الدراسة فالخارج ،، بين الحقيقة و الاحتيال

[ابو عبدالله.]

مثل ما في متلاعبين في الشهادات بعد في متلاعبين بالوظائف و الترقيات او الظهور بصوره اكبر من حجمه

هذه طبيعه بشريه لا مفر منها. وكلن يبي يعدل وضعه

سلبيه نتفق عليها لكن لابد من العدل في وضع معايير او اختبار لو كان بيحط اصلا

التعليم حدد جامعات معتمده وهذا جيد لكن ما حط للوافدين هذا المعيار. فيجيك وافد بشهاده من جامعه من بلده حتى لو حقوق من لبنان و ينحط مسؤول على القطري الي شهادته ايضا حقوق من لبنان لكن ما تعتمد له و يوظف جينير و الاثنين نفس الشهاده

الي صاير اننا نمنع القطري من امور و نسمح لغيره وهذه ميزه ضد القطري وفي وظائف يقول القانون انها للقطري اصلا واذا لم يتوفر يجوز وضع الوافد فيها لحين تمكين القطري للوظيفه

شلون يتمكن القطري اذا يمنع من جامعات و الوافد يتخرج منها وياخذ وظيفه القطري

القطري لو تخرج و توظف ينحط له برامج تطويريه لسنوات بحجه عمد خبرته. و الوافد يوظفونه و يترقى بدون برامج تطويريه

حتى لو ما عنده خبره كبيره للوظيفه المهم محتاجين حد يمشي الوظيفه

هذا عائق ثاني للقطري حتى لو خريج و شهاده معتمده

القطري من يتوظف جديد ما يعرف او ما عنده خبره في التعامل او سوق العمل. ممكن ما ينضبط بالدوام اول الفترات ومن مسؤوليتنا ان نتحمل قصوره لحين وعيه بالمسؤوليه و صغر السن يشفع له نوعا ما

ينضرب عليه اكس عشرين سنه لا اعطاء مسؤوليه ولا تمرير المعاملات له لان الوافد الي يبي يضمن وظيفته يداوم احسن منه و ما يقول لا لاي طلب من المدير
و بنفس الوقت هو مصدر المعلومات عن القطري و قصوره و نفسيته الي مب زينه بالعمل. ينقلها للمسؤول

صار الوافد او حتى القطري الزميل هو مقياس جمع المعلومات عن الخريج مش المدير بنفسه يشوف الحقائق

يعني الخريج يمر بأمور ما يعلم فيها الا الله

نجي بعدها و نحط له عقبه اختبارات كفاءه بعد التخرج عشان نضمن انه تخرج بجداره

وين بنوصل في تعقيد حياه الخريج

وهل شهادته بأي نوع من التخصصات بينحط في وظيفه بنفس مجاله اصلا

اشوف ان العراقيل و العقبات اكثر من اللازم وتخلي البعض ما يتشجع على الدراسه ويقول انا بصير سينير خلال سنوات ليش امر بتجربه الدراسه و الامور الي ذكرتها فوق

كل اربع سنوات درجه و درجه استثنائيه كل عشر سنوات

يعني خلال 12 سنه يصير سينير و خلال 15 سنه يوصل الدرجه الرابعه

لو درس لازم يتفرغ من العمل. بدون راتب يعني. اربع او خمس سنوات
لين يتوظف يمكن سنه
ينحط له برنامج تطويري ثلاث سنوات او اكثر وتعال شوف كيف مسؤوله يأخر انهاء البرنامج اذا ما عجبه الخريج

ما يتثبت ع الوظيفه الا هو مكمل عشر سنوات من قبل الدراسه لين التثبيت

طيب الي ما درس وصل سينير و عنده خبره اكبر بكثير من الخريج بحكم سنوات الخبره و يمكن ينحط مسؤول على الخريج

فأعتقد ان وضع اختبار كفاءه للخريج يصعب ما يفيد بالشكل الي نتمناه