ملاحظاتكم السلبية على السريع - موضوع متجدد

[يمامـة]

وملاحظة اخرى عن المراكز الصحية والمستشفيات ونتمنى من وزارة الصحة وضع تعميم بمنع اصطحاب الأطفال إلى لمراكز الصحية والمستشفيات الا اذا كان لدى الطفل المعني موعد
لانه المراكز الصحية صارت كنها متنزه عائلي ودوشة وازعاج وأطفال يركضون ويصرخون ناهيك عن إتلاف بعض المرافق ... تروح تتعالج يصيدك صداع من الإزعاج .

انت بس تشتكي من اصطحاب الاطفال؟

الزيارات اللي من غير سنع و اوقات محددة
هذي بروحها ترهق و تتعب المريض..
خاصة لكبار السن اللي يصعب يخصصون لهم
غرف خاصة..
تعال اسمع ام الازعاج لين الوحدة نص الليل.

[khaldoon]

نفس الشيء حاصل في طريق سلوى وسوق عند العزيزية محل كبير انهجر بعد ما انباق السوبرماركت اللي مسمينه هايبرماركت ولا ادري وين طالعين لنا بهالإسم من إدارته .. قربه الرخام متكسر ووصخ الرصيف والمدخل .. وين البلدية عنه قبل ساكنيه مهتمين بنظافته.. وفوق هذا الرصيف مقصوص قصة غريبة تسبب سقوط وتجمع الماي في الوسط بالضبط قرب مصرف الريان .. مستغرب من هالحلول الهندسية ومن اللي مقترحها

الحل بسيط جدا ....لو في فرق متابعه لكل منطقة مع تدقيق عليهم انهم يشوفون شغلهم عدل و الا لا اعتقد بتكون النتيجه غير بس ما نبي نتطور

[khaldoon]

تبي الصراحة بخصوص الصحة
اقعد و اقوم و اردد الحمدلله على هالنعمة

الحمد لله دائما و ابدا بس طالما نعرف انهم يقدرون يكونون احسن ليش نسكت.....ولد لو قادر يجيب 100% ليش تقبلين منه 95%؟؟!!

قد تكون المشكلة فيني اني باردة
في النظر للسلبيات اللي تواجهنا من خدمات

يمكن يئستي منهم ...او مثل اللي تتمنى النجاح بأي معدل لولدها و كل شي منه زين هههههه

الصحة في بلادنا يمكن لان الايجابيات اكبر و لله الحمد...
و فوق هذا مثل هالامور حاصلة في كل مكان
صحيح نبي لها الافضل لكن مثل ما قلت
ايجابيات الخدمات الصحية اكثر من السلبيات..

صحيح و متفق معاكي والله يديم الصحه و العافيه على الجميع و ما يحتاجون الخدمات الصحية ابدا

اما بخصوص اني اعلق و اختفي

يا ستو صايرة عندي بلادة رقمية
ما ادري شسالفة

اعتقد اني تشبعت من العالم الرقمي..
او احتمال الهوايات الثانية سحبتني من هالعالم..

ايش الهوايات الثانيه اللي شاغتلك عن المنتدى قولي لو سمحتي

الرد بالازرق

[khaldoon]

الملاحظة رقم 28

ونقول عن ملاحظة تكلمنا فيها سابقا وهي هدر الماء بأماكن الوضوء بالمساجد والله إستهلاك غير طبيعي يجيك الواحد يتوضى يستهلك ماي يكفي عشيرة
وفي بعض اماكن الوضوء مكتوب فيه عن عدم هدر الماء ولكن لا حياة لمن تنادي ونتمنى من الاوقاف عمل نظام الخلاطات التي تعمل بالاشعة الحمراء او عمل محبس
يتحكم بكمية الماء ويكون مخفي .

كلامك صحيح تقول ناس تتسبح مب تتوضأ....فعلا لاحظنا هالشي ... أتمنى ملاحظتك توصل للمعنيين

[khaldoon]

الملاحظة رقم 29

وملاحظة اخرى عن المراكز الصحية والمستشفيات ونتمنى من وزارة الصحة وضع تعميم بمنع اصطحاب الأطفال إلى لمراكز الصحية والمستشفيات الا اذا كان لدى الطفل المعني موعد
لانه المراكز الصحية صارت كنها متنزه عائلي ودوشة وازعاج وأطفال يركضون ويصرخون ناهيك عن إتلاف بعض المرافق ... تروح تتعالج يصيدك صداع من الإزعاج .

