واحد من الربع رايح ومعاه مهندسين من الشركة اللي تبني له .. كلهم مستقلين بس نسقوا بين بعض يتلاقون هناك وما قدر يقرر يقول يبي له زيارة ثانية
الصين
تركيا
قطر
واحد من الربع رايح ومعاه مهندسين من الشركة اللي تبني له .. كلهم مستقلين بس نسقوا بين بعض يتلاقون هناك وما قدر يقرر يقول يبي له زيارة ثانية
انا من رايي اللي ما عنده خبرة ولا ذوق أما يودي هله ويكون دارس نمط معين وناوي يطبقه ( اللي يسمونه ثيم وثيم كلمة انجليزية ) ويختار على أساسه كل شيء يحتاجه وبكميات مناسبة وزيادة شوي احتياط أو يشتري من قطر وينسى المعمعة ذي .. أما بتروح الصين تسويها على دفعات هشكل ما وفرت لا وقت ولا مجهود ولا مال
الحل الثاني للي عندهم مصمم داخلي يعتمدون عليه ويعطونه الخيط والمخيط
بعض المصممين يروحون وممكن ياخذها فرصة يحدد احتياجاته ويرافق مصمم ويساعده في الاختيار والراي الفني
في مكتب كويتي في الصين وتعاملوا معاه وايد من اهل قطر وعليه مدح في التعامل والضمانات الي يعطيك اياها لوصول البضاعه الى قطر وله وكيل في كل دول الخليج وعندي رقم الوكيل القطري الي يبيه يتواصل على الخاص
اخوي مافي شي ماتحصله في الصين
وكل شي ثلاث فئات ثلاث درجات اولى وثاني وثالثه
وفي اشياء مستحيل تحصل جودته في السوق القطري
المشكله الكل يقول اكثر الي يوصلنا درجه ثانيه وثالثه
والاسعار في التوفير النص عن المبلغ الي بيدفعه في قطر
يااخي المعارض الي تتم تغطيته تدوخ من الاشياء الي فيها والتنظيم والترتيب والتصنيف كل فئه ومستوى في قسم
كلامك صحيح
أمس مما دار من سوالف مع مقاول هو باني بيته ويذكر كيف وفر بطلبه عدة كونتينرات وكل كونتينر يحتوي على بضاعة لازمة للشغل حسب الجدول الزمني .. من التبليط والمواد الصحية الى الأبواب والنوافذ والأثاث حتى بعد ما يخزن فترات طويلة
يقول وفر في ال 500 الف ريال حول 200 ألف وخذ جودة عالية .. والأهم يكون عندك مقاول يركب صح ويهتم بالمواد أو عمالة جيدة وعارف قدراتها لو تشطب بنفسك
مهم ناخذ طريقة التركيب والتخزين لبعض المواد مثل الكيماويات والأصباغ وطريقة الخلط والمقادير باللغة الانجليزية وتكون واضحة حتى ما نتورط
بعد ما ننسى إن الجودة ما تعني بس شكل وتحمل تعني مواد غير مضرة وما يدخل في صناعتها الاسبستوس ولا مواد ضارة في الصبغ مثل الرصاص والزئبق وبعض الأصباغ حتى على ورق الجدران تتطاير مع الوقت لغبار رفيع ضار جداً للصحة .. ما ننسى إن الصين أسوأ من جبل علي سيء الذكر