الإخوة والأخوات الأفاضل ...
السلام عليكم ورحمة الله وبركاته ..
أبحث عن شركة معتمدة من (كهرما) للتعاقد معها بخصوص تمديد وتوصيل الكهرباء لمشروع فلتي ..
فأحببت معرفة تجاربكم مع تلك الشركات .. مستواها وجودة شغلها .. والتزامها بالعقد .. مرونتها في التعامل مع العميل ... الخ.
وشكراً مقدماً لكل من يدلي بدلوه ...
أعرف كهربائي باكستاني جيد بس ما ادري اذا معتمد أو لا هو كان مقاول بالباطن مع المقاول الرئيسي وخلص لي شغل الكهرباء كله على أفضل ما يكون .. طبعاً فيه اشراف قوي وتصميم كهرباء ممتاز .. شكله مشغول بغيته في شغلة ولا خلصها لي يبي له ملاحق شوي
بيوصلك الرقم وتس اب لو محتاجه كلمه
وعليكم السلام ..
لو تعرف حد في كهرماء تاخذ اسماء الشركات افضل ..
لان في وايد منهم كانوا مسجلين معاهم لكن مع التجاوزات الغوا اعتمادهم ..
فممكن يخدعونك في هالموضوع بانهم مازالوا مع كهرماء ..
تُنسى ، كأنَّكَ لم تَكُنْ ..
في الرابط تحت القائمه الفئه المعتمده للبحث وراح تلاحظون تحت مكتوب 500kw
وهناك فئات اكبر والمقصد ان لكل فئه مجموعة مقاولوين مثلاالبيوت الشعبيه تقريبا
القائمه المحدده لها ب 100kw والفلل 250kw وفيه الضاهر اكبر للمجمعات والمشاريع
الكبيره كل واحد يشوف كم حجم الكهرباءعنده في القاطع الخارجي mccb ويختار الفئه المناسبه له
وللعلم هذي الشركات مخوله من كهرماء والختم الخاص بهم على التقارير سواء للي يبي يزود الكهرباء
او للتوصيل هو معتمد وهو بمثابة المندوب المعتمد ويفكك في الروحه والجيه والمراجعه وكذلك كونه معتمد من
كهرماءانت هنا ضامن انه لاسمح الله لو صار شي تشتكي عليه لانه مخول من جهة حكوميه في الدوله وهي كهرماء
وبذلك من حقك انك تضمن الشغل ان شاء الله. انه بروفيشنال وفينفس الوقت هو ماراح يغامر بالاعتماد الممنوح له من قبل
كهرماء وبيحاول يكون شغله حسب النظام وبيضطر يمشي على القانون ويشتغل في بيتك حسب القانون الخاص لكهرماء
https://www.km.com.qa/Consultant/Pag...ntractors.aspx
هذا رابط فيه المقاولين المعتمدين من كهرماء للي يبي شركات معتمده
شغل كهرماء نظيف
شيصير لو المقاول ترخيصه حديث ومن يبدأ الشغل معاك على ما يخلص البيت بعد سنتين مثلاً يكنسلون ترخيصه؟
الرخصة ضروري تطلب نسخة منها مع العقد لأي مقاول
المشاركة الأصلية كتبت بواسطة معماري قطري
اغلب المقاولين قدماء وحصولهم على الرخصه مش بالامر الهين لانه فيه مواصفات ومواد معينه وآليه عند كهرماء
وغالبيتهم كونتراكت مع كهرماء في مشاريع طبعا اتكلم على الشركات الكبار والمصنفين وفيه اكيد شركات صغار لكن
الاكيد انهم ماراح يمنحون بهم رخص الا بعد الالتزام بالمعايير اللي حاطتها كهرماء اكيد
إذا ما فيه تصميم كهرباء ومواصفات عالية وايد يلخبطون ولاحظت هذا في كثير بيوت .. ومهم الإشراف يكون بواسطة مهندس كهرباء مب بتاع كله مثل الحاصل
ما تصدق لو قلت لك في الاشراف انا جبت مهندسين يتابعون شغل الاستشاري اللي كان درجة اولى ومعين مهندس كهربة خبرة وكبير في السن .. ووقت التصميم نفس الشيء دققوا على المخططات والمواصفات .. والحمد لله هذا الجهد جاب أفضل النتائج .. فوق هذا بيتي له حول 15 سنة بلا مشاكل كهرباء تذكر .. المشاكل العادية بس حتى الليتات تطول وبعضها وهي كثيرة ما تغيرت من سكننا البيت
واحد من الربع وهو مهندس عطى مشروع كهربة بيته لشركة اتش بي كي بمبلغ كبير 400000 وكان يقول لي ابي اظمن شغل جيد .. حتى استغربت المبلغ ذاك الوقت
اخ معماري على ذكر الليتات اللي تطول ودي انشدك عن افضل الليتلت الحاليه في السوق اللي تطول وماركتها
لان هالشغله مهمه جدا بالنسبه لي وطبعا انا قصدت اقول في السوق حاليا لاني عارفان بعدعام 2017 تغير سوق المواد
تغير كامل بغيت منك نصيحه في اختيار الليتات لانيشددت على المقاول في الكهرباء تشديد كامل فيما يخص المواد مثل
الديبي والوايرات والسوكتات واخر شي الليتات والفتره الجايه بتكون مدة تركيب الفنشنق للكهرباء واقصد السوكتات
والليتات وانا مريت كذا محل وحصلت انواع بس الاصناف الصينيه مغرقه السوق فبغيت اسم النوع اللي تطول بالشهور
ومانستغني من نصايحكم للفائده للجميع
اللي لاحظته إن اللي يبيعون الليتات يشجعون على التوصيل المباشر بدون محول أو ترانسفورمر ويغرون الواحد إن الليتات متوفرة في السوق غالبيتها بدون محول .. وهذا يا اخوي الظاهر اتفاق بينهم حتى لو طولوا يبقون 3 أو 4 سنين .. انا مركب جزء بدون محول وهذا حدهم أما اللي بمحول فعمروا معاي .. المحول ششغلته؟ وأكيد بيوضحها أكثر عبدالعزيز أو عزيز يو كي .. المحول يعطي كهربة متزنة وثابتة وحسب نوعه وجودته يحتفظ بجزء من الكهربة حتى لو حصل انقطاع لحظي أو تذبذب يعطي الليتات كهربة مستمرة
أكثر شيء يحرق الليتات لو ولعتها وطفيتها سرعة قبل لتصخن حتى وحتى لو عندك ترانسفورمر .. عندي ليت طويل نيون مع الفكسجر شاريه من الشعلة ومركبه فوق مراية المغسلة وتقريباً ثلاث مرات اسبوعياً اشغله لكنه باقي لأنه صناعة جيدة ألماني وحتى سعره كان تافه بس فيه ميزة فيه فتحة لتوصيل الكهربة وركبت عليها واير بعدة فتحات حق مكينة الحلاقة والسشوار
ما ادري ألحين تلقى هالنوعيات أو لا .. مريت من أيام على الدرويش طلع شغلهم غش وما يجيبون بضاعتهم القديمة .. نصيحتي صر على المحول وخذ نوعية زينة وخذ نوع ال اي دي يشتغل بمحول ومن ماركة مثل جنرال الكتريك أو اوسرام
إغتشيت في كيو لايت هذا صناعة قطرية وتوصيل مباشر ركبت حق ثرية من 12 ليت احترقوا 2 .. رخاص هذي ميزتهم ونورهم قوي وطبيعي أصفر مب ابيض
ضوابط المشاركة
رد مع اقتباس