صفحة 5 من 27 الأولىالأولى ... 3456715 ... الأخيرةالأخيرة
النتائج 41 إلى 50 من 268

الموضوع: ملاحظاتكم السلبية على السريع - موضوع متجدد

  1. #41
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    اقتباس المشاركة الأصلية كتبت بواسطة بوخالد911 مشاهدة المشاركة
    مرة واقف عند إشارات مجلس الشورى وبلف يسار حق إشارات أحمد بن علي
    ويجييك 1 متخلف المفروض يكمل سيدا ليين دوار المناعي
    ولكنه دش عرض ع اليسار

    وأقوم أصور موتره وأطرشه للمرور بتويتر
    وتميت أذكرهم عدة مرات ليين ما تخالف
    وتأكدت بنفسي من موقع الداخلية
    عطوه مخالفة بقيمة 1000 ريال
    الله يعطيك الف عافيه ...زين اللي سويته فيه يستاهل و يتأدب ان شاء الله

  2. #42
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    اقتباس المشاركة الأصلية كتبت بواسطة qatari911 مشاهدة المشاركة
    المشهد الاول
    بأمكانك تاخذ رشة عطر وتجاهله واكمال طريقك واذا ضايقك تعطيه على راسه من الكلام الزين


    المشهد الثاني
    علق الهرن على الي يسد طريقك وحرك عنه مع تجاهل

    حلول بسيطه

    في بعض الاوقات لا يجيب علينا نكون طيبين مع ناس وقحين
    متفق تماما معاك

  3. #43
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    الملاحظة رقم 14

    اقتباس المشاركة الأصلية كتبت بواسطة سهم فضة مشاهدة المشاركة
    وزارة العمل 40288888 تكلمهم تبي تتواصل مع حد يحولونك محد يرد + تطلب ارقام مباشرة للتواصل يقولون لك عندنا تعليمات ممنوع نعطي ارقام التواصل

    مب بس وزارة العمل يا اخوي الا كل مكان سواء قطاع عام او قطاع خاص

    الحين اعتقد جميع وكالات السيارات ما تقدر تتصل عليهم بسهوله و في مواقعهم على النت يقولك اترك تليفونك و اسمك و ايميلك و احنا نتصل فيك

    كهرماء الحين ما يردون و اخونا مازن طرح هالشي في موضوع منفصل تلاقيه في المنتدى العام و مازال موجود في اول صفحه و الحل انك تترك تليفونك و هم يتصلون فيك مثل ما قولت له ...هالحاله في حالات الطوارئ نفس الشي

    الحل انه يكون في شخص مسؤول يتصل عليهم و لو ما ردوا يتم تفنيش الموظف اللي قاعد على البداله و يجيبوا واحد او وحده ثانيه يبي يشتغل و يحلل راتبه فعلا بما يرضي الله و من ثم البشر

    كل الشكر و التقدير

  4. #44
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    اقتباس المشاركة الأصلية كتبت بواسطة مرتبش مشاهدة المشاركة
    السبب الاول للزحمة ومضيعة الوقت.
    ايه والله انك صادق و زيد عليها البنزين و تعطيل مصالح خلق الله

    ما في داعي اقولك اشلون ادعي و اسب عليهم طول الطريق و انا مضطر اروح عندهم لانهم ما ردوا على تليفوني هههههههه....اعتقد انت عارف اشلون

  5. #45
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    اقتباس المشاركة الأصلية كتبت بواسطة معماري قطري مشاهدة المشاركة
    عاد شوف تحتاج متابعة ووجع راس المفروض يفكونك منه لو طلب محكمة لازم تروح وتشهد وهذا من حقه ومن واجب أي مواطن أو حتى أي مقيم

