ملاحظة رقم 60
المشاركة الأصلية كتبت بواسطة سالم الزهران
ملاحظة مهمة جدا جدا اشكرك جزيل الشكر عليها اخوي سالم......فعلا الناس سلبيين جدا جدا.....في ناس مستعدة كل يوم تلعن الظلام و تسب المسؤولين و تتحلطم ولا تفكر تتصل على من يعالج المشكله
كنت في عمارة من كم سنة تحوي جميع موظفي الشركه اللي اعمل بها يعني كلها مهندسين و مرات اتفاجأ انه المصعد فيها معلق وما يشتغل و في لوحة مكتوب رقم الاتصال بالطوارىء في حالة خراب المصعد و يجون و شغالين 24 ساعه...... صدقني انا بس اللي اتصل و الناس ما عندها مشكله لو استعملت الدرج.... ولا بتفكر تتصل ولا تسوي أي شي.... منتهى السلبية و الانبطاحية
أيضا انت قولت في موضوع يسوون مانهول و يتركون الثاني اللي هو نفس المشكله و انت تتكلم عن فئة عمال..... انا أتكلم عن فئة مهندسين الان مأجرين عقولهم و مسويين انفسهم مجرد عمال من النوع اللي مقفل على الاخر و لا يبي يفهم.... اشلون..... امشي مع مهندس من المقاولين.... اكبر مني بعشر سنوات أقوله لو سمحت خلال الفحص للاعمال سوي هذه الملاحظات الموجوده على الحيط يعني مثلا زيل البقع السوادء عن الحيط و نظفها و عدل البلاستر او القصاره هنا.....و احدد له المكان..... بعدين يقولي خلصت.... أقول طيب يأخي انت شوفت هذه البقعة السودة على هذه الحيطه و ليش ما سويت البقعة السودة على الحيطة اللي جنبها و هي اكبر منها..... يقولي انت قولتلي سوي هذه بس و يصير يقولي انت ما تبي تستلم و ما راح نقدر نخلص الشغل طالما انت كل مرة تعطي ملاحظة جديده.... أي ملاحظة جديدة يا ابن الحلال.... هذه نفسها ملاحظة مكررة يعني انا مب وظيفتي احددلك كل نقطه ... انا اعطيك ملاحظات و تسويها و تسوي كل اللي مثلها و الا انت اشلون مهندس..... تعال فهم هالبقر و انتوا بكرامه
أيضا كنت ساكن في عمارة صاحبها من اكبر أصحاب العقارات في قطر.... يعني عنده مجمعات كثيره جدا من الشقق و الفلل في قطر...و عنده قسم صيانة..... استغرب في كل مرة اتصل عليهم اطلب تبديل شي مخترب ولابد من تبديله انه الفورمان المسؤول يقولي بعد ما يعاين المشكله انه لازم يروح المكتب و يسوي طلب شراء للقطعة و بعدين يروح يشتريها و بعدين يجي يركبها..... وانت تعرف انها مرات تكون شغله مستعجله وما تتحمل الانتظار بس هم ماشيين على سيستم العصور الوسطى.....
اللي انا مقتنع فيه انه طالما هذا الفورمان ثقه عند الشركه و هو يحدد ما يجب تبديله و ما لا يجب تبدليه فلازم يكون عندهم كمية من القطع اللازمة للتبديل جاهزة بالسيارة و بمجرد انه يحضر و يشوف الخراب على طول يبدل و ممكن يأخي يصور القطعة الخربانة قبل تبديلها لو ما في ثقه و بهالطريقه تزيد الانتاجيه و السرعه و الكفاءه و مستوى الخدمة و يوفر كم مشوار و وقت و جهد علشان يخلص المشكله ....معقول ييبي يشتري قطعه قطعة و عندهم مئات او الاف الشقق و الفلل؟؟!!!
|
رد مع اقتباس
