+++ إبتكار محطة بترول a380 +++

[ابو عبدالله.]

من سنتيم تقريبا جلست مع صديق مختص في السالفه

الي عرفته ان وقود ليست المختصه في مداخل و مخارج المحطه. البلديه هي جهه الاختصاص

مسأله عيوب المداخل مش شيء جديد هذه مشكله صار لها سنين و الى الان حتى مع طرح سلبياتها بالمواقع و شبكات التواصل و الجرايد فوقها
لكن الى الان ما شفنا تحسن وهذا يحسب على جهات الاختصاص

جهه نفطيه تمسك زمام الموافقات على المحطات لوقود ولها لجنه و اعضاء من اكثر من جهه

الي ما افهمه. ليش هاللجنه ما تناقش البلديه او اشغال عن سلبيات المداخل ما داموا يجتمعون بشكل دوري

احنا في قطر و مثل هالسلبيات المفترض ما عندنا و زمنها ولى

نبي تصريح رسمي من اللجنه او جهات الاختصاص عن ما يناقش و كيف سيتم حل هالسلبيه الي كل المجتمع يعيشها يوميا


عن فكره محطات بطابقين مؤيد جدا خصوصا للمحطات داخل الدوحه و ضواحيها و بتوفر اراضي و تكاليف محطات جديده لتغطيه الطلب للبترول و الخدمات

[سعود.]

احس وقت الشرده ( النحشه ) مش ولا بد

مدري عن اشتراطات الدفاع المدني !!!!

[معماري قطري]

من سنتيم تقريبا جلست مع صديق مختص في السالفه

الي عرفته ان وقود ليست المختصه في مداخل و مخارج المحطه. البلديه هي جهه الاختصاص

مسأله عيوب المداخل مش شيء جديد هذه مشكله صار لها سنين و الى الان حتى مع طرح سلبياتها بالمواقع و شبكات التواصل و الجرايد فوقها
لكن الى الان ما شفنا تحسن وهذا يحسب على جهات الاختصاص

جهه نفطيه تمسك زمام الموافقات على المحطات لوقود ولها لجنه و اعضاء من اكثر من جهه

الي ما افهمه. ليش هاللجنه ما تناقش البلديه او اشغال عن سلبيات المداخل ما داموا يجتمعون بشكل دوري

احنا في قطر و مثل هالسلبيات المفترض ما عندنا و زمنها ولى

نبي تصريح رسمي من اللجنه او جهات الاختصاص عن ما يناقش و كيف سيتم حل هالسلبيه الي كل المجتمع يعيشها يوميا


عن فكره محطات بطابقين مؤيد جدا خصوصا للمحطات داخل الدوحه و ضواحيها و بتوفر اراضي و تكاليف محطات جديده لتغطيه الطلب للبترول و الخدمات

البلدية أو أشغال دوم تفكيرهم في تنظيم المدخل للدخول فقط حتى ما تصير ربكة والمخرج للخروج فقط .. حتى بعض اللفات علشان توصل للمدخل حاطين أعمدة تسكر وتلزم الشخص يجي من اتجاه معين .. في دول كثيرة شفت المحطات صغيرة وبعضها كبيرة بس مداخلها ومخارجها وحدة وعادي يجيك واحد عكس السير ويصب وعادي يوقف واحد سيارته وينزل السوبرماركت الملحق بالمحطة ويتم فترة .. والناس هم يصبون لنفسهم ويروحون يحاسبون .. وفوق هذا تجيك الارصفة أقل ما يمكن والمداخل والمخارج متعددة

بالنسبة لتوفير الاراضي بالعكس بنوا محطة عندنا وراها أرض فاضية تكفي لمحطة ثانية وسعة المحطة مناسبة يعيبها فقط تحديد المدخل والمخرج صغار وضيقين وبس اتجاه واحد .. يعني ما نحتاج توفير اراضي بل بالعكس نحتاج تخصيص أراضي مناسبة فيها خدمات عديدة والمحطة جزء منها مدمج معاها

[معماري قطري]

احس وقت الشرده ( النحشه ) مش ولا بد

مدري عن اشتراطات الدفاع المدني !!!!

