هذي النوعية شفتها متركبة على بيت في قطر من فوق 20 سنة ونبهني لها صديق والا ما افرق بينها وبين الطبيعي .. بقيت فترة امر على البيت واتوقع احصل فيه تغيرات بسبب رخص المادة وكان مغطي السقف كله لكن ما شاء الله للحين كأنه مركب جديد
في شركة بتركب لي قالي الفورمن بنصبغ بوتمين وبعدين بنركب حديد بس مافي عازل ولا بليوت اسود يقول هالطريقه افظل وبيعطيني ضمان 10 سنوات بس التركيب اغلى من القرميد ههههههه هل الطريقه صحيحه او شغل تجاري بعد سنه اشوفه محول من فوق نبي النصيحه
قال عازل حراري والا مائي؟
قول له ابي تفاصيل التركيب وانا صعب احكم بدون تفاصيل للموقع وأي طريقة تناسب معاه .. اللي ذكرته عموم الاجراءات .. يعني ممكن عندك السلوبات جيدة ومستقيمة ولا تحتاج حديد حتى يعدل المستوى ويزيد ميلانه مثلاً وممكن ضروري تحتاج حديد .. وفي رايي حتى الحديد لازم يكون بينه وبين القرميد خشب حتى يثبت عليه
عيب الحديد خالي بدون خشب يغطيه يكون لو وصلته رطوبة وصدأ وبدأ ينزل الصدأ ويلطخ الواجهة
ذكرت إن بعضهم يركبون على الخرسانة مباشرة وأكيد لكل نوع قرميد طريقة مثالية للتركيب ومواد معينة وكذلك لكل حالة بناء طريقة مثالية
العازل الحراري للأسقف سواء مائلة أو مستوية شرط ضروري من شروط البناء ولا تحصل رخصة بناء بدونه
المائي للأسطح المائلة ومغطاة بالقرميد يكفي البيتومين مع إنه في دول كثيرة الأمطار العزل يكون برولات خاصة وبعضهم عدة طبقات
هذا مثال لنوعية صناعية من مادة القار أساسها مع مواد أُخرى نقدر نسميها قرميد صناعي مستحيل يتركب بدون خشب وبدون عزل للخشب كما هو موضح في الفيديو
والخشب هنا ألواح مب مربع ونفس الطريقة ركبوا بها البيت اللي ذكرته بس اللون بني ولون البيت بيج جاء متوازن ومتجانس وحلو وهو له حول 12 سنة للحين ما فيه مشاكل سقف
وهذي طريقة تركيبه في مشروع
هذا لنوعية خشبية من السيدار على ما اعتقد الصنوبر وفيه نوعيات كثيرة يستعملونها بعضها بس قشرة الشجر الخارجية وتعطي شكل حلو وبعضهم يستخدم خشب محروق يعطيه مقاومة لعوامل الجو مدى الحياة ولون مائل للرمادي
وهذا نوع ثاني فخاري اللي يجي قطعتين متداخلين في بعض يركب للخشب وللخرسانة بس لازم وسط خشبي
هذي الطريقة واضحة بدائية وكلها أخطاء حتى السقف سلوبه بسيط وما يبين القرميد شكله حلو