ملاحظاتكم السلبية على السريع - موضوع متجدد

[معماري قطري]

الشر مايجيك
أنا معاك بالكلام بس قصدي الان انتشرت البكتيريا بالعالم بشكل خطير وامراض البكتيريا قاتل خفي بس ان توصل لدرجة ان الطبيب مايطلب فحص بلد كلشتر فحص التهاب الدم هاذي مصيبة للأسف الدكتور هنا تواصل مع دكتور قطر اصدمه دكتورنا قال ليش مأسويت كذا كذا قال ماتوقعت وسكت لكن ارجع بالسلامة بإذن الله طلعته من البلد بالقانون وبرفع قضية والقانون يأخذ مجراه


أرسلت بواسطة iPad بإستخدام Tapatalk

الله يعينك ويتمم عليك الشفاء

القانون يا اخوي في هذي البلاد يشيب الراس ودوم مع الظالم والمخطيء

[معماري قطري]

ملاحظتي

الوصاخة و القذارة في منطقة الاسواق و بعض المناطق.. كأن مكتوب عليها انها تكون وصخة
عكس الاهتمام بنظافة المناطق الثانية.

سوق الحراج و العفيسة عند البيع وعرض البضايع
المستخدمة.. شي يفشل لا ترتيب و لا تنسيق

كل يقط اغراضه و يعرضها للبيع!!

نفس الشيء حاصل في طريق سلوى وسوق عند العزيزية محل كبير انهجر بعد ما انباق السوبرماركت اللي مسمينه هايبرماركت ولا ادري وين طالعين لنا بهالإسم من إدارته .. قربه الرخام متكسر ووصخ الرصيف والمدخل .. وين البلدية عنه قبل ساكنيه مهتمين بنظافته.. وفوق هذا الرصيف مقصوص قصة غريبة تسبب سقوط وتجمع الماي في الوسط بالضبط قرب مصرف الريان .. مستغرب من هالحلول الهندسية ومن اللي مقترحها

[يمامـة]

نفس الشيء حاصل في طريق سلوى وسوق عند العزيزية محل كبير انهجر بعد ما انباق السوبرماركت اللي مسمينه هايبرماركت ولا ادري وين طالعين لنا بهالإسم من إدارته .. قربه الرخام متكسر ووصخ الرصيف والمدخل .. وين البلدية عنه قبل ساكنيه مهتمين بنظافته.. وفوق هذا الرصيف مقصوص قصة غريبة تسبب سقوط وتجمع الماي في الوسط بالضبط قرب مصرف الريان .. مستغرب من هالحلول الهندسية ومن اللي مقترحها

اخوي المعماري

لو الموضوع متعلق برخام متكسر او انترلوك مفجج
بنقول معليه عوامل التقدم في العمر..

لكن

شوف ما بين سوق الديرة و العسيري و فالح
و صوب الجبر..

و ركز ما بين سوق العسيري و انت رايح صوب الديرة..
قمة القذارة .. و كل انواع العلب و القراطيس
مرمية على الارض.. و سلال الزبالة تكرم بروحها مأساة..

و عقب تعال صوب ما اعرف اسم الشارع
بس الشارع العام اللي يوديك من منطقة الاشارات المينونة لين محطة بترول الشعب او سناء او مدينة الالعاب.. المحلات اللي على اليسار..
تلقى محذفين قراطيس و علب مشروبات غازية
و غراش .. باقي بس تشوف بقايا اكل!!

اما تخطيط الشوارع.. انت لو دخلت العزيزية من
صوب بيت الشيخ بتضحك على المخرج من الفريج
كان شارع بمسار واحد النجال ما يمر منه( ياا الهي على هالتخطيط) بعد ما كملوا الشارع ياتك شركة ثانية كبرت الشارع!!

الارصفة صوب منطقة العزيزة اوسع من الشارع
(يا الهي) و السيارات تتغلغص احذا بعض علشان
يقدرون يكملون طريقهم..

تحس حركة اسوي شي يحتاج لتصحيح لاستفادة
عدد اكبر من الشركات صارت حرحة غبية و مكشوفة!!

