دول عالم ثالث عندنا وعندكم اخوي سالم
طلبت مرة شغلة وسووها حق منخفض خطر والكل يتفاداه .. المشكلة في نفس الشارع بعض الحفر الصغيرة اللي مروا لازم بيلاحظونها ولا سووها وهذي زادت واتسعت .. العملية سهلة والمفروض لو ما عندهم عدة يكتبون تقرير مصور للمسؤول .. ألحين الأُمور تطورت والوسائل سهلة وموجودة وهذي الفرق تابعة للدولة وهذا واجبها
الدول والجهات من شكل الناس..الحين بعض الناس (انتبه لا تكون منهم يا معماري) يطلع بقية الاكل عشان تاكله القطاوة (باسم انه صدقة)؟ كنه قد شاف قطو ميت من الجوع! ولا باسم (حفظ النعمة).. وما فكر انه يقلل كمية العيش وجذيه يحفظ النعمة.. مب يحطها بسفرتها في الشارع للقطاوة.المشاركة الأصلية كتبت بواسطة معماري قطري
المهم اننا كنا نسويها باسم الصدقة في الطيور والقطاوة.. لكن يوم طلعت لنا الفيران و الحشرات.. عرفت ليش الدين أمرنا نرفع حتى التمرة من الأرض..
المشكلة النظافة تجاوبهم ضعيف.. ولا المفروض اقول لهم.. ترى دراماتكم الجديدة المغطاة عن القطاوة والهوام مامنها فايدة.. لان نص الشارع يحطون أكل القطاوة ع الأرصفة.
اللهــــــم ارحم أخي فايز واسكنه فسيح جناتك وسائر أموات المسلمين
بارك الله فيك على هذه الملاحظة القيمة...... انتظر رمضان قريبا ان شاء الله و الليالي المباركه و ليلة الوقفة و العشر الاواخر ..... في الأسواق و عند المساجد و طوارئ حمد و مستشفى السرطان ....موسمهم...كلهم منقبات علشان ما ينعرفونملاحظة 59
اول أمس شفت على اشارات حفصة طرار يلف بين السيارات وقرب صوب سيارتي قلتله روح لا اجيبلك الشرطة وبعدها لفيت صوب اشارات عبد الغني واشوفلك
بعد واحد وشفتهم اكثر من مرة والمشكلة اذا بتبلغ يكون هربونتمنى عمل الية لظبط هؤلاء المتسولين مسك اليد .
متفق تماما معاك.... يبيلنا همة و سرعة في التنفيذ و شغل 24 ساعه مب تسكيرات و تعطيلات و تضييق على خلق الله و شغل ثمان ساعات بس و يمكن اقل و مب كل يوم بعد
اعجبتني جدا فكرة انه قيمة المخالفة تروح للمتضرر..... يا سلام لو يتم مقاسمتها بين المرور اللي هو مسؤول عن تحصيلها و تنفيذها و تفعيل القانون و المتضرر اللي وقع عليه الضرر و الاذيه
صراحة الناس تتجنب التبليغ خوفا من ازعاج السلطات خاصة لو اختفوا المخالفين ....و من نبلغ و ما هو رقم الاتصال
للاسف ما في اجراءات واضحة لي خدمة .. و حتى لو كتبت كتاب انت و الجيران و الفريج كله اصلا ليش ذي كله؟؟
يكون في خدمات تغطي على الاقل المشاكل او طلبات السكان بدل كتابة كتب و ما تدري يقرونها او يقطونها!
فريجنا للحين رسته و ما فيه قار مع العلم ان باقي الشوارع حوالينا قار و الامور مع المطر ما يحتاي اشرح و اوضح دور الطين و خاصة مع اللي سياراتهم صالون.. من كثر ما كلمت اشغال صاروا حافظين رقمي و نفس جملتهم المعهودة: اكتب كتاب و الجهة المختصة بتتواصل معاك!
التعديل الأخير تم بواسطة SouthK ; 11-03-2020 الساعة 02:24 PM
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
ممكن يسوون مواقف اوتوماتيكية ادوار لحل مشكلة مواقف الابراج .. ما تاخذ مساحة (في بعض التصميمات مساحتها نسبيا كبيرة) و صيانتها بسيطة و مب محتاجة لمتابعة .. شفت منهم في المانيا و السعودية من كم سنة شفت فيديو للنوع ذي من المواقف!
طريقته سهلة .. توقف سيارتك على قاعدة و تطلع و تضغط زر على لوحة التحكم و تدخل سيارتك و هي على شي يشبه السقالات و تكون مأمن على السيارة من الدعمات و الضربات و المخالفات. لما ترجع تستدعي السيارة عن طريق نفس النظام اللي يتحكم في صف السيارات فتنزل السيارة و بس تشغل و تحرك!
هذا فيديو يوضح فكرة المواقف ذي:
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
والله يا اخوي وجهة نظر في محلها .. انا بعيوني شفت سوبر فار طالع من بيت العمال اللي جنبي وراكب على الغرفة الصغيرة اللي يحط السايق بقايا العيش عليها للطيور .. لازم اشوف طريقة السم للفيران بدون ما ياثر على الطيور وأكلها واحطه فوق
انا متعود اتصل 999 وهم يحولوني على الجهة المختصة ولو طاريء على الجهة اللي تتعامل مع نوع الطاريء .. وبالعكس ما فيه ازعاج ازعاج السلطات هذا مصطلح اخترعوه اللي ما يبون يؤدون واجبهم
حتى عيالي معلمهم اي شيء مريب يتصلون ويقولون .. مثال سيارة قديمة واقفة في مكان تسبب خطر ولها وقت نبلغ عنها .. وأي تصرف فيه ضرر للناس وللذوق العام سيدة نبلغ عنه
نظام ميكانيكل وهيدروليك خراباته وايد ومكلف أصلاً من البداية كل اللي يحتاجونه ارتفاع صافي للدور 2.4 أو 2.45 حتى يكون قانوني حسب المقاييس الدولية وبدون مبالغات وأدوار ومدخل مرتب أو اثنين ومخارج نفس الشيء .. التصاميم سهلة وموجودة ومتكررة وبعضها تجي بتهوئة طبيعية وأطراف مزروعة يعني تعطي جمال وبرودة طبيعية وجو ملطف
ضوابط المشاركة
رد مع اقتباس