والله يا اخوي يبدو انه رؤيتك للموضوع تختلف تماما عن رؤية الرعاية الصحية الاوليه..... اعتقد يبون يحببون الأطفال بالذهاب الى المراكز الصحيه و سوون لهم منطقة العاب و تلوين و تسلية

اما ما تفضلت فيه من ركض و ازعاج و منتزه فمعاك حق مية بالمية و أتمنى بأسرع وقت انهم يركبون لهم مراجيح و زحاليق للأطفال احباب الله علشان الفرحة تكمل

[khaldoon]

الملاحظة رقم 30

كلنا سمعنا انه بتصير فترة ضمان الخادمة هي 9 شهور بدلا من 3 شهور لكل الطلبات المقدمة من تاريخ 01/01/2020 و لله الحمد و المنه انهم استجابوا لمطالبات الشعب لحفظ حقوقهم

و لكن السؤال المهم الان هو كم راح تصير رسوم استقدام الخادمة لما يتطبق القرار؟..... الرسوم الان مع 3 شهور ضمان تتراوح بين 12500 الى 15500 حسب المكتب .... الحين لما تصير 9 شهور كم بتصير ان شاء الله؟...... لو كانت الأسعار مرتفعه جدا بيصير استقدام الخادمة هو فقط مقصور على الطبقة الارستقراطيه والمخملية او بنصير نتغرب و نشتغل علشان نقدر نسدد رسوم الخادمة!!!

بيصير الناس يقيسوا الوضع المادي للناس و يقولوا يا جماعه هالعيله هذه عندها خادمة.....بيصير اللي يمشي ومعاه خادمة مثل اللي ماشي بسيارة بنتلي ههههه......

أتمنى أكون غلطان

[khaldoon]

الملاحظة رقم 31

انتم يا أعضاء المنتدى العام ايش صاير فيكم...... مع احترامي للجميع بس كلكم نايمين ولا في مشاركات من امس..... بس مشاركة واحده على موضوع اخر!!!.... هالمنتدى كان شعلة نشاط ليش تطفون هالشعلة و تكتفون بالمطالعه فقط

معقول ما في شي يستفزكم انكم تطرحون مواضيع او تعلقون بأي شي؟؟!!!

[مرتبش]

عن الرسوم
سمعت سابقا ..ان في السعودية تكلفة لاستقدام الخدم توصل 20 الف... اعتقد ان دول الخليج تستقدم خدم بشكل مبالغ فيه وغير صحي.. هذا الطلب على الخدم يدعم استغلال البشر في بلدانهم .. اتمنى نقلل اعدادهم الضخمة ونقتصد

[معماري قطري]

الحل بسيط جدا ....لو في فرق متابعه لكل منطقة مع تدقيق عليهم انهم يشوفون شغلهم عدل و الا لا اعتقد بتكون النتيجه غير بس ما نبي نتطور

صورته بانزل الصورة صراحة حل هندسي كشرة أول مرة أشوف رصيف مسوين له عملية تنحيف وتنزيل من الوسط حتى تكون الابواب شوي أنزل من الرصيف .. وضع غريب اللي شافه بيأيدني أما بالكلام ما ينفهم

[معماري قطري]

الملاحظة رقم 30

كلنا سمعنا انه بتصير فترة ضمان الخادمة هي 9 شهور بدلا من 3 شهور لكل الطلبات المقدمة من تاريخ 01/01/2020 و لله الحمد و المنه انهم استجابوا لمطالبات الشعب لحفظ حقوقهم

و لكن السؤال المهم الان هو كم راح تصير رسوم استقدام الخادمة لما يتطبق القرار؟..... الرسوم الان مع 3 شهور ضمان تتراوح بين 12500 الى 15500 حسب المكتب .... الحين لما تصير 9 شهور كم بتصير ان شاء الله؟...... لو كانت الأسعار مرتفعه جدا بيصير استقدام الخادمة هو فقط مقصور على الطبقة الارستقراطيه والمخملية او بنصير نتغرب و نشتغل علشان نقدر نسدد رسوم الخادمة!!!

بيصير الناس يقيسوا الوضع المادي للناس و يقولوا يا جماعه هالعيله هذه عندها خادمة.....بيصير اللي يمشي ومعاه خادمة مثل اللي ماشي بسيارة بنتلي ههههه......

أتمنى أكون غلطان

والمتقاعد يا خلدون شيسوي لهذي الرسوم