد و المنه....و لكن الى متى هذه الحاله في كل شوارع الدوحه؟؟!!!!

[@north_star@]

للاسف هالشارع صارله فترة بس حفريات وتسكيرات مع انه الشارع مش كبير نسبيا وما أدري ايش اللي معطلهم وهذا حال الكثير من الشوارع تسكير جزئي أو كلي
وتحويلات كلها حفر لتكسير السيارات والله المستعان

[khaldoon]

للاسف هالشارع صارله فترة بس حفريات وتسكيرات مع انه الشارع مش كبير نسبيا وما أدري ايش اللي معطلهم وهذا حال الكثير من الشوارع تسكير جزئي أو كلي
وتحويلات كلها حفر لتكسير السيارات والله المستعان

هالشارع دامر من زمان و ما فيه صيانه ....مهمل من كثر الرقعات ...الله يكون في العون

[qatari911]

موظفين اشغال نايمين
في الدول الثانيه يسكرونه اليوم وعلى طول شغل في الشارع فيه الي يخلصه بيوم وفيه الي يخلص بشهر او اكثر
عندنا عادي شارع صغير يجلسون فيه سنه وبعد السنه يرجعون يسكرونه لانهم نسو شي او بيب لازم يتصلح
مافيه مسؤوليه ومراقبة الله والضمير

[khaldoon]

موظفين اشغال نايمين
في الدول الثانيه يسكرونه اليوم وعلى طول شغل في الشارع فيه الي يخلصه بيوم وفيه الي يخلص بشهر او اكثر
عندنا عادي شارع صغير يجلسون فيه سنه وبعد السنه يرجعون يسكرونه لانهم نسو شي او بيب لازم يتصلح
مافيه مسؤوليه ومراقبة الله والضمير

هذا هو مربط الفرس و هذا هو الأصل في الموضوع مثل ما انا كتبت في العنوان و هو انهم لازم يقللون عدد الأيام اللي يغلق فيها الشارع الى الحد الأدنى يعني ما يغلق بدون شغل...طالما ما في شغل يتم افتتاحه و لو جزئيا او بأي طريقة كانت.... ليش ما يفكروا يسكروه بس بالليل مثلا علشان يشتغلوا.......هذا الشي اللي لازم يفهمونه اشغال و غير اشغال ....انه الضرر اللي يسوونه بالقبول بهذه الحاله بيدفع ثمنه الغير و بيخرب بيوت الغير.... انا والله لا ناقة لي ولا جمل ولا عندي تجاره علشان اطرح الموضوع بس اشوف انه شي حرام يصير و حرام انه ما نفكر نغير طريقة شغلنا و منهجية شغلنا المستمره للابد بهالطريقة غير الصحيحه

[khaldoon]

اكثر من مطعم و محل فتح و اغلق خلال سنة او سنتين...... في محل كمبيوترات كبير جنب الفاميلي فود سنتر فتح فتره و بعدين سكر و بعدين فتح مكانه مطعم البيت الكويتي و شباتي و كرك (مالك واحد) و الحين سكروا المطعمين

أيضا في مطعم في الجهة المقابلة فتح و سكر و تم فتح مطعم مكانه هو القصر العثماني و أيضا مطعم اخر جنب القهوة فتح و سكر و محل عطورات قلب لمحل موبايلات و هكذا

أيضا في صيدلية سكرت و فتح مكانها ودام و الحال نفسه لكذا محل ملابس

يعني الظاهر البزنس في هذا الشارع ما ينفع او فيه مخاطرة و الله اعلم .....

[Rider]

هذا شعار صار عندنا اتوقع لو صحينا في يوم من الايام ومالقينا شارع مسكر بتصدينا صدمه

[khaldoon]

هذا شعار صار عندنا اتوقع لو صحينا في يوم من الايام ومالقينا شارع مسكر بتصدينا صدمه

للأسف والله انه كلامك صحيح ....الله المستعان .... لابد من حل ما يصير الاستمرار بهذه الطريقه العقيمة

[سهم فضة]

للأسف والله انه كلامك صحيح ....الله المستعان .... لابد من حل ما يصير الاستمرار بهذه الطريقه العقيمة

يمكن ما اتفقو عالسعر مع المقاول اللي من الباطن

[fmmja]

عندك شارع المعيذر التجاري

كل سنة صيانة عقب يفتحونه شهرين أو ثلاث شهور عقب يردون يعفسونه مرة ثانية

ابي اعرف لين وين يبون يوصولون ؟