    مرة جاني واحد يميني ويا كثرهم اللي يسوون هالحركة ويبي يلف يسار بالغصب عصب بي وهرنت له لأن هو عارف اللفة قريبة وكان يفترض ياخذ سيده قبل مب بس يقرر ويعطي اشارة ويلف على البشر .. المهم بغيت ادعمه واحتد يروح سيدة ويلف اشارة ثانية بعدين بس قبل ليروح سيدة وهو يحاول يدخل بالقوة هرن وأشر ومشى قبلي .. ركبت الرصيف وراه ووقفت وصورت رقم سيارته ورحت اشتكيت وبلغت

    كلمني بعد فترة ضابط يحاول فيني اسامحه وهو مصري .. قلت خالفه ومستعد اشهد في المحكمة وانا اتكلم عن حق الطريق والعامة ولا اتكلم عن حقي لأنه واضح نرفزني وسبني أكيد .. قال خلاص بنخالفه بس لازم نكتب المخالفة بإسمك ورقمك الوظيفي عطنا اياه وعطيته

    المشكلة غالبية المخالفات تطيح وعادي لو انشالت بس يكون انذار ويتسجل في ملفه ولو خالف مرة ثانية يتحاسب حساب مضاعف .. الإنذار حتى لو مدته سنة وينشال عادي بس يحسس اي شخص إن النظام مراقب

    كثيرين يمشون يمين أو وسط وفجأة لين وصل مسرب يلف يسار ضرب اشارة وقطع الطريق على السيارات وبعضهم يصبرون لين يوصلون كلش لنهاية المسرب ويلفون .. يا اخوي شهالغباء ووين تعلموا السواقة ذيلا ووين الكيمرات عنهم .. وأوقات يسوونها بدون زحمة .. انا اذا بالف يمين والا يسار اكون ماخذ المسار المناسب من قبل وابدأ لفتي من بداية المسرب ما انطر نهايته والف على الناس
    زين اللي سويته فيه علشان يتأدب و يتربى هذا واحد واطي بلا اخلاق

  6. #46
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    عندي ملاحظه صغيرونه.. الاخ/ السائق/ الموظف/الجار اللي لأي سبب بيوقف لي ع الطريق او يأشر لي أوقف لأي سبب أو جانب مب عاجبه،، يوم يكتشف انه معنده سالفه ليش يتصل ع الدورية! يعني الحق اللي انت ما تثبته لنفسك بالمنطق والعقل؟ ظنك تثبته لك الشرطه؟
    ويقولون ليش الجهات الامنية تطنش وما تحضر الا وين وين؟ لانهم عارفين الوضع؟

    يمكن هذي ملاحظة سلوكية اكثر من تكون شيء عام.. وشكراََ

    اللهــــــم ارحم أخي فايز واسكنه فسيح جناتك وسائر أموات المسلمين

  7. #47
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة سالم الزهران مشاهدة المشاركة
    عندي ملاحظه صغيرونه.. الاخ/ السائق/ الموظف/الجار اللي لأي سبب بيوقف لي ع الطريق او يأشر لي أوقف لأي سبب أو جانب مب عاجبه،، يوم يكتشف انه معنده سالفه ليش يتصل ع الدورية! يعني الحق اللي انت ما تثبته لنفسك بالمنطق والعقل؟ ظنك تثبته لك الشرطه؟
    ويقولون ليش الجهات الامنية تطنش وما تحضر الا وين وين؟ لانهم عارفين الوضع؟

    يمكن هذي ملاحظة سلوكية اكثر من تكون شيء عام.. وشكراََ
    كلامك صح المفروض الواحد يحط أعصابه في ثلاجة .. بس يا اخوي أُمور تقهر لو واحد يتعدى عليك .. الخطأ خطأ ومقدر لكن انت في طريقك يجيك واحد يبي يلف بالغصب .. وينه قبل وليش ما خذ مساره من فترة