[يمامـة]

السيد/السيدة
شكرا لتواصلك مع خدمة عملاء نسمعك بمؤسسة حمد الطبية, لقد تم تسجيل افادتك تحت رقم .......
سوف نقوم بالتواصل معك و بابلاغك بالمستجدات في اقرب وقت ممكن اذا كان لديك أي استفسارات يرجى الاتصال على 16060

ثانيا اهلا و سهلا بعودتك ستو يمامة ..... تغيبين شهرين و ترجعي يومين تعلقين على كذا موضوع و تختفين مرة أخرى

و أولا هذه شكوة طازه جديده ع الاخر يوم الخميس و ما راح يسوون شي.....بس اللي متأكد منه انهم راح يسكرونها بطريقة أي كلام لانه ما في نية صادقة و جادة للتغيير نحو الأفضل

كتبت ثانيا قبل أولا لاني ما عرفت احدد مين اهم

تبي الصراحة بخصوص الصحة
اقعد و اقوم و اردد الحمدلله على هالنعمة
قد تكون المشكلة فيني اني باردة
في النظر للسلبيات اللي تواجهنا من خدمات
الصحة في بلادنا يمكن لان الايجابيات اكبر و لله الحمد...
و فوق هذا مثل هالامور حاصلة في كل مكان
صحيح نبي لها الافضل لكن مثل ما قلت
ايجابيات الخدمات الصحية اكثر من السلبيات..

اما بخصوص اني اعلق و اختفي

يا ستو صايرة عندي بلادة رقمية
ما ادري شسالفة

اعتقد اني تشبعت من العالم الرقمي..
او احتمال الهوايات الثانية سحبتني من هالعالم..

[يمامـة]

الملاحظة رقم 27



معاكي حق ... ايش الرابط بين الوساخة و الأسواق و البصاق في كل مكان و غيرها.... أولا غياب امن الأسواق و المراقبة او المتابعه و ليس الوعي..... حتى لو في وعي وما في رقابه في ناس من داخلها تعي الصح و الغلط بس مصرة انها توسخ ما حولها من باب الكسل و عدم الرغبة و الاهتمام بنظافة مكان الاخرين لانها ناس وسخة من داخلها ..تماما مثل المخالفات المروريه...اي شخص يسوق سيارة وعنده رخصة يعني يعي تماما لكل إرشادات و قوانين المرور و مع ذلك يخالف و لهالسبب الكاميرات اللي تشكل ميزانية على الدولة ... أي دولة تدفع ثمن هذه الكاميرات بسبب وجود هذه الفئة المهمله ..... طبعا ممكن تدفعها الدولة او تحصلها من فلوس الضرائب يعني يدفعها الشعب......و بالنهاية خسارة على احد ما بسبب وجود فئة مهملة سلبية في المجتمع

لو في كاميرات مراقبة تبين ان هذا المكان مراقب منعا للاحراج و سيتم ضبط كل من يلقى قمامة او يبصق قبل المغادرة مثل ما يكتبونه للناس علشان ما تسرق فأكيد راح يكون الوضع غير

اللؤلؤة و المولات مثلا مكان نظيف بسبب المراقبة و ليس لان الناس هناك ارقى و افضل

سؤالك وجيه

بالفعل

شنهو الرابط ما بين الاسواق و القذارة؟

البعض برر بوجود العمالة او المقيمين اللي
مب مهتمين و كثرة عددهم..
المشكلة اني ما اشوف عمال نظافة
و لا اشوف مثل هالوصاخة في سوق واقف
مع ان المقيمين و العمال من رواده!!

[khaldoon]

سؤالك وجيه

بالفعل

شنهو الرابط ما بين الاسواق و القذارة؟

البعض برر بوجود العمالة او المقيمين اللي
مب مهتمين و كثرة عددهم..
المشكلة اني ما اشوف عمال نظافة
و لا اشوف مثل هالوصاخة في سوق واقف
مع ان المقيمين و العمال من رواده!!

لا انكر ان هناك فئة كبيره من المقيمين و خاصة من دول شرق اسيا سواء الهند او باكستان .....الخ مستواهم و وعيهم ضحل جدا و ضعيف بس اكيد يعرفون في القوانين و هم أساس البلاء

بس خلنا نقول انه لو التجار و أصحاب المحلات تعرضوا على مدار كم يوم و خلنا نقول لاسبوع الى سرقات يومية ...اكيد راح يقيموا الدنيا وما يقعدوها و يركبون كاميرات و يحطون امن و يسوون كل الإجراءات اللي تقنعهم انهم في امان و ما في خوف عليهم ولا على حلالهم..... بس التجار نفسهم أصحاب المحلات لما يشوفون الوساخة و القذارة اليومية حولين محلاتهم و في مكان و انه بيئة عملهم قذرة و وسخه ما يسوون شي..... هنا نجد انهم هم أيضا ملامين على هالموضوع

حضرتك قولتي ما في عمال نظافه طيب ليش التجار ساكتين على هالشي و ليش ما شكوا و ليش ما صار في عمال نظافة؟؟!!
لو محلاتهم تسرق بشكل يومي راح يطالبون بوضع حراسه و الا بعد يسكتون وما يسوون شي مثل الغنم!!

