المحل اسمه كيتشن ولا ادري هو نفسه استوديو كتشن الليي تتكلمين عنه ولا تشابه اسماء
وملاصق في محل اي بي سي سيراميك بعد محطة التيسير
واخذت كرت المحل وشكلي راح اشتغل عنده باركيه وخزائن بس المطابخ راح اركب المنيوم حتى الداخلي
لانه يعمر وسيفتي اكثر من الخشب ومن الحين لشهر قدام راح تتوضح معي بعض الامور في البيت
والله يسهل
التعديل الأخير تم بواسطة Azizuk ; 16-10-2019 الساعة 10:07 PM
هو اسمه كيتشن وعلامته صفراء وكرتهم عندي في السياره مع عشرات الكروت صرت تقول مندوب من كثر الكروت
والمحل جنب أي بي سي سيراميك بس ماسألتهم عن علاقتهم بالمصنع اللي في الصناعيه لاني غسلت يدي من التعامل
مع المصنع بعد ماعرفت السالفه او انك تقصد ليش ماسألت المصنع ماسالتهم لانه قال اجابه عامه قال احنا نشتغل مشاريع
كبار وطبعا مافصل ايش يقصد بالمشاريع الكبار بس اعتقد والله اعلم انه حب يعطيني انطباع انهم شغلهم مش للافراد عشان
ما يقولي لا بشكل مباشر وقد يكون يقصد انه يمدح مستوى شغلهم بانهم على مستوى عالي عشان انه شاف ان شغلي بسيط
وهذا أصلا انعكس من لحظه دخولي لكن المصنع اللي جنبهم مكتوب على اللوحه الخزائن المبتكره والصور عندي بس ماعرف
انزلهم لانها في الجوال لكن حتى الاسم المكتوب على المصنع ( مصنع الوسيل للديكور الخشبي ) لما عطاني الكرت اسم المحل
اللي في كرته مختلف عن اسم مصنع الوسيل والضاهر انه المصنع الام والمحلات ياخذون منهم مساحه معينه ما ادري لكن انا
من قالي المسكات عليك والمتر مقارب للمحلات قلت خل اروح للمحلات واخذ منهم حسب رغبتي بالتفصيلات الممتازه بدل اني
اروح ادور واضيع وقتي في النهايه الفكره اللي قلتها انت صحيحه 100%
أنا قصدي الخزائن المبتكرة هو يملك او يتعامل مع معظم المحلات اللي تم ذكرها سابقًا خزانه وخزنه وكذا محل باسماء غير
صاحب المصنع شيخ ومدير المصنع فلسطيني
اما معظم المحلات اللي يشتغلون فيها سورين
على العموم شغلهم حلو وأسعارهم مناسبة روح اللي المحل بالعزيزية او اللي بالشارع ال شافي او النصر أسعارهم مناسبة
مثل ماذكرت لك بعض المحلات عندها موديلات أغلى واشكال غير وأسعارهم مرتفعه
اليوم مريت محل يفصل خزائن ومطابخ المنيوم وبحكم اني ثبتت موضوع المفصلات شفت الانواع قال ايطالي وضمان
عشر سنوات وحصلت عنده انواع من المطابخ الالمنيوم نوع المنيوم لبناني ونوع المنيوم قطري ونوع ايطالي وهو اغلاها
وباشكال مختلفه بس المتر غالي شوي من 750 وطالع حسب النوع والشكل وخذت كرته وباستخير بين هالمحل ومحل
كيتشن والله يسهل
كيتشن استديو على كم حسب لك المتر ؟
مع الادوات الكهربائيه ولا بدون ؟
تُنسى ، كأنَّكَ لم تَكُنْ ..
حسب لي 700 اعتقد او 750 باتأكد اكثر لان كرته عندي
بس قالي شغله مهمه قال اذا السواكت متركبه هي اللي بتحكمنا كيف بنركب المطبخ وتحديد وين بيكون الفرن والميكرويف
وين المكان المخصص للثلاجه بس اعتقد بدون الادوات بس قال تقدر تقول لنا خلو لي هنا فتحه للثلاجه وهنا حيز للفرن