صفحة 1 من 4 123 ... الأخيرةالأخيرة
النتائج 1 إلى 10 من 32

الموضوع: هل هناك سيارات اصفار مضروبة في معارض السيارات؟؟!!

  1. #1
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820

    Exclamation هل هناك سيارات اصفار مضروبة في معارض السيارات؟؟!!


    اكيد في ناس كثيره تعرف هالموضوع بس الأكيد انه الغالبيه لا تعلم

    اذا كنت لا تدري فتلك مصيبة و ان كنت تدري فالمصيبة اعظم


    الحين الموضه صارت انه الوكالات تبيع كل الستوك اللي عندها للمعارض علشان ما ترجع السيارات لبلدها الأصلي و ما تلاقي بالوكالة الا سنة 2020 بس

    سيارات اصفار في اكبر معارض للسيارات..... أصحاب المعارض يقولون نشتري من الوكالات و نبيع اقل ب 6000 ريال تقريبا

    لقيت سيارة بسعر 48000 ريال .... اتصلت على الوكيل علشان اقارن مع سعر الوكاله و اشوف عليها ضمان او لا

    الصدمة الصاعقة لي انه قالي هذه السيارة بنفس الموديل سعرها ستاندرد ...بيسك بدون إضافات هو 66000 ريال!!!!

    -ايش سبب الفرق الكبير بالسعر؟؟!!
    -ما اقدر أتكلم كثير ولا أوضح بس شوف حالة السيارة هل هي ماكلة ماي مطر او أي شي!!!....سيارة كانت مركونه عندنا من قبل
    -طيب مازالت تحت الضمان!!
    -عزيزي الضمان ما له علاقة ... السياره فعلا تحت الضمان و احنا مستعدين نصلحها
    - اها فهمت عليك يعني انتوا السيارة مستعدين تصلحوها طالما هي تحت الضمان حتى لو كلفتكم اكثر من سعرها و انتوا يا وكاله مب خسرانين شي و ماشيين مع قوانين حماية المستهلك و بالاخير تبعثون الفاتورة للشركة الام اللي هي مسؤوله عن جودة سياراتها اللي انتوا تبيعونها لهم
    - بالزبط!!!
    -طيب تنصحني اشتري من عندهم و الا من عندك؟؟
    -شوف يا عزيزي.....عيب علي ابيع السيارة للمعرض و اقولك ما تشتري من عنده!!
    -بس انا طالب نصيحك بصفتك الوكيل و كلامك عندي اكثر مصداقية من كلام المعارض.... هالسيارات مضمونه و الا لا؟؟!!
    - عزيزي انا اضمنلك السيارات اللي نبيعها في وكالتنا فقط
    -شكررررررا

    ايش تعليقكم!!!

    cc: حماية المستهلك
    التعديل الأخير تم بواسطة khaldoon ; 16-10-2019 الساعة 10:15 AM

  2. #2
    عضو مؤسس الصورة الرمزية هداف
    رقم العضوية
    220
    تاريخ التسجيل
    Feb 2005
    المشاركات
    2,057
    الوكالات اذا تاخذ منهم كميات كبيره من السيارات المخزنه عندهم يعطونك سعر
    منافس وينزلون من سعرها عشرين وثلاثين في الميه بسبب نزول الموديلات الجديده
    ومثل ماذكرت علشان مايرجعون يشحنون السيارات لبلد المنشا او لوكيل ثاني يعني يبيع
    بسعر الكوست وفي كال الحالات هو مب خسران شي

    بخصوص ان السيارات مضروبه لا طبعا هذي سياره مب مواد تموينيه ممكن تفسد
    وتنتهي صلاحيتها ,,,,, الافضل تروح تفحصها مافيها صبغ او امور فنيه اخرى
    وضمانها ساري من الوكاله غصب عليهم من حماية المستهلك ,,, وهذا الشي يعتبر
    شي زين ومن صالح المستهلك وليس العكس انه يشتري سياره على الزيرو موديل السنه اللي طافت
    بارخص من سعرها بعشرين وثلاثين في الميه

  3. #3
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    اقتباس المشاركة الأصلية كتبت بواسطة هداف مشاهدة المشاركة
    الوكالات اذا تاخذ منهم كميات كبيره من السيارات المخزنه عندهم يعطونك سعر
    منافس وينزلون من سعرها عشرين وثلاثين في الميه بسبب نزول الموديلات الجديده
    ومثل ماذكرت علشان مايرجعون يشحنون السيارات لبلد المنشا او لوكيل ثاني يعني يبيع
    بسعر الكوست وفي كال الحالات هو مب خسران شي


    متفق تماما معاك طبعا انه سعر الجمله غير عن سعر المفرد...هو أصلا اول ما سألته عن سيارات ستوك قالي كم سيارة تبي و هالكلام ما عليه خلاف و انا عن نفسي كنت ابرر الفرق في السعر بين الوكاله و المعارض انهم يشترون كل الستوك اللي عندهم ....و لاحظت ان بعض المعارض يشتري اغلب او كل الستوك من وكالات بعينها يعني المعارض صارت تتخصص بالستوك لبعض الوكالات دون غيرها

