اي تاكد لي الله يخليك لان هالمحل اسعاره من 2500 وطالع
بس شغلهم فن من قلب
تُنسى ، كأنَّكَ لم تَكُنْ ..
بكره راح اكلم الشخص واتاكد ولعلمك المحل عنده تفصيل خزانات ومطابخ واخاف اني خربطت بين السعر اللي قاله لي
بخصوص الخزانه وانا حسبته عن متر المطبخ بكره راح اجيب لك سعر المتر للخزانات وسعر المتر للمطبخ ف لاتعتمدين
على معلوماتي لان ذاكرتي انا من اعتمد عليها كلش ( شيخوخه مبكره ) ف الخبر بكره عندك ان شاء الله
شيخوخة مبكرة .. عيل انا شقول .. تذكرت المحل باركوا لي ألترا لايتس
انت شيبتنا ومقبول منك حتى شيخوختك اهم شي نستفيد من خبراتك
مبروك عليك تحسن الذاكره عاد انا لو اقولك اني مخلي موتري واقف في مواقف
الدوام 8 ساعات شغال ونسيت اسكره وش تقول عني كنت مشغول بمكالمه ونزلت وخليته
شغال الحمدلله انه مانسرق والغريب المفتاح معاي وطوال الثمان ساعات كان شغال
الله يعينا على كثرة المشاغل والافكار وخاصة البنيان مشكله هم وتفكير وحسابات ويوميا
لازم تمسك ورقه وقلم وكروت انا خليت معاي في السياره ملف ودباسه عشان اجمع الاوراق
بعد نصيحة احد الاخوان قالي في وقت البنيان بتكون كانك مندوب كروت وكوتيشنات ف لاتاخذ
وتقط في الموتر لانه بيجي وقت بتضييع لذلك اقول لك الله يقوييك على طاعته
آمين وياك يا اخوي بو أحمد
والله ييسر أُمورك وتنهي بنيانك بشكل ترضاه
سو ملف للكروت وللعقود وللاسكتشات وللخرائط الموافق عليها وكذلك للفواتير وبتحتاج تشيل المراحل اللي خلصتها منه وتسوي خطة تراجعها دوم .. شوف نوع الملفات اللي فيها جرابات نايلون تدخل الورقة فيها وتشوفها كل وقت وتشيلها متى ما بغيت
صعب ثرى تجمع كل شيء وانت تاخذ كروت وأوراق وتنساها .. بعدين الملف راجعه دوم وشيله معاك
اللي يبني الحين انصحه ياخذ طيارة تصوير اللي برموت حتى يقدر يصور شيصير فوق السطح وقت الصب وقبل الصب لتصوير الحديد والتمديدات أو يركب فوق لو يقدر .. ويخلي تلفون خاص بس لتصوير البيت وكل مراحله ويراجعه مع هله والمهندس الاستشاري ويناقش وايد
الاستشاري لين شاف المالك مهتم ويمر الموقع ويصور ويتابع وعنده ملف ومتابع كل شيء كتابياً وياخذ كلام الاستشاري مكتوب وموقع غصب عليه بيهتم .. كذلك المقاول لين عطته حرية يحدد دفعاته حسب كل مرحلة وناقشته في وجود الاستشاري بحيث تكون الدفعات معقولة .. بعد بيشتغل صح وما بيكون عنده عذر وأهم شيء تكون ممسوكة عليه دفعة صيانة مستقطعة كنسبة من الدفعات المستحقة
يالربع كيتشن ستديو وليزر استديو .. شركة وحدة مجموعة لافراد قطرين ...... والخزان المبتكرة وخزانه مجموعة شركات يملكها شيخ