كيلو الهامور اليوم بالسوق المركزي "بلدي" ب67ريال .. وخروف بلدي 5كيلوا ب500ريال يعني كيلوا الخروف 100 ريال!!!
معقووووله وين الرقابه منهم؟!!!
كيلو الهامور اليوم بالسوق المركزي "بلدي" ب67ريال .. وخروف بلدي 5كيلوا ب500ريال يعني كيلوا الخروف 100 ريال!!!
معقووووله وين الرقابه منهم؟!!!
مالك الا الكنعد احلى وارخص من الهامور
الأسعار في فطر للأسف مبالغ فيها جدا
ليس فقط اللحوم والأسماك ولكن الكثير من المنتجاتوالبضائع
والله الاسعار اصبحت فوق المعقول و مبالغ فيها
فعلا ياخوي انا امس لقي الهامور على 66 الكيلو وكل شي غالي فالبلد ترى ياجماعة فيه ناس مب قادرين يشترون حتى ارخص نوع من الاسماك اوغيرها من السلع هل قطر ترى مب كلهم هاوامير
,
,
مرحبا
شكرا على الموضوع
انا من مدينه الخور ومن بيت من أصحاب السفن وهي معروفه بصيد السمك
نصيحتي لك تختار الوقت المناسب لشراء السمك
اذا الجو فيه امطار وهواء وعاصف في عرض البحر مثل هذي الأيام
طبيعي سفن الصيد ما بتدخل البحر الا سفن قليله جدا بسبب التحذير والخطر بعرض البحر
فيكون سوق السمك فيه ( شح ) اسماك لانواع معينه
فيزيد السعر ( الضعف ) لقله العرض
الجو محد يقدر يتحكم فيه الا رب العالمين
اما احنا نقدر نختار ( الوقت المناسب لشراء السمك )
هذي الأيام ارخص سمك هو
( الكنعد ) لانه الان بدايه موسمه ويتم صيده بكميات كبيره
فيرخص السعر
واتفق معاك
ان سوق السمك وطريقه البيع ( تحتاج تنظيم ) افضل من كذا لصالح الصياد ولصالح المستهلك
حتى تكون الأسعار ترضي الطرفين لاهي غاليه تستنزف جيب المستهلك ولا هي رخيصه
تضر بالصياد لكثره مصاريفه ومصاريف السفن من محروقات ورواتب وصيانه وتبريد ونقل الأسماك
عندنا طرفين بينهم شد وجذب تحتاج العمليه تنظيم من طرف محايد الي هو الشركه او الدوله او لجنه الصيادين
الموضوع اكبر من انه يناقش بطريقه عابره
لانه يحتاج حل على ارضيه صلبه ويكون حل نهائي وللأسف من 20 سنه هناك تقصير وعدم فهم
لحل هذا الموضوع
وفي هذا التقصير للأسف ( المستفيد ) هو ( البائع ) الي بالسوق
هو يشتريه جمله برخيص من الصياد
ويبيعه غالي على المستهلك
( تخيل ان الي يبيع يربح اكثر من صاحب السفينه )
الصياد يخاطر بعرض البحر ويجيبه الى السوق
والاخ ( الي يبيع ) حاط رجل على رجل
يشتري الكيلو من الصياد ب 15 ريال
ويبيعه عليك ب 67
فقط تخيل حجم الكارثه ( عليك ) و على ( الصياد )
اما فينا رجل رشيد
يوقف هذا الجشع !!!!!!!
للصيف أسعار وللشتاء أسعار وفي حد ادنى وحد اعلى
لخلق تنافس بين الباعه وتكون المنافسه لصالح المستهلك
من ناحيه السعر والجوده وطريقه العرض والتبريد الصحي
في الكويت هناك شركه مساهمه اسمها ( اسماك )
تجربه طيبه عندهم تلم السمك من الصيادين بسعر معين
وتبيعه بسعر فائده 20%
يعني شريت الكيلو 20 ريال من الصياد احط نسبه الربح 20% وابيعه
وين الصعوبه في الموضوع ؟؟؟؟؟؟؟؟؟؟؟؟
ليه اترك واحد يربح مئات الالاف على ظهر المستهلك وعلى ظهر الصياد
,
,
التعديل الأخير تم بواسطة شموخ دائم ; 22-11-2019 الساعة 01:30 PM