المشاركة الأصلية كتبت بواسطة سليمان احمد
كلام سليم ونصيحه ثمينه جدا انا مريت الخزانه الامريكيه في طريق سلوى وغالي جدا والوقت قالي ثلاث اسابيع بعد
اخذ المقاسات وقالي الدفعه نص والباقي مع التركيب او اول مانقولك جاهزه وعنده تشكيلات لكن السعر فرق معي كبيت
كامل اقصد الغرف اللي تحتاج خزائن وخاصة غرف النوم ولان البيت عندي كبير فرق معي عشان كذا فكرت في خيارات
ثانيه لكن قلت خل استشير الاخوان واستفيد من تجاربهم حصلت اعلان في مزاد قطر مصنع اسمه ( مصنع الخط الذهبي )
من خلال الصور المعروضه مبين شغلهم ثقيل لكن ماكلمتهم قلت اشوف احد جرب الشغل معهم وناوي اكلمهم اشوف عرض
سعرهم واقارن بينهم وبين الخزانه الامريكيه وشد انتباهي كلام احد الاخوان في احد المواضيع اللي قريتها الايام الاخيره
لكن الموضوع كان في سنه 2016 ان اغلب الشركات يتعاملون مع مصنع واحد لكن المحلات متعدده ولا ادري هل هذا الكلام
صحيح ولا اجتهاد منه او معلومه خطا لانه المحلات الكبار مثل الخزائن الامريكيه والخزانه الاوروبيه والاسماء هذي يتهيأ لي
سعره متقارب لكن اعتقد الديزاين والاشكال تختلف اختلاف بسيط لكن باتريث اشوف الخيارات والله يسهل وبيض الله وجهك
اخوي معماري على المشاركه والرأي الطيب انت وباقي الاخوان اللي شاركونا في هالموضوع وحتى الله ماشاركوا بعد نشكرهم