لو سمح للناس انهم ياخذون راحتهم في كل الإمكان راح يوسخون في سوق واقف و الكورنيش و اللؤلؤة و اسباير و المولات و في كل مكان

اعيد و اكرر ... اهمال أصحاب المحلات و تسويفهم في حقهم في انهم يفتحون محلات بمكان نظيف و رخص الاجارات في هذه المناطق و ما ينتج عنها من رخص الخدمات المتوفره لهم حسب فلوسهم و ايجاراتهم و عدم متابعتهم لوجود عمال نظافه و بالتالي انعدام المتابعه و الرقابه و السيكوريتي و كاميرات المراقبه و العقوبات الرادعه مع مقيمين قذرين لا يمتوا الى النظافة و الاخلاق و الذوق بصلة كل هذا يؤدي الى منطقة قذره مثل من يقطنها و يعيش فيها

لان في مثل يقول love it or leave it يعني اللي ما يقبل على نفسه انه يكون بمكان قذر وخايف على صحته و صحة عيلته راح يهد المكان ....الم تكن ارض الله واسعه

و أيضا من أمن العقوبه أساء الادب

[@north_star@]

ونقول عن ملاحظة تكلمنا فيها سابقا وهي هدر الماء بأماكن الوضوء بالمساجد والله إستهلاك غير طبيعي يجيك الواحد يتوضى يستهلك ماي يكفي عشيرة
وفي بعض اماكن الوضوء مكتوب فيه عن عدم هدر الماء ولكن لا حياة لمن تنادي ونتمنى من الاوقاف عمل نظام الخلاطات التي تعمل بالاشعة الحمراء او عمل محبس
يتحكم بكمية الماء ويكون مخفي .

[@north_star@]

وملاحظة اخرى عن المراكز الصحية والمستشفيات ونتمنى من وزارة الصحة وضع تعميم بمنع اصطحاب الأطفال إلى لمراكز الصحية والمستشفيات الا اذا كان لدى الطفل المعني موعد
لانه المراكز الصحية صارت كنها متنزه عائلي ودوشة وازعاج وأطفال يركضون ويصرخون ناهيك عن إتلاف بعض المرافق ... تروح تتعالج يصيدك صداع من الإزعاج .

[معماري قطري]

اخوي المعماري

لو الموضوع متعلق برخام متكسر او انترلوك مفجج
بنقول معليه عوامل التقدم في العمر..

لكن

شوف ما بين سوق الديرة و العسيري و فالح
و صوب الجبر..

و ركز ما بين سوق العسيري و انت رايح صوب الديرة..
قمة القذارة .. و كل انواع العلب و القراطيس
مرمية على الارض.. و سلال الزبالة تكرم بروحها مأساة..

و عقب تعال صوب ما اعرف اسم الشارع
بس الشارع العام اللي يوديك من منطقة الاشارات المينونة لين محطة بترول الشعب او سناء او مدينة الالعاب.. المحلات اللي على اليسار..
تلقى محذفين قراطيس و علب مشروبات غازية
و غراش .. باقي بس تشوف بقايا اكل!!

اما تخطيط الشوارع.. انت لو دخلت العزيزية من
صوب بيت الشيخ بتضحك على المخرج من الفريج
كان شارع بمسار واحد النجال ما يمر منه( ياا الهي على هالتخطيط) بعد ما كملوا الشارع ياتك شركة ثانية كبرت الشارع!!

الارصفة صوب منطقة العزيزة اوسع من الشارع
(يا الهي) و السيارات تتغلغص احذا بعض علشان
يقدرون يكملون طريقهم..

تحس حركة اسوي شي يحتاج لتصحيح لاستفادة
عدد اكبر من الشركات صارت حرحة غبية و مكشوفة!!

أما سؤ وائف لي سنين ما مريت مناك ولا العسيري وغريبة فيه وصاخة ولا فيه رقابة وعقاب لرمي المخلفات للحين

ملاحظتج على شوارع العزيزية معاج فيها كنت استانس عليها بالميني نتيفة تناقز فوق المنهولات كل شوي ططخ وتلف يو تيرن بسهولة .. بعدين مريت باللكزس ما احس بالمطبات ولا المنهولات بس اللفة لازم أما اضرب الرصيف أو ارجع ريوس

[معماري قطري]

ونقول عن ملاحظة تكلمنا فيها سابقا وهي هدر الماء بأماكن الوضوء بالمساجد والله إستهلاك غير طبيعي يجيك الواحد يتوضى يستهلك ماي يكفي عشيرة
وفي بعض اماكن الوضوء مكتوب فيه عن عدم هدر الماء ولكن لا حياة لمن تنادي ونتمنى من الاوقاف عمل نظام الخلاطات التي تعمل بالاشعة الحمراء او عمل محبس
يتحكم بكمية الماء ويكون مخفي .

أذكر مطعم الشرق الأقصى التايلندي قبل وألحين سكروه كان الماي يصب نقطة نقطة سادينه بشيء وهذا حل مناسب لكل المغاسل العامة