بدون مشكلة وطاريء انت تبي تطلع وجدامك واحد علة يفكر وايد شلون يطلع وكله بريكات مع إن الطريق انسيابي جدامه يلزمه يدوس وبس .. بعضهم خايفين على مكاين سياراتهم وعلى البترول يخلص سرعة

[Dana’1]

دايم بالرسم يكون المشروع روعه و بالواقع طبعا في حال تم على أكمل وجه

لكن محطه دورين شوي مخيف .. مثلا شفنا كيف الجسر تسرب منه ماء بعد أمطار العام أو إلي قبله وطبعا حتى البيوت والمباني عموما
فكيف لو بمحطه و تسرب الماء يصب على الي تحت بعد إذا على الماء أشوى الخوف ينهل عليهم البترول من تسريب بالإمدادات الي من الخزان للمكان التعبئة !!! و حتى لو قلنا ما فيها ذيك الخطورة أظن إنها بالعموم فكره مكلفه مقارنه بالمحطات العادية

هم بس لو يروحون بالسعة شوي بالذات بالطريق السريعة بين المدن..
و الي بوسط المدينة يشيلووون كل المطاااعم ومحلات العاب الفيديو والماركت ويخلونها فقط للتعبئه أو ممكن يكتفون بـ ماركت للأساسيات !
و المحطات الي تكون أكبر و فيها سعه يكون فيها ماركت سدرة كبيرة مع المقهى والمطعم والي ودهم

أما مطاعم ومقاهي وكوكيز و محلات متنوعه مصفوفه و صيدلية و ما ركت طبيعي تصير زحمه

صحيح هي محلات تفك ازمه مرات من روحة الأسواق لكن أبدا ماهي حلوه تكون بمحطه بوسط البلد
بعد لو هي بمحطه كبيييرة وتكون المحلات بمسافة زينه عن مكان التعبية بيكون أفضل

[naklan]

نبي يخترعون لنا تعبية بترول السيارة وانت ماشي
نفس الطيارات الحربية الطيارات مب احسن منا

[معماري قطري]

دايم بالرسم يكون المشروع روعه و بالواقع طبعا في حال تم على أكمل وجه

لكن محطه دورين شوي مخيف .. مثلا شفنا كيف الجسر تسرب منه ماء بعد أمطار العام أو إلي قبله وطبعا حتى البيوت والمباني عموما
فكيف لو بمحطه و تسرب الماء يصب على الي تحت بعد إذا على الماء أشوى الخوف ينهل عليهم البترول من تسريب بالإمدادات الي من الخزان للمكان التعبئة !!! و حتى لو قلنا ما فيها ذيك الخطورة أظن إنها بالعموم فكره مكلفه مقارنه بالمحطات العادية

هم بس لو يروحون بالسعة شوي بالذات بالطريق السريعة بين المدن..
و الي بوسط المدينة يشيلووون كل المطاااعم ومحلات العاب الفيديو والماركت ويخلونها فقط للتعبئه أو ممكن يكتفون بـ ماركت للأساسيات !
و المحطات الي تكون أكبر و فيها سعه يكون فيها ماركت سدرة كبيرة مع المقهى والمطعم والي ودهم

أما مطاعم ومقاهي وكوكيز و محلات متنوعه مصفوفه و صيدلية و ما ركت طبيعي تصير زحمه

صحيح هي محلات تفك ازمه مرات من روحة الأسواق لكن أبدا ماهي حلوه تكون بمحطه بوسط البلد
بعد لو هي بمحطه كبيييرة وتكون المحلات بمسافة زينه عن مكان التعبية بيكون أفضل

هم قبل عابوا على المحطات الأهلية تحولها لأسواق وهم يحولون محطاتهم الحين لأسواق وزحمة .. عادي بكرة نشوف محلات عبي وملابس نسائية

[معماري قطري]

نبي يخترعون لنا تعبية بترول السيارة وانت ماشي
نفس الطيارات الحربية الطيارات مب احسن منا

نورت الدار علمنا شجبت لنا هدايا بسرعة

[السكين]

المشكلة دايماً في هالمحطات المدخل بداية يجي من أول الشارع أوعند يوتيرن اشارة ولما تدخل تحصل المدخل ضيق وماخذ زاوية ما تستوعبها السيارة الكبيرة بسهولة والجزيرة كبيرة من الانترلوك والرصيف عرييييض ليش ما أدري ، نفس محطة وقود اللي بأم صلال رصيف عريييض بدون فايدة ومحطة وقود اللي بالهلال خلف العمادي مدخل ويوتيرن ومحطة إشارات المراسم نفس الشي لدرجة انهم قافلين المدخل من ضيقه واللي بالهلال بعد قافلين المدخل ومحولينه.

الفكرة حلوة بس لو قدامك حد من إخواننا الآسيويين ومعاه بيك اب قيرعادي والطلعة مزدحمة كيف الوضع بيكون ؟

[jajassim]

مشاكل المداخل والمخارج محطات وقود

عند اعداد الرسومات الهندسية ، يقوم الرسامين بالرسم على الورق من غير احساس ، أى ليس لديهم الحس المنطقي (التفكير المنطقي) وخاصة عند مراجعة المخططات الهندسية للمداخل والمخارج ولا حتى عند البناء،،




( تعرف أيه عن المنطق)