    بالنسبة للخسارة فما في خسارة ابدا بسبب الفرق الكبير بين السعر الأصلي في البلد الاصلي و سعرها عند الوكيل ...ما اعتقد كل هالفرق بسبب الشحن

    الحمد لله قطر نسبة الجمارك فيها لا تذكر... تعالوا شوفوا ببلادنا الجمارك 300%




    بخصوص ان السيارات مضروبه لا طبعا هذي سياره مب مواد تموينيه ممكن تفسد
    وتنتهي صلاحيتها


    هو قالي شوف احنا نبيعها للمعارض و هم عارفين حالتها يعني احنا ما نخمهم و بناء على اتفاق بينا و بينهم و هذا سبب الفرق الكبير بالسعر..... و بعدين انا تكلمت مع موظف بالوكاله يعرف شغله يعني مب شخص عادي يقول شي ما يعرفه بقعدة قهوة ولا اعتقد انه راح يألف هالقصه او يتخيلها و يرمي بلاه على غيره ..ما في دخان من غير نار ...لو الفرق بسيط اتفق معاك الى حد ما ...

    طيب خلنا نقول انه كلامك صحيح 100% و انها مب مضروبه ولا هريس .... انت متخيل انه المعرض يشتريها من الوكيل و يبيعها لك اقل ب 18000 ريال!!....و لسه المعرض متربح منك بمبلغ و قدره و عليه ايجارات و موظفين و .... شوف كم تربح الوكاله منك بهالحاله يا مستهلك


    ,,,,, الافضل تروح تفحصها مافيها صبغ او امور فنيه اخرى

    كلام سليم و طبعا هو ما عمم على كل السيارات قالي اسأل المعارض ايش حالة السيارة و ليش في فرق كبير بالسعر

    وضمانها ساري من الوكاله غصب عليهم من حماية المستهلك

    لا غصب عنهم و لا تفرق معهم يا اخوي لاتي قولت فاتورة التصليح راح تروح للشركة الام بعدين و بناء على تجربة سابقه مع احد الوكالات الأخرى.... حماية المستهلك يضمنون لك انه الوكيل او البائع يصلحلك سياراتك طالما في اتفاق و عقد بينك و بين البائع انه السيارة تحت الضمان ...حماية المستهلك تضمنلك هذا الحق فقط انه يتلزم بالضمان و شروطه....لو السيارة فيها خراب مزمن و هذا حدث معي بسيارة شريتها من الوكاله و حكيت قصتها هنا من قبل الوكاله راح تضل تصلحها لحد ما ينتهي الضمان و بعدها صارت مشكلتك و طبعها الناس في هذه الحاله يريعونها و يرمون مصيبتها على غيرهم و الأمور طيبه
    ,,, وهذا الشي يعتبر
    شي زين ومن صالح المستهلك وليس العكس انه يشتري سياره على الزيرو موديل السنه اللي طافت
    بارخص من سعرها بعشرين وثلاثين في الميه
    كلامي بالاحمر و اشكرك على مرورك و تعليقك

  4. #4
    عضو فعال
    رقم العضوية
    52166
    تاريخ التسجيل
    Sep 2017
    المشاركات
    1,671
    من زمان نعرف ان المعارض تشتري بسعر اقل بكثير و اول ما يعلن عن موديل اجدد المعارض تبدأ تنزل اكثر

    في وكاله سألنا عن سياره موديل سنتها. قالوا خلاص ما في الا الموديل الجديد و بنجيبه بعد شهرين تقريبا

    بعنا كل هالنوع للمعارض نفس القصه يعني بس الي نعرفه ان سعر جمله و ممكن يوصل الى عشرين الف و اكثر

    ايضا في سيارات موديل سنتها و زيرو تنعرض باقل من عشر الاف فرقيه
    سيارات جوائز المسابقات مثل الجمس بيك اب و غيره

    صديق شراه بنص سنته بأقل 8 الاف او عشره الاف

    و رفيجنا الثاني شراه من الوكيل لان سمع ان ممكن هالمواتر مش وارد قطر و تخوف و دفع زياده و اخذه من الوكاله

    المهم ان الموترين عليهم ضمان و زيرو و امورهم طيبه

    عموما اذا الموتر متشكك فيه افحصه و اعتقد ان المعارض يطلعون لك ان الموتر مشترينه من الوكيل و بالضمان

    لكن ما عليه عروض مثل بعض الوكالات فري سيرفس سنه او ضمان ممدد الخ

    الوكلاء يوفرون سالفه العروض و فري سيرفس بغرض البيع للافراد اذا باعوا جمله للمعارض فهم يحسبونها عدل

    معلومه اخيره

    اذكر ان ضريبه السيارات 40% و شفت تعليقات من مسؤولي مبيعات بالجرائد من كم سنه عن ارتفاع اسعار المواتر و غيارها فقالوا ان الوكالات تدفع هالضريبه للدوله. وما ادري عن صحه هالكلام