    زين فيه تقاطع ومسرب يودي يسار انملأ سيارات تعال شوف البعض .. واحد يسار ويبي يروح سيدة يحتد يلف يمين ويدخل في مسار سيارات ماشي طريقها للي بيروح سيدة .. بعضهم بدفاشة ويعرقل المسار غصب وبعضهم تعطيه الطريق يطلع جدامك ويدوس للسيارة بحنية ويذلك وراه .. وتعال للي في اقصى اليمين ويطرأ عليه يلف يسار وهو يتمشى براحته ويقطع كم مسار هذا يستحق مخالفة بامتياز ووين المرور وكاميراتهم عنه

  8. #48
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    اخوي معماري؛ من حقك تتصل في اي جهة حكومية تجيب لك حقك.. الملاحظة أن بعض الناس ممكن يشتكي عليك عشان يعنيك ويخليك تضرب مشوار للمخفر.. وفي النهاية المخفر يعتذر لك ويسوي اجراءاته وترجع انت تنازل؟
    بعض النفسيات يستغل الشكاوى والبلاغات عشان يأثر على نفسيات البشر فقط.

    اللهــــــم ارحم أخي فايز واسكنه فسيح جناتك وسائر أموات المسلمين

  9. #49
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة سالم الزهران مشاهدة المشاركة
    اخوي معماري؛ من حقك تتصل في اي جهة حكومية تجيب لك حقك.. الملاحظة أن بعض الناس ممكن يشتكي عليك عشان يعنيك ويخليك تضرب مشوار للمخفر.. وفي النهاية المخفر يعتذر لك ويسوي اجراءاته وترجع انت تنازل؟
    بعض النفسيات يستغل الشكاوى والبلاغات عشان يأثر على نفسيات البشر فقط.
    كلامك صحيح وبعضهم شكوى بدون وجه حق والفاصل في رأيي هو التحقيق والكاميرات ولازم تنتشر في كل مكان وتكون متاحة للمحققين

    ولدي انسحبت مرة سيارته بسبب شكوى عليه من مقيم سوري يوم رحت معاه للمرور وحاولت اشوف سبب الشكوى طلع ليش ما فتح له الطريق عند الاشارة وهو يبي يقطع من أقصى اليمين لأقصى اليسار حتى يتجه يسار لكن زحمة سيارات واختناق وولدي بيروح سيدة سكر عليه وراح هو سيدة وتم يهرن وعصب وسجل الرقم وبلغ

    قابلت الضابط المسؤول وتناقشنا في الموضوع ويوم جاء السوري الضابط كان مقتنع إنه غلطان ولا يحق له يسوي اللي سواه وانا قلت له قوانين سوريا عندكم غريبة وانا سقت هناك ولا تنقل قوانين سوريا للدوحة بس يوم شفت موقف المشتكي صعب وموقفنا لنا الحق والرجال شيبة وولدي كان 18 أو 17 ليسنه تحت التعليم قلت للولد يعتذر منه وانحل الموضوع بدون سوالف طويلة .. البعض يستحقون المخالفة ولا اتكلم عن سرعة بسيطة فوق المحددة اتكلم عن تجاوزات قاتلة حتى لو يمشي الواحد ببطء قاتل

  10. #50
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    يا معلمين،، يا تربويين يا المسؤلين عن المناهج.. عيالنا ما يعرفون يكتبون.. واذا نظرت لمنهج صف أول تجد الطالب يعلمونه الحروف مع الحركات (التشكيل)؟ ليش تشتتون انتباهه بالكسرة والضمة والسكون ؟ هل ابناءنا عجم؟ علموهم الحروف.. أما الحركات فهي لتعليم النطق؟ وهم ينطقون حديقة وباب و طاولة.. بشكل صحيح؟ عيالنا مهب فلبين؟ يا وزارة... المعلم يكتب كلمات بطريقة غلط.. الأبناء يحتاجون حصة خط؟ افتحوا المجال يا وزارة!

    لو ما هي نصيحة عاااامة تنفع عيال المسلمين ما كتبتها!

    اللهــــــم ارحم أخي فايز واسكنه فسيح جناتك وسائر أموات المسلمين

صفحة 5 من 27 الأولىالأولى ... 3456715 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •