السلام عليكم
البارح بعد انقطاع حلمت أني قدام بيت أخونا معماري، واشوف انه مسوي مساحة مثل الرصيف بس رخام ابيض ما بين حد الأزفلت وحد الحوش، عرصها يمكن ثلاث أمتار، ورغم اني ما شفت معماري بالحلم و لكن اشوف بنات صغار يمكن ثلاث سنين اعمارهم وفيهم اصغر من هالسن يلعبون في هذي المساحة البيضاء، وانا ازعل واقول معماري تارك الباب مفتوح والبنات برع!
بعد اشوف اني ابغي أأجر سيارة و يتحول المشهد مع عامل هندي او بنقالي واشوفه يجيب السيارة من رأس جبل وفيه عشوائيات وطرق ضيقه.. فقلت لنفسي من متى الدوحة فيها جبل؟
آخر الحلم صادفت ولد عمي واشوفه لابس ثوب جديد و اكمام الثوب كأنها أجمل من الثوب،، وتفاجأت بمقابلته ، قال لي لا أنا ما اروح الا لخياط فلان صرت زبون.
انتهى الحلم، واعتقد الزين فيه أوله.. والباقي من همومنا والله المستعان.. وشكراََ
اعرف تفسير الحلم ..
معماري بيبني بيته وبيخلص وبيتزوج 3
ودام الباب مفتوح فاكيد بيتزوج ويطلق حسب الفلوس اللي عنده ..
والباقي من هموم حياتك
تُنسى ، كأنَّكَ لم تَكُنْ ..
تُنسى ، كأنَّكَ لم تَكُنْ ..
مساء الخير
البارحة شفت اني خارج من البيت حقنا اللي بمدينة ثانية مب اللي نسكنه، ورايح اقضي اغراض وتفاجأت اني بعدت عن مكاني لدرجة اني وصلت طريق سفر بعيد. قابلت رجل طالع من الفرضة معه سمك وكان يقول لي اذا تبي روح شوف واحد اسمه فلان.
كنسلت وجيت راجع واشوف محلات مثل العرايش الصغيرة نفس طريقة المحلات او السوق الصغير اللي يبنونه في قرى صيد السمك. لكن المحلات فيها بضاعة ولكن بدون ناس ولا حتى اللي يبيعون.
قمت نويت ارد للبيت، لكن حسبت المسافة الا هي بعيدة.. وقلت اذاََ راح أكمل سفر وأرد البيت (جا فبالي اللي انا ساكنه الحين) طالما وصلت هالمكان.
..................
لو بفسر أو بفكر في هالمنام، فعلاََ انا تراجعت عن شغلات كنت اسويها وتخص بيتنا الثاني و قل اهتمامي وصادني احباط لان احياناََ من الصعب تستمر تسوي شغلات مالها ثمرة.. اظن لو نركز على بيوتنا الحالية وايد أبرك.
الرجل اللي قابلته ومعاه السمج هذا نفسي عزيزة نازل من الطراد ..
هو الوحيد اللي ساكن بالعريش وزين انك ماسمعت كلامة ..
الله يعلم كان بيطرشك على من يخطفونك ..
السمج بالمنام رزق لكن بوهباش ماعطاك منه .. فمالك رزق بينا
تُنسى ، كأنَّكَ لم تَكُنْ ..
السلام عليكم
البارح شفت حلم كأني خارج من بيتي وحصلت في الشارع سيارة كبر سيارة توزيع اللبن او البيبسي المهم انها عودة ومتروسة بضاعة معروضها داخلها واغلبها ملابس واشياء مالت زينة..
ركبت السيارة واشوف فجأة جوني الناس يبغون يشوفون وقام واحد رفع علبة سألني عن سعرها قلت له جب اللي تجيبه، عطاني عشرة ريال وقام الناس يشترون وعقب ما راحوا رجعت البيت واشوف كن البيت صار بعيد عن بيوت الجيران. ومن حواليني كله ارض فضاء ما فيها أحد..
هاي يعني انك تغرد خارج السرب كالعادة
تُنسى ، كأنَّكَ لم تَكُنْ ..