أصدر كل من الشيخ علي القره داغي والدكتور وليد هادي فتوى بجواز الاكتتاب في اسهم شركة بلدنا تتضمن النص التالي( بناء على التزام الشركة بأحكام الشريعة، وتشكيل هيئة شرعية لها، يجوز الاكتتاب في اسهم شركة بلدنا،،، والله الموفق)
علما بأن تاريخ بداية الاكتتاب هو 27 اكتوبر 2019م ولغاية 7 نوفمبر 2019 ، قيمة السهم 1.20 ريال والحد الادنى 500 سهم
بالتوفيق للجميع
احنا للحين ما شفنا نشرة الطرح ولا اي تفاصيل
بس الحمدلله دام انها حلال 100%
هذا شي طيب
بانتظار ينشرون باقي التفاصيل
الله يوفقنا جميعاً لما يحب ويرضى
القيمه الاسميه لاسهم السوق 1 ريال
مع علاوة الاصدار كما يحدث سابقا 1.01 ريال للسهم
كيف اصبحت 1.2 ريال
ننتظر التفاصيل الرسميه
المهم حاليا ان الشركه نقيه
سؤال بريء
ليش ما سووا تقييم لجميع شركات الالبان القطرية وتكتل بإسمها وطرح أسهمها جميعاً مرة وحدة؟
اللي يهمني تكون قيمة السهم حقيقية وربحية السهم معروفة مب ملمع وقت الاكتتاب ويظلم أول ما ينزل السوق في نظري بسبب الربحية الشحيحة نظراً للتقييم العالي والارباح المحدودة
السؤال الي بمليون ريال:المشاركة الأصلية كتبت بواسطة معماري قطري
كم ديون بلدنا؟
اذا الشركة فيها فلوس : فسهمك رأس مال
أما اذا الشركة مديونة : فسهمك التزام عليك
انتظر وشوف
القروض امر وارد في كل الشركات
وكثير من شركات السوق الكبيره سواء بروه والمتحده والتحويليه شركات عليها قروووض للاستثمار في مشاريعهم
ولكن الاهم هو ربحية السهم وبياناته وما اذا كان يعتمد على الدعم الحكومي او لا !
واذا كان يعتمد على الدعم هل سيستمر الدعم بعد الادراج ولا لا ؟
ثاني شي احنا كمواطنين بنكتتب ولكن كم نسبتنا فالشركه وكم نسب الاخرين؟ ومن هم الاخرين ؟
وهل سيدفعون لحصصهم او لا ؟
اذا المواطنين بيسددون القروض من الاكتتاب
الاخرين بيسددون عن نسبهم او لا ؟
هالتفاصيل اللي ننتظرها من البيانات الماليه ونشرة الطرح
لاول مره تطلع الفتوى قبل نشر تفاصيل الشركه رسميا !!!
لاول مره يتم تسريب بعض البيانات كموعد الاكتتاب وقيمة السهم ومن هالكلام !!!
هل هو لجس نبض الناس مثلا ؟؟؟
ليش تسرب الاخبار !!! ليش ما تكون على قدر عالي من الشفافيه وتنشر كل شي رسميا وتخلي كل مواطن يقرر من نفسه !!!
اخشى ان يتم الاعتماد على مشاهير السوشيال ميديا لنشر تفاصيل الاكتتاب
موضوع نشر اخبار عن افتتاح مشاريع ومن هالكلام خارج قطر
بدون ارقام ونسب كل دوله والفايده التي ستعود على بلدنا
يعتبر كلام فاضي !!!
مب شطاره انك تفتتح مشاريع هنا وهناك الا اذا نشرت الارقام ودراستك للمشروع وكم المتوقع كعائد على الطرفين ومن هالكلام
اوريدو مثلا ماخلت دوله فالعالم الا ودشت في مشاريع الاتصال والنتيجه ماذا ؟؟؟
السهم اضعف مما كان عليه قبل هذه المشاريع بل انه المساهمين تكبدوا خساير فرق العملات وخساير بعض المشاريع في بعض البلدان لسنوات
وكانت تضغط على ارباح اوريدو
في حين لو احتفظت اوريدو من كم سنه بالنقد اللي كان عندها ومادشت في المشاريع اللي دخلتها كان الحين هي بقوة الوطني ماليا
وكان ممكن تفتح بعد فيهم بنك تسميه اوريدو بنك
اممممم مو مشكله
مكتوب فالصوره انه يعتمدون على 10000 بقره حلوب
وانه يريدون الوصول الى انتاج 50 مليون طن من الحليب
من وين ؟ من ال10000 بقره
حلو ؟
نجي الحين لخبر منشور في جرايدنا عن مزرعة بلدنا قطر
ويتكون مشروع مزرعة بلدنا من 10 آلاف بقرة حلوب مع اعتمادات لألفي بقرة حليب إضافية.*
وتلعب «بلدنا» دوراً كبيراً في تحقيق استراتيجية الاكتفاء الذاتي وقد زاد دورها أكثر في أعقاب الحصار فيما تشير البيانات المتاحة إلى أن مزرعة بلدنا لإنتاج الثروة الحيوانية تأسست عام 2014 لتحقيق الاكتفاء الذاتي في مجال إنتاج الثروة الحيوانية وصناعة الألبان، وتغطي نحو 15 % من سوق الألبان، وتمتد مساحة المزرعة على 38 هكتاراً، إضافة إلى المزرعة الخارجية الجديدة والتي تمتد على مساحة 180 هكتاراً، ويُقدّر الإنتاج الحالي بنحو 5.500 طن من منتجات الألبان سنوياً و1.000 طن من لحوم الأغنام الحيّة سنوياً، وبحلول مايو 2018 يتوقع أن تغطي جميع احتياجات السوق المحلي وبالنسبة لمنتجات اللحوم كما تقوم المزرعة حاليّاً بتلبية ما يقرب من 70 % من سوق لحوم الأغنام العواسي وبحلول أكتوبر 2018، سوف تنتج 5.000 طن من لحوم الأبقار الحيّة.
==================
سؤال ليس بريء
هل 10000 بقره في ماليزيا تجيب 50 مليون طن سنويا
وال12000 بقره في قطر تجيب 5500 طن سنويا ؟؟؟
انزين شلون هل بقرنا 2 سلندر
والبقر اللي في ماليزيا 30 سلندر
ولا شسالفه !!!
لذلك نقول خلكم اكثر شفافيه وحدث العاقل
ياخي اعتبرني ما افهم
فهمني حبه حبه ؟
ادري لو نتعمق في هالكلام بيقولون لااا 50 مليون طن هو هدف دولة ماليزيا في الاكتفاء من الالبان وليس شركة بلدنا
انزين انا شدخلني تنزل لي هدف ماليزيا وتحط زوووم على الرقم وتكبير ومن هالكلام
التعديل الأخير تم بواسطة مضارب دوسري ; 16-10-2019 الساعة 11:54 AM
ضوابط المشاركة
رد مع اقتباس