ثبوت دوريات المرور ضروره لحمايتنا من (الاطفال).

[MAZEN37]

بعد التحيه للجميع
ادارة المرور والدوريات والفزعه ولخويا
ماهم مقصرين والله يقويهم حماة للنظام والقوانيين في الشوارع
ملاحظتي هي التكثيف من حملات التفتيش
ونقاط الثبوت للتأكد من رخص القياده للسيارات بالذات الفتره الاخيره في اطفال يسوقون السيارات واذا هرنت له يسوي حركات المبزره
ياريت تحمونا من طيش هالاطفال وتهورهم بالطريق وتعريض حياة الناس للخطر
والتفتيش حول المدارس والمعاصر
قبل يومين اربع اطفال اسميهم وليس شباب
على خط الشمال ماشيين ١٥٠ قدام عيوني دعموا عامل يقطع الطريق وشخطوه بالدم على الشارع ووقفوا ونزلوا وكأن شيء لم يكن
ويوميا في الشوارع قمنا نشوف رعونه واستهتار من هذه الفئه والي اشك انه معاهم رخص قياده
واتمنى تشديد العقوبه على الي مامعاه ليسن ومنع سفره لمده سنه ومنع سفر الي مسجل باسمه السياره مع غرامات ماديه
ارجو تخصيص موظفين لمراقبة حركة السيارات على فيديو الكاميرات بالشوارع واستجواب المستهترين

[sara jsm]

صح كلامك انا شفت اكثر من مرة يهال يسوقون ..
حتى راسهم مايبين اذا السيارة جدامك ..

لو يصير الواحد يبلغ عن طريق مطراش بيكون ممتاز

[khaldoon]

والله كلامك صحيح و فعلا لاحظت كثير شكلهم أطفال و يسوقون كروزرات والله العظيم

[khaldoon]

صح كلامك انا شفت اكثر من مرة يهال يسوقون ..
حتى راسهم مايبين اذا السيارة جدامك ..

لو يصير الواحد يبلغ عن طريق مطراش بيكون ممتاز

ممكن احد يفهمني خطوة خطوة اشلون ارسل صورة لسيارة مخالفة عبر مطراش...... ما اعرف اشلون .... وحسب علمي انه هالشي قانوني و مسموح فيه الان بس قبل لا

لاني اشوف مخالفات كثير تقهر و خصوصا الوقوف بمواقف ذوي الاحتياجات الخاصه لناس ما فيهم شي ينزلون من السيارة و يشترون أي شي و يطلعون وما فيهم شي .....حسبي الله عليهم و نعم الوكيل

[Rider]

يارجال وين الدوريات لي يفتشون الحين على رخصة السواقه ولا على ملكية السيارة ذاك زمان وراح اول حتى في الفريج ماتقدر تطلع من الخوف تشوفك دوريه وللعلم حتى اذا عنده رخصة سواقه نفس الشي سواقه برعوانه واستهتار
ياخوي قوانيين كثيرها صدرها الداخلية لكن وين التطبيق الموضوع ماده اكثر من هو تطبيق

[Dana’1]

صحيح إن الخوف و التوتر الي يصيب الشخص خصوصا الصغار بالسن من انه صدم مو بسيط أبدا
مع ذالك المفروض يوقف وهنا فعلا المفروض المرور له دور والحمد لله الكاميرات شغاله بأغلب الشوارع الرئيسية طبعا وتواجدهم أمر ضروري
بس بعد المفروض الأهل و المدرسة و حتى مدارس تعليم السواقة لها دور المفروض يعرف المراهق أو الشاب كيف يتصرف في مثل هالموقف
يعني بالأول و الأخير هي نفس ولها حقوق إن كان حي أو ميت مسلم أو كافر أو مصاب وله علاج يغطيه التأمين مثلا بكل هالحالات له حقوق ... غير الحق العام ومخالفة القانون بالسرعة والتهور.

الله يحفظنا وأهلنا والجميع

[مرتبش]

يارجال وين الدوريات لي يفتشون الحين على رخصة السواقه ولا على ملكية السيارة ذاك زمان وراح اول حتى في الفريج ماتقدر تطلع من الخوف تشوفك دوريه وللعلم حتى اذا عنده رخصة سواقه نفس الشي سواقه برعوانه واستهتار
ياخوي قوانيين كثيرها صدرها الداخلية لكن وين التطبيق الموضوع ماده اكثر من هو تطبيق

100% .. اتمنى نشوف الدوريات في كل مكان لأن اللي صاير العالم تلتزم بالسرعة عند الرادار وفي الاشارة اللي فيها رادار بس .. وفي غير هالحالتين الجماعة ماخذين راحتهم يطوف الاشارة ومايهتم ..الجوال عادي.. ويطلع جدامك من الشارع الفرعي بدون ادنى اهتمام .. ويسوي اللي في خاطره .. والمرور يبونا نشتغل عنهم ونصور لهم المخالفين

[معماري قطري]

المشكلة لو دعم يسلمونه ابوه لو الدعمة مادية بس ويخلونه يصلح وأوقات يورطون التأمين بغلطة وتجاوز غيرهم

[khaldoon]

المشكلة لو دعم يسلمونه ابوه لو الدعمة مادية بس ويخلونه يصلح وأوقات يورطون التأمين بغلطة وتجاوز غيرهم

على فكرة انا في سنة 2007 سويت حادث مع ولد ما معه رخصة امام بيتي في حارتنا و انا راجع من الدوام.... الصدفه انه ابن جيرانا نبهني انه اللي سايق ما معه رخصة لانه معاه بنفس الصف....لولا انب جيرانا كان راحت علي .... لما جات الشرطة سأل الشرطي مين اللي سايق على طول قال الاب انا اللي كنت سايق لانه كان جالس جنب ولده..... قولت له مب صحيح قال لا صحيح قولت له احلف انه صحيح و انا بسكت ....صار يقول لا حول ولا قوة الا بالله.... لا حول ولا قوة الا بالله

[MAZEN37]

على فكرة انا في سنة 2007 سويت حادث مع ولد ما معه رخصة امام بيتي في حارتنا و انا راجع من الدوام.... الصدفه انه ابن جيرانا نبهني انه اللي سايق ما معه رخصة لانه معاه بنفس الصف....لولا انب جيرانا كان راحت علي .... لما جات الشرطة سأل الشرطي مين اللي سايق على طول قال الاب انا اللي كنت سايق لانه كان جالس جنب ولده..... قولت له مب صحيح قال لا صحيح قولت له احلف انه صحيح و انا بسكت ....صار يقول لا حول ولا قوة الا بالله.... لا حول ولا قوة الا بالله

قبل كم سنه انا شايف حادث وقام الولد وغير مكانه مع الدريول اشكره