  5. #5
    عضو
    رقم العضوية
    21040
    تاريخ التسجيل
    Jun 2008
    المشاركات
    155
    عندنا فيه طريقتين يمارسونها اهل المعارض

    الاولى
    بعد نزول موديل حديث مثلا 2020 ويصير سعره مرتفع بحكم انه توه نازل
    يتم سحب جميع المخزون اللي موجود في الوكاله لموديل مثلا 2019 قبل بفتره

    بسعر مناسب من الوكيل بحكم بيع بالجمله فينزل في السعر فيجفف الوكيل من النوع فتنضطر انك تروح للمعارض ويقصبون الزبون

    الطريقه الثانيه
    تكوين تحالفات بين بعض المعارض بحيث يشترون كميات من دون ضمان الوكيل فينزل بالسعر اللي هو سعر الضمان

    ويجي الزبون للمعرض ويشوف السعر نازل عن الوكاله بمبلغ لابس فيه بياخذها

    واذا راح للوكيل ما يحصل ضمان وهذي فيها لف ودوران وتحايل

  6. #6
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844
    ,

    ,

    مرحبا

    شكرا على الموضوع

    المعارض تقدم خدمه كبيره للسوق المحلي

    ليس كل شخص يقدر يشتري من الوكاله

    دور المعارض تبيع السيارات بمختلف موديلاتها وانواعها

    الجديد والمستخدم

    وكل واحد يقدر ( يفحص ) السياراه وياخذ تقرير عن ( حالتها )
    يفحصها بالكمبيوتر
    او ياخذها الوكاله يفحصونها

    وأيضا عندهم سيارات جديده من خارج قطر

    وارد عمان
    وارد الكويت

    متاح عندهم أيضا

    وفي معارض بقطر ( سمعتها قويه جدا ) ومعروفه بالسوق

    لذلك على الشخص الي بيشتري

    يختار المعرض المناسب
    ويفحص السياره

    ويتوكل على الله يشتري


    سوق السيارات مثله مثل أي سوق اخر ممكن يوجد فيه ( غش )
    او سياره متعرضه لاضرار ويحاول صاحب السياره يخفيه او يخش العيوب

    وهذا خطاء وحرام ويخالف كل القوانين



    ,

    ,

  7. #7
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    واحد من ربعي سنة 2013 او 2012 ماخذ موتر من معرض اصفار وبعد فتره اكتشف ان التندا فيها ضربه ومعدله اي كلام .
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  8. #8
    عضو مميز
    رقم العضوية
    46027
    تاريخ التسجيل
    Sep 2013
    المشاركات
    1,328
    قبل كم سنه على ما اضن سكرو اعتقد التويوتا او النيسان بعد ما اكشفوا انهم بايعيين مواتر اصفار فيها دعمات ومصلحه

    فما بالكم بالمعارض

  9. #9
    عضو مؤسس الصورة الرمزية Dana’1
    رقم العضوية
    24689
    تاريخ التسجيل
    Mar 2009
    الدولة
    الريـان & الشـرقية
    المشاركات
    11,288
    ممكن ليش لا في حوادث تصير وقت نقل المركبات بعضها خفيف شخطة طعجة مره صغيره وبعضه متوسط وكلهن قابله للتصليح وإعادة العرض
    لكن المفروض من باب الأمانة يكون لها قسم خاص بالمعرض مع عرض قبل وبعد وكيفه الشخص يشتريها أو لا
    أو ممكن يكون هالقسم لأصحاب الأعمال والإستخدام التجاري مكاتب الليموزين التكاسي مكاتب إيجار السيارات إلخ
    أهم شي لا يكذبون على العالم و تباع على أساس إنها بـ وضعية المصنع


    المعركة الحقيقية هي معركة الوعي و الإحتلال الحقيقي هو إحتلال السفهاء للمنابر.
    فن التعامل مع الآخرين جاء في ثلاث عبارات قرآنية في آية واحدة
    ‏﴿خُذ العَفْو، وَأْمُرْ بالعُرْف، وَأَعْرِضْ عنِ الجاهلين﴾

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    انا مريت بتجربتين من هذا النوع .. تجربة في أمريكا كانت السيارة موديل 1986 وخذتها 1987 مستعملة بس ماشية حول ال 100 ميل ولا يعتبر ممشى .. البلاد كانت باردة وطقسها حلو لكن التخزين في ساحة مفتوحة وعوامل الجو الأفضل من جونا دمرت السيارة .. بعد فترة استوت مشاكل في المكينة واصلاح مكلف وهوز التبريد انتهت صلاحيته .. التواير كانت يابسة ومن ينزل مطر تزلق في مكانها

    السيارة الثانية نافارا نيسان خذتها من قطر من الوكيل كانت موديل 2016 وخذتها سنة 2018 ب 65000 بس كاملة وعليها شوية حركات وصراحة نافعة يمكن لأن قليل يستعملها السايق وهو عنايته بالسيارات ممتازة

    أول سنة اشتكى من المساحات وبدلناها كانت يابسة طبعاً من الوقفة في الشمس

صفحة 1 